ລິ້ງ ສຳຫລັບເຂົ້າຫາ

ຣັດເຊຍ ຮຽກຮ້ອງໃຫ້ ສປຊ ຫາທາງແກ້ໄຂ ວິກິດການ ດ້ານມະນຸດສະທຳ ໃນຢູເຄຣນ (ວີດີໂອ)


ຮອງເອກອັກຄະລັດຖະທູດຢູເຄຣນ ປະຈຳສະຫະປະຊາຊາດ ທ່ານ Oleksandr Pavlichenko ຖະແຫລງຕໍ່ ສະພາຄວາມໝັ້ນຄົງ ສະຫະປະຊາຊາດ

ຮອງເອກອັກຄະລັດຖະທູດຢູເຄຣນ ປະຈຳສະຫະປະຊາຊາດ ທ່ານ Oleksandr Pavlichenko ຖະແຫລງຕໍ່ ສະພາຄວາມໝັ້ນຄົງ ສະຫະປະຊາຊາດ

ຣັດ​ເຊຍຮຽກຮ້ອງ​ໃຫ້ ສະຫະ​ປະຊາ​ດເອົາບາດກ້າວ​ໂດຍ​ທັນທີ
​ເພື່ອ​ຈັດການກັບ​ວິ​ກິດ​ການ​ດ້ານ​ມະນຸດສະທຳ ​ໃນ ຢູ​ເຄຣນ
​ແຕ່ສະຫະລັດກ່າວ​ວ່າ ຣັດ​ເຊຍມີ​ພາຫາ​ນະ​ທີ່​ຈະ​ຢຸດ​ມັນ​ໄດ້.

ຢູ່​ທີ່​ກອງ​ປະຊຸມສຸກ​ເສີນ​ຂອງສະພາ​ຄວາມ​ໝັ້ນຄົງ ທີ່​ຣັດ​ເຊຍ
​ຮຽກຂຶ້ນ ​ໃນ​ວັນ​ອັງຄານ​ວານ​ນີ້ ​ເອກ​ອັກຄະ​ລັດຖະທູດ Vitaly
Churkin ກ່າວ​ວ່າ ຈຳ​ເປັນ​ຕ້ອງ​ໄດ້​ມີ​ການ​ປະຕິບັດ ຫລັກ​ການ
​ມະນຸດສະທຳ​ສາກົນ ຢູ່​ໃນພາກ​ຕາ​ເວັນ​ອອກ​ຂອງ ຢູ​ເຄຣນນັ້ນ.
ທ່ານ​ໄດ້​ຕິຕຽນ ລັດຖະບານ​ໃນນະຄອນຫລວງ Kyiv ສຳ​ຫລັບ
ອັນ​ທີ່​ທ່ານເອີ້ນ​ວ່າ ການ​ກົດ​ຂີ່​ປາ​ບປາມຂົງ​ເຂດ​ນັ້ນ ຢ່າງຮຸນ​ແຮງ.

ຮອງ​ເອກອັກຄະ​ລັດຖະທູດສະຫະລັດ ທ່ານນາງ Rosemary DiCario ກ່າວ​ວ່າ ຣັດ​ເຊຍມີຄວາມ​ສາມາດ​ທີ່​ຈະຢຸດ​ທຸກ​ຢ່າງ​ໄດ້ ​ໂດຍ​ການ​ຢຸດການ​ຈັດ​ສົ່ງ ​ພວກ​ນັກ​ລົບ ​ອາ
ວຸດ ​ແລະ​ເງິນ ​ໃຫ້​ແກ່​ພວກ​ແບ່ງ​ແຍກ​ດິນ​ແດນ. ​ແຕ່ແທນ​ທີ່​ຈະ​ເຮັດ​ເ​ຊັ່ນ​ນັ້ນ ທ່ານ​ນາງ
ກ່າວ​ວ່າ ຣັດຊຍກັບ​ໄດ້​ເພີ້​ມຈຳນວນກອງພັນຂຶ້ນ​ເຖິງ ສອງ​ເທົ່າ ​ຢູ່​ໃກ້​ກັບ​ຊາຍ​ແດນ
​ແລະ​ມີແຜນ​ຈະເຝິ​ກຊ້ອມ​ທະຫານ​ຂະ​ນາດ​ໃຫຍ່.

​ເຈົ້າ​ໜ້າ​ທີ່ຝ່າຍມະນຸດສະທຳຂອງສະຫະ​ປະຊາ​ຊາດ ທ່ານ John Ging ​ໄດ້​ກ່າວ​ຕໍ່​ສະ
ພາ​ຄວາມ​ໝັ້ນຄົງ​ວ່າ ​ສະຖານະ​ການ​ດ້ານມະນຸດສະ​ທໍາຮ້າຍ​ແຮງ​ໜັກ​ຂຶ້ນເປັນ​ພິ​ເສດໃນ
ຢູ​ເຄຣນນັ້ນ ກໍຍ້ອນຄວາມ​ຮຸນ​ແຮງ​ຢູ່ໃນ​ເຂດຕົວ​ເມືອງ. ທ່ານ ກ່າວ​ວ່າ ຫລາຍ​ຄົນ​ທີ່​ໄດ້​ພາກັນຫລົບໜີຈາກ​ເຮືອນ​ຊານ​ເຂົາ​ເຈົ້າ​ໄປ​ ​ບໍ່​ໄດ້ຈົດ ທະບຽນ​ກັບ​ເຈົ້າ​ໜ້າ​ທີ່ ຊຶ່ງ​ເຮັດ​ໃຫ້
ມີ​ຄວາມ​ຫຍຸ້ງຍາກ​ໃນ​ການສັ່ງ​ຊາຕີ​ລາຄາ ຄວາມ​ຕ້ອງການ​ ການ​ຊ່ວຍ​ເຫລືອ.

XS
SM
MD
LG