ລິ້ງ ສຳຫລັບເຂົ້າຫາ

ທ່ານ Kerry ຮຽກຮ້ອງໃຫ້ ອີຣ່ານຕັດສິນໃຈ ກ່ຽວກັບ ເລື້ອງນີວເຄລຍ ນັ້ນເສຍ


ທ່ານ John Kerry ກ່າວກ່ຽວກັບ ການເຈລະຈາເລື້ອງ ໂຄງການນີວເຄລຍຂອງອີຣ່ານ ທີ່ເມືອງ Lausanne, Switzerland ວັນທີ 21 ມີນາ 2015.

ທ່ານ John Kerry ກ່າວກ່ຽວກັບ ການເຈລະຈາເລື້ອງ ໂຄງການນີວເຄລຍຂອງອີຣ່ານ ທີ່ເມືອງ Lausanne, Switzerland ວັນທີ 21 ມີນາ 2015.

ບັນດາ​ລັດຖະມົນຕີ​ການ​ຕ່າງປະ​ເທດ ຂອງ​ສະຫະລັດ​ແລະ​ສະ
ຫະພາບ​ຢູ​ໂຣບ ທີ່​ກຳລັງ​ພະຍາຍາມ​ດຳ​ເນີນ​ງານ​ເພື່ອ​ໃຫ້​ບັນລຸ
​ຂໍ້​ຕົກລົງ​ນີວ​ເຄລຍກັບ​ອີຣ່ານ ກ່າວ​ວ່າ ພວກ​ຕົນ​ກຳລັງ​ຢູ່​ໃນ​ຂັ້ນ​
ທີ່​ສຳຄັນ​ທີ່​ສຸດ​ໃນ​ການເຈລະຈາ ​ແລະເວລາ​ນີ້ ໄດ້​ທຳ​ຄວາມ​
ຄືບ​ໜ້າ​ຫຼາ​ຍ​ສົມຄວນ.

ພວກ​ລັດຖະມົນຕີ​ຕ່າງປະ​ເທດ​ຈາກ​ອັງກິດ ຝຣັ່ງ ​ແລະ​ເຢຍຣະມັນ
​ກັບທ່ານ John Kerry ລັດຖະມົນຕີ​ຕ່າງປະ​ເທດ​ສະຫະ​ລັດ ​ໄດ້​ພົບ
​ປະກັນ​ທີ່​ລອນ​ດອນ​ໃນ​ວັນ​ເສົາ​ວານ​ນີ້ ​ໃນ​ລະຫວ່າງ​ການ​ຢຸດ​ພັກ​
ຊົ່ວຄາວ​ໃນ​ການ​ເຈລະຈາ​ກັນ. ພວກທ່ານ​ກ່າວ​ວ່າ ເຖິງ​ແມ່ນໄດ້​
ບັນລຸ​ຄວາມ​ຄືບ​ໜ້າຫຼາຍສົມຄວນ​ໃນ​ດ້ານສຳຄັນໆ ​ແຕ່​ກໍ​ຍັງ​ມີເລື້ອ​ງ
ສຳຄັນ​ອື່ນໆ​ອີກ​ຢູ່ ທີ່​ຍັງ​ບໍ່​ສາມາດ​ຕົກລົງ​ກັນ​ໄດ້.

ພວກ​ທ່ານ​ໄດ້​ຮຽກຮ້ອງ​ໃຫ້​ອີຣ່ານ ​ເຮັດ​ໃນ​ອັນທີ່​ພວກທ່ານເອີ້ນວ່າ ການ​ຕັດສິນ​ໃຈ​ທີ່​ຫຍຸ້ງ
ຍາກ ​ແລະ​ເວົ້າ​ວ່າ ພວກທ່ານ​ບໍ່​ສາມາດຈະ​ລົງ​ນາມໃນ​ຂໍ້​ຕົກລົງ ທີ່​ “ບໍ່ຄົບ​ຖ້ວນ​ຮອບດ້ານ ບໍ່ຍືນຍົງ​ ແລະ​ພິສູດ​ບໍ່ໄດ້.”

ກ່ອນ​ການເຈລະຈາ​ກັນ​ນັ້ນ ທ່ານ Kerry ກ່າວ​ວ່າ “ການ​ຕັດສິນ​ໃຈ​ຂັ້ນ ພື້ນຖານທີ່​ສຳຄັນ
ຈະ​ຕ້ອງ​ໄດ້​ມີ​ຂຶ້ນ​ໃນເວລານີ້”
​ແລະທ່ານ​ກ່າວ​ຕໍ່​ໄປ​ວ່າການ​ຕັດສິນ​ໃຈ​ເຫຼົ່າ​ນັ້ນ ຈະ​ບໍ່​ງ່າຍຂຶ້ນ ​
ໃນ​ຂະນະ​ທີ່​ເວລາ​ຜ່ານໄປ.

ປະທານາທິບໍດີ ບາຣັກ ​ໂອ​ບາ​ມາ ກ່າວ​ຢູ່​ໃນ​ການ​ໃຫ້​ສຳພາດ ​ທີ່​ພິມ​ລົງ​ໃນ​ໜັງສືພິມ
Huffington Post ​ໃນ​ວັນ​ເສົາ​ວານ​ນີ້​ວ່າ ບັນຫາ​ກໍ​ແມ່ນ​ວ່າ ອີຣ່ານກຽມ​ພ້ອມຫຼືຍັງ​ທີ່​ຈະ
​ສະ​ແດໃຫ້​ໂລກ​ເຫັນ​ວ່າ ຕົນ​ບໍ່​ໄດ້​ພັດທະນາອາວຸດ​ນີວ​ເຄລຍ.

ການເຈລະຈາ​ກັນ ​ກຳນົດ​ຈະດຳ​ເນີນ​ຕໍ່​ໄປໃນ​ສັບປະດາ​ໜ້າ ​ທີ່​ເມືອງ Lausanne ສະ​ວິດ​ເຊີ​ແລນ ​ໂດຍ​ຈະ​ມີ​ນັກ​ການ​ທູດ​ຈາກ​ຈີນ ​ແລະຣັດ​ເຊຍ​ ເຂົ້າ​ຮ່ວມ​ນຳ​ ຊຶ່ງ​ສອງ​ປະ​ເທດ​ນີ້ ​ເປັນ​ອີກ​ສອງ​ສະມາຊິກ​ຂອງ​ກຸ່ມ ​ທີ່​ເອີ້ນ​ວ່າ P5 ບວກ​ 1 ທີ່​ທຳການ​ເຈລະຈາ​ເລື້ອງ​ນິວ​ເຄລຍ​ກັບ​ອີຣ່ານ.

XS
SM
MD
LG