ປະທານາທິບໍດີ ໂຣເມເນຍ ທ່ານ Traian Basescu ໄດ້ລອດພົ້ນຈາກການລົງປະຊາ
ມະຕິຟ້ອງຮ້ອງທ່ານ ຫຼັງຈາກທີ່ບໍ່ມີຜູ້ອອກໄປລົງຄະແນນສຽງຢ່າງພຽງພໍ.
ເຈົ້າໜ້າທີ່ເລືອກຕັ້ງກ່າວວ່າ ຈໍານວນ ຜູ້ອອກມາລົງຄະແນນສຽງໃນວັນອາທິດວານນີ້
ແມ່ນເກືອບຮອດ 46% ແຕ່ວ່າບໍ່ຮອດ 50% ຕາມທີ່ລະບຸໄວ້ໃນກົດໝາຍນັ້ນ.
ປະທານາທິບໍດີ Basescu ກ່າວວ່າ ຊາວໂຣເມເນຍ ໄດ້ເຮັດໃຫ້ການລົງປະຊາມະຕິ
ດັ່ງກ່າວ ເປັນໂມຄະໄປ ໂດຍການບໍ່ໄປປະກອບສ່ວນນັ້ນ.
ສະພາໂຣເມເນຍໄດ້ສັ່ງງົດອໍານາດຂອງທ່ານ Basescu ຊົ່ວຄາວໃນຕົ້ນເດືອນນີ້ ຫຼັງຈາກ
ຝ່າຍທີ່ຄັດຄ້ານທ່ານ ທີ່ນໍາໂດຍນາຍົກລົດຖະມົນຕີອ່ຽງຊ້າຍກາງ ທ່ານ Victor Ponta
ໄດ້ກ່າວຫາທ່ານ ວ່າ ລະເມີດລັດຖະທໍາມະນູນ. ພັກ Social-Liberal Union ຂອງທ່ານ
Ponta ໄດ້ຂຶ້ນກໍາອໍານາດ ແລະກໍໄດ້ເລີ່ມຕົ້ນຂັ້ນຕອນ ເພື່ອປົດປະທານາທິບໍດີອອກຈາກ
ຕໍາແໜ່ງໃນທັນທີ.
ທ່ານ Basescu ກ່າວວ່າ ການດໍາເນີນການຟ້ອງຮ້ອງທ່ານນັ້ນ ແມ່ນເປັນການແກ້ແຄ້ນ
ທາງການເມືອງ. ທ່ານຈະເຂົ້າກໍາອໍານາດສືບຕໍ່ໄປ ແລະຈະປະຕິບັດໜ້າທີ່ຂອງທ່ານຈົນເຖິງ
ເວລາ ໝົດສະໄໝຄອງຕໍາແໜ່ງຂອງທ່ານ ໃນປີ 2014.
