ການປ່ຽນແປງຂອງເວລາແມ່ນກ່ຽວກັບທຸກສິ່ງທຸກຢ່າງ.
ແລະຄືດັ່ງເພງຂອງເຂົາເຈົ້າ Time is On My Side ຄະນະດົນ
ຕີ Rolling Stones ໃນທີ່ສຸດກໍປາກົດວ່າມີອາຍຸຍືນພໍທີ່ໄດ້ເຫັນ
ຄິວບາປ່ຽນແປງທ່າທີຂອງ ຕົນ ກ່ຽວກັບຄະນະດົນຕີ ທີ່ມີຊື່ສຽງ
ດັ່ງກ່າວ.
ປະເທດເກາະດອນຄອມມິວນິສຄິວບາ ຄັ້ງໜຶ່ງໄດ້ຫ້າມບໍ່ໃຫ້ດົນ
ຕີຂອງຄະນະ Rolling Stones ເຂົ້າໄປສະແດງ ເພາະຄິວບາ
ເຫັນວ່າ ມີທ່າອຽງແບບລົ້ມລ້າງ ແຕ່ວ່າໃນຕອນແລງວັນສຸກວານ
ນີ້ ຄະນະດົນຕີດັ່ງກ່າວໄດ້ສ້າງປະຫວັດສາດ ຈັດຄອນເຊີດໃຫ້
ເບິ່ງແບບບໍ່ເສຍເງິນ ທີ່ນະຄອນ Havana ຕໍ່ໜ້າຝູງຊົນເຄິ່ງລ້ານຄົນ ທີ່ພາກັນຕຶ່ນເຕັ້ນ.
ພວກທີ່ບໍ່ສາມາດເຂົ້າເບິ່ງຄອນເຊີດດັ່ງກ່າວໄດ້ ກໍພາກັນເບິ່ງຢູ່ຕາມຫລັງຄາເຮືອນ.
ທ່ານ Mick Jagger ໄດ້ວາງທ່າທາງສະແດງຢູ່ເທິງເວທີ ໃນຂະນະທີຄະນະດົນຕີຂອງ
ລາວ ເລີ້ມຫຼິ້ນເພງທຳອິດຂອງຄ່ຳຄືນ Jumpin’ Jack Flash.
ຍາມຜູ້ໜຶ່ງ ຊື່ທ້າວ Joaquin Ortiz ກ່າວວ່າ “ຫລັງຈາກມື້ນີ້ ຂ້ອຍຕາຍໄດ້.” ຜູ້ຊາຍອາຍຸ
62 ປີ ກ່າວວ່າ ລາວໄດ້ເປັນແຟນທີ່ຍິ່ງໃຫຍ່ຂອງວົງດົນຕີ rock ນັບຕັ້ງແຕ່ລາວຍັງເປັນ
ໜຸ່ມນ້ອຍໃນປີຊຸມປີ 1960 ເວລາລັດຖະບານຄອມມິວ ນິສຄິວບາ ໄດ້ຫ້າມບໍ່ໃຫ້ຟັງຄະ
ນະດົນຕີສະຫະລັດ ແລະອັງກິດ ແລະລາວຕ້ອງໄດ້ເຊື່ອງ ປົກແຜ່ນສຽງຄະນະ Beatles
ແລະ Rolling Stones ນັ້ນໄວ້ ທີ່ໄດ້ຢືມມາຈາກກຸ່ມປະຕິວັດຄິວບາ. “ນີ້ຄືກັນກັບຄວາມ
ປາດຖະໜາອັນສຸດທ້າຍຂອງຂ້ອຍ ທີ່ໄດ້ເຫັນຄະນະ Rolling Stones.”
