ລິ້ງ ສຳຫລັບເຂົ້າຫາ

ກຸ່ມປົກປ້ອງ ສິດທິມະນຸດ ຮຽກຮ້ອງ​ໃຫ້​ ສຫລ ໃຫ້​ບ່ອນພັກ​ພາ ສຸກ​ເສີນ​ ແກ່​​ນັກ​ຂຽນ Bangladesh


ນັກ​ຂຽນ blogger Ibrahim Khalil ໄດ້ລີ້ຊ້ອນ ນັບຕັ້ງແຕ່ປີ 2013 ເປັນຕັ້ນມາ ຕອນທີ່ພວກຫົວຮຸນແຮງຈັດ ກຸ່ມລັດອິສລາມ ໄດ້ຈັດລາຍຊື່ 84 ຄົນ "ຕໍ່ຕ້ານອິສລາມ" ໃຫ້ມີການສັງຫານໂຫດ
ແລ້ວປະຈານ ຕໍ່ສາທາລະນະ.

ນັກ​ຂຽນ blogger Ibrahim Khalil ໄດ້ລີ້ຊ້ອນ ນັບຕັ້ງແຕ່ປີ 2013 ເປັນຕັ້ນມາ ຕອນທີ່ພວກຫົວຮຸນແຮງຈັດ ກຸ່ມລັດອິສລາມ ໄດ້ຈັດລາຍຊື່ 84 ຄົນ "ຕໍ່ຕ້ານອິສລາມ" ໃຫ້ມີການສັງຫານໂຫດ ແລ້ວປະຈານ ຕໍ່ສາທາລະນະ.

ບັນດາອົງການ​ປົກ​ປ້ອງ​ສິດ​ທິ​ມະນຸດ​ແຖວ​ໜ້າ ​ໄດ້​ຮຽກຮ້ອງ​ໃຫ້​ສະຫະລັດ ສະ​ເໜີ​ໃຫ້​ບ່ອນ ພັກ​ພາສຸກ​ເສີນ​ແກ່​ບັນດາ​ນັກ​ຂຽນ​ຂອງ​ Bangladesh ທີ່ເປັນເປົ້າ​ໝາຍ​ຂອງ​ກຸ່ມ​ຫົວ​ຮຸ​ນ​ແຮງຈັດ​ອິສລາມ​ ຍ້ອນ​ຄວາມ​ເຊື່ອ​ໃນ​ທາງ​ໂລກ​ຂອງ​ເຂົາ​ເຈົ້າ​ນັ້ນ.

ກຸ່ມ​ດັ່ງກ່າວ ​ແມ່ນ​ຮວມມີສູນ​ກາງ​ນັກ​ຂຽນ​ອາ​ເມ​ຣິກັນ ຫຼື PEN American Center ກຸ່ມປົກ​ປ້ອງ​ສິດທິ​ມະນຸດ Human Right Watch ອົງການ​ອິດ​ສະຫຼະພາບ Freedom House ອົງການ​ນັກ​ຂ່າວ​ບໍ່​ມີ​ພົມ​ແດນ ​ໄດ້​ສົ່ງ​ຈົດໝາຍຮ້ອງ​ຂໍ​ຕໍ່ລັດຖະມົນ​ການ​ຕ່າງປະ​ເທດ​ສະຫະລັດ ທ່ານ John Kerry.

​ເນື້ອໄນ​ຂອງ​ຈົດໝາຍກ່າວ​ວ່າ “ບັນດາ​ນັກ​ຂຽນ​ທັງຫຼາຍ​ທີ່​ກ່າວ​ມາ​ນີ້ ​ແມ່ນ​ບໍ່​ສາມາດ​ທີ່​ຈະ ຂໍ​ການປົກ​ປ້ອງ​ຄຸ້ມ​ກັນ​ຕົວ​ເອງ​ໄດ້ ຈາກ​ລັດຖະບານ​ຂອງ​ພວກ​ເຂົາ​ເຈົ້າ ​ແລະ​ຍັງ​ໄດ້​ຢູ່​ໃນ​ສະ​ພາບ​ການ​ຖືກ​ຂົ່ມຂູ່ ​ກ່ຽວ​ກັບການ​ໂຈມຕີຮ້າຍ​ແຮງ ຈາກ​ກຸ່ມ​ທີ່ບໍ່​ແມ່ນ​ລັດຖະບານ ​ຊຶ່ງໄດ້​ດຳ ​ເນີນ​ການຕາມ​ຄຳ​ຂົ່ມຂູ່ຂອ​ງພວກ​ເຂົາ ​ແລະສຳນວນ​ຄຳ​ເວົ້າ​ແມ່ນ​ໄດ້​ຊ້ຳ​ຄືນ​ເຖິງ​ອະດີດ.”

ນັກ​ຂຽນ​ຂ່າວ​ທາງອິນ​ເຕີແນັດ ຫຼື bloggers 4 ຄົນແລະ​ຜູ້ພິມຜູ້​ໂຄສະນາ​ຄົນ​ນຶ່ງ​ ​ແມ່ນ​ໄດ້​ຖືກ​ສັງຫານ​ໃນ​ບັງ​ກລາ​ແດັສ ​ໃນ​ປີ​ນີ້ ພຽງປີ​ດຽວ ​ແລະ ຍັງ​ມີ​ອີກ​ຫຼາຍ​ສິບ​ຄົນ ທີ່​ໄດ້​ຖືກ​ຂົ່ມຂູ່​ຈາກ​ກຸ່ມ​ລັດ​ອິສລາມ.

ຈົດໝາຍ​ດັ່ງກ່າວ ​ໄດ້​ລົງ​ນາມ​ໂດຍ 7 ອົງການ​ເພື່ອ​ສິດທິ​ມະນຸດ ​ແລະ​ໄດ້​ກ່າວ​ວ່າ ກຸ່ມ​ອິສລາມ​ຫົວ​ຮຸນ​ແຮງ​ຈັດ ​ເຊັ່ນ Ansa rai-Islam Ansarullah Bangla Team ຫລື ABT ຊຶ່ງ​ເປັນ​ກຸ່ມ​ກໍ່​ການ​ຮ້າຍ Al-Qaida ​ໃນ​ຊົມ​ພູທະວີບ​ນັ້ນໄດ້​ອອກ​ມາ​ອ້າງ​ເອົາ​ຄວາມ​ຮັບ​ຜິດຊອບ​ໃນ​ການ​ສັງຫານ​ເຫລົ່າ​ນີ້.

ກຸ່ມ ABT ​ແລະ​ກຸ່ມອິສລາມຫົວ​ຮຸນ​ແຮງ​ອື່ນໆ ​ໄດ້ພິມ​ເຜີຍ​ແຜ່​ລາຍ​ຊື່ ​ທີ່​ປະກອບພວກ​ຂຽນຂ່າວ​ລົງ​ອິນ​ເຕີ​ແນັດ ຫລື bloggers ​ພວກ​ນັກ​ຂຽນແລະ​ຜູ້​ພິ​ມຜູ້​ໂຄສະນາ ຊຶ່ງ​ພວກ​ກຸ່ມ​ດັ່ງ ກ່າວ​ປະຕິຍານ​ຕົນ​ແລ້ວ​ວ່າ ຈະ​ສັງຫານ​ນັ້ນ.

XS
SM
MD
LG