ລິ້ງ ສຳຫລັບເຂົ້າຫາ

ກຸ່ມປົກປ້ອງສິດທິມະນຸດ ຕໍ່ວ່າເຄັນຢາ ທີ່ຮາວີລົບກວນ ອົງການບໍ່ຂຶ້ນກັບລັດຖະບານ.


ປະທານາທິບໍດີເຄັນຢາ ທ່ານ Uhuru Kenyatta

ປະທານາທິບໍດີເຄັນຢາ ທ່ານ Uhuru Kenyatta

ກຸ່ມປົກປ້ອງສິດທິມະນຸດຫຼາຍກຸ່ມ ຮວມທັງ ກຸ່ມ Human Rights
Watch ອົງການນິລະໂທດກຳສາກົນ ແລະ ອົງການສະພາ
ສັງຄົມພົນລະເຮືອນແຫ່ງຊາດເຄັນຢາ ໄດ້ຕຳນິຕິຕຽນລັດຖະ
ບານເຄັນຢາ ກ່ຽວກັບການຮາວີລົບກວນ ແລະການຂົ່ມຂູ່
ຕໍ່ສອງອົງການທີ່ບໍ່ຂຶ້ນກັບລັດຖະບານ.

ໃນຖະແຫລງການທີ່ໄດ້ນຳອອກເຜີຍແຜ່ ໃນວັນພະຫັດມື້ນີ້
ບັນດາກຸ່ມປົກປ້ອງສິດທິມະນຸດ ໄດ້ຕຳນິຕິຕຽນ Nairo-
bi ທີ່ສັ່ງບໍ່ໃຫ້ໃຊ້ເງິນໃນບັນຊີຂອງອົງການ Haki Africa
ແລະກຸ່ມມຸສລິມເພື່ອສິດທິມະນຸດ ທີ່ຮູ້ກັນໃນນາມວ່າ
MUHURI. ລາຍງານຍັງໄດ້ກ່າວວ່າ ເຄັນຢາ ໄດ້ຈັດໃຫ້
ສອງກຸ່ມດັ່ງກ່າວນີ້ ເຂົ້າຢູ່ໃນບັນຊີລາຍຊື່ ອົງການທີ່ທີ່ຖືກກ່າວຫາວ່າ ໃຫ້ການຊ່ອຍເຫຼືອ
ກຸ່ມກໍ່ການຮ້າຍ.

ລາຍງານຍັງໄດ້ລະບຸວ່າ ເຈົ້າໜ້າທີ່ຄຸ້ມຄອງແຫ່ງຊາດເຄັນຢາ ເພື່ອກວດສອບອົງການ
ທີ່ບໍ່ຂຶ້ນກັບລັດຖະບານ ໄດ້ຍົກເລີກການລົງທະບຽນໃຫ້ແກ່ສອງອົງການນີ້ ໃນວັນທີ 28
ພຶດ ສະພາ ຜ່ານມານີ້ ໂດຍອ້າງວ່າພວກເຂົາເຈົ້າໄດ້ລາຍງານລາຍຮັບຂອງພວກເຂົາເຈົ້າ
ໜ້ອຍເກີນຈຳນວນຕົວເລກທີ່ແທ້ຈິງ.

ແຕ່ວ່າອົງການເພື່ອສິດທິມະນຸດ ປະຕິເສດຕໍ່ເລື້ອງດັ່ງກ່າວ ໂດຍກ່າວວ່າ Haki Africa ແລະ MUHURI ແມ່ນໄດ້ເປີດເຜີຍການປະຕິບັດງານໃນນາມກຸ່ມອື່ນ ແລະໄດ້ເຮັດຕາມລະບຽບ
ການ ແລະໄດ້ຈ່າຍພາສີແລະຍັງໄດ້ພິມເຜີຍລົງທາງອິນເຕີແນັດ ນຳດ້ວຍ.

ລາຍງານຍັງໄດ້ລະບຸວ່າ ທັງສອງອົງການເພື່ອມິດທິມະນຸດ ທີ່ມີຫ້ອງການຢູ່ Mombasa ໄດ້ເກັບກຳການລະເມີດສິດທິມະນຸດ ຢ່າງຕໍ່ເນືອງ ໃນຂົງເຂດຝັ່ງທະເລເຄັນຢາ ແລະໄດ້
ນຳສະເໜີກ່ຽວກັບການກ່າວຫາອົງການຮັກສາຄວາມປອດໄພ ທີ່ພົວພັນໃນການສັງຫານທີ່
ຮວບຮັດຕັດຕອນນັກສອນສາສະໜາອິສລາມ ແລະພວກທີ່ສົງໄສວ່າເປັນພວກກໍ່ການຮ້າຍ.

XS
SM
MD
LG