ລິ້ງ ສຳຫລັບເຂົ້າຫາ

HRW ຮຽກຮ້ອງ ໃຫ້ຈີນ ປົກປ້ອງ ອົບພະຍົບ ມຽນມາ

  • ສິງ ບູຣົມມະວົງ

ກຸ່ມປົກປ້ອງສິດທິມະນຸດ Human Rights Watch

ກຸ່ມປົກ​ປ້ອງ​ສິດທິ​ມະນຸດ Human Rights Watch ກ່າວ​ວ່າ ພວກ​ອົບ​ພະ​ຍົບ​ເຜົ່າ
ກາ​ຈິ່ນຫຼາຍ​ພັນ​ຄົນ ທີ່​ພາກັນຫລົບໜີ​ການ​ສູ້​ລົບ​ໃນ​ມຽນມາ ​ເວລາ​ນີ້​ກໍາລັງ​ປະ​ເຊີ​ນໜ້າ
​ກັບ​ສະຖານະ​ການ​ດ້ານ​ສິດທິ​ມະ​ນຸດ​ຢ່າງ​ຮ້າຍ​ແຮງຢູ່ໃນພາກຕາ​ເວັ​ນ ຕົກ​ສຽງໃຕ້ຂອງ
​ຈີນ ​ແລະ​ສ່ຽງ​ຕໍ່​ການ​ຖືກບັງ​ຄັບ​ສົ່ງກັບ​ຄືນໄປ​ຍັງ​ບ້ານ​ເກີດ​ເມືອງ​ນອນ​ ທີ່​ປະສົບ​ໄພ​ສົງ
ຄາມຂອງ​ພວກ​ເຂົາ​ເຈົ້າ.

ກຸ່ມ​ປົກ​ປ້ອງ​ສິດທິ​ມະນຸດ​ກຸ່ມ​ນີ້​ເວົ້າວ່າ ມີປະຊາຊົນ​ຫຼາຍ​ເຖິງ 10,000 ຄົນ​ໄດ້ພາກັນ
​ຫຼົບໜີ​ໄປ​ຍັງ​ແຂວງ​ຢຸນນານຂອງ​ຈີນ ຈາກ​ລັດ​ກາ​ຈິ່ນ ​ຂອງ​ມຽນມາ ບ່ອນ​ທີ່​ການສູ້​ລົບ
​ກັນ​ໄດ້​ລະ​ເບີດ​ຂຶ້ນ​ໃນ​ປີ​ກາຍ​ນີ້ ລະຫວ່າງ​ທະຫານ​ລັດຖະບານ​ ​ແລະ​ ພວກ​ກະບົດ​ເຜົ່າ​
ກະ​ຈິ່ນ.

ທ່ານ Phil Robertson ຮອງ​ຜູ້ອຳນວຍການ​ຝ່າຍເອ​ເຊຍຂອງ​ກຸ່ມ​ປົກ​ປ້ອງ​ສິດທິມະ
ນຸດ Human Rights Watch ກ່າ​ວໃນ​ການ​ໃຫ້​ສໍາພາດ ແກ່ວີໂອ​ເອວ່າ ພວກ​ອົບ​ພະ​
ຍົບ ​ແມ່ນຕ້ອງການ​ຄວາມ​ຊ່ວຍ​ເຫລືອດ້ານ​ມະນຸ​ດສະ​ທໍ​າ​ຫລາຍ​ທີ່​ສຸດ.

ກຸ່​ມປົກ​ປ້ອງສິດ​ທິມະນຸດກຸ່ມ​ນີ້ຍັງ​ກ່າວອີກ​ວ່າ ​ບັນດາ​ເຈົ້າ​ໜ້າ​ທີ່​ຈີນ ​ໂດຍ​ທົ່ວ​ໄປ ​ແລ້ວ​
ແມ່ນ​ໄດ້​ໂຍະຍານ​ຜ່ອນຜັນໃຫ້​ແກ່ພວກ​ອົບ​ພະ​ຍົບ​ຫລາຍ​ພັນ​ຄົນ ​ແຕ່ກໍເວົ້າ ວ່າ ​ເຈົ້າ​ໜ້າ​
ທີ່​ໄດ້​ສົ່ງ​ປະມານ 300 ຄົນ​ແລ້ວ​ກັບ​ຄືນ​ຍັງລັດກາ​ຈິ່ນນັບ​ຕັ້ງ​ແຕ່ບັນ ຫາຂັດ​ແຍ້​ງ​ໄດ້​ລະ​
ເບີດ​ຂຶ້ນ​ໃນ​ປີ​ກາຍ​ນີ້. ນອກ​ນັ້ນ ​ກຸ່ມ​ປົກ​ປ້ອງ​ສິດທິ​ມະນຸດ​ນີ້ຍັງໄດ້​ບັນ​ທຶກຫລາຍ​ກໍລະນີ
ທີ່​ເຈົ້າ​ໜ້າ​ທີ່​ຈີນ ​ໄດ້ສົ່ງພວກທີ່​ອາດເປັນອົບພະ​ຍົບ​ ກັບ​ຄືນ​ໄປຢູ່​ທີ່ຊາຍ​ແດນ.

ກຸ່ມປົກ​ປ້ອງສິດທິ​ມະນຸດ Human Rights Watch ຕ້ອງການ​ຢາກ​ໃຫ້​ຈີນ ​ໃຫ້ການ
​ປົກ​ປ້ອງ​ຄຸ້ມ​ຄອງ​ຊົ່ວ​ຄາວ ​ແກ່​ພວກ​ອົບ​ພະຍົບ ​ແລະ​ອະນຸຍາດ​ໃຫ້​ອົງການ​ຊ່ວຍ​ເຫລືອ​
ມະນຸດສະ​ທໍາຕ່າງໆ ​ເຂົ້າ​ໄປ​ຊ່ວຍ​ພວກ​ອົບ​ພະ​ຍົບ​ໄດ້.

​ເທົ່າ​ທີ່​ຜ່ານ​ມາ ຈີນບໍ່​ໄດ້​ໃຫ້ການ​ຊ່ວຍ​ເຫຼືອ​ໃດໆ​ແກ່​ພວກ​ອົບ​ພະຍົບ​ ​ແລະໄດ້ປະຕິ​ເສດ
ຕໍ່​ການ​ພະຍາຍາມ​ຂອງອົງການ​ມະນຸດສະ​ທໍາສະຫະ​ປະຊາ​ຊາດທີ່ ຈະ​ເຂົ້າ​ໄປ​ຊ່ວຍພວກ​
ອົບ​ພະຍົບ​ເຫຼົ່ານີ້.

XS
SM
MD
LG