ລິ້ງ ສຳຫລັບເຂົ້າຫາ

ມີຄົນສົ່ງຈົດໝາຍ ທີ່ມີສານພິດ ເຖິງທ່ານ Bloomberg (ວີດີໂອ)


ຫົວໜ້າຕໍາຫຼວດນະຄອນ New York ທ່ານ Raymond Kelly (ຊ້າຍ) ແລະທ່ານ Michael Bloomberg ເຈົ້າ​ຄອງ​ກໍາ​ແພງ​ເມືອງ ນິວຢອກ(ຂວາ)
ເຈົ້າ​ຄອງ​ກໍາ​ແພງ​ນະຄອນ​ນິວຢອກ​ ທ່ານ Michael Bloomberg ກ່າວ​ວ່າ ຈົດໝາຍ​ທີ່​ມີ​ສານພິດ ທີ່ີຖືກ​ສົ່ງ​ໄປ​ເຖິງ​ທ່ານນັ້ນ ​ແມ່ນ​ກ່ຽວຂ້ອງ​ກັບ​ການ​ປຸກລະດົມ​ທີ່​ມີ​ການ​ເຜີຍ​ແຜ່​ຂ່າວ​ຢ່າງ​ກ້ວາງ​ຂວາງ​ຂອງ​ທ່ານ ກ່ຽວ​ເລື້ອງການ​ຄວບ​ຄຸມ​ປືນ.

ທ່ານ Bloomberg ​ໄດ້​ກ່າວ​ຕໍ່​ບັນດາ​ນັກ​ຂ່າວ ​ໃນ​ແລງ​ວັນ​ພຸດ
ວານ​ນີ້ ​ຫຼັງ​ຈາກໄດ້ມີ​ການ​ພົບເຫັນສານພິດ ricin ທີ່​ຮ້າຍ​ແຮງ​
ເຖິງ​ຕາຍ ຢູ່​ໃນ​ຈົດໝາຍ 2 ຊອງ ທີ່​ສົ່ງໄປເຖິງ​ທ່ານ. ທ່ານ​ກ່າວ​ວ່າ
ຈົດໝາຍສະບັບນຶ່ງ​ໃນ​ນັ້ນ ມີ​ຂໍ້ຄວາມທີ່​ກ່າວ​ເຖິງວຽກ​ງານ​ຂອງ​
ທ່ານ​ໃນ​ການ​ຊຸກຍູ້​ໃຫ້​ມີ​ການ​ຮັບ​ຜ່ານກົດໝາຍຄວບ​ຄຸມ​ປືນ
ຂອງ​ສະຫະ​ລັດທີ່​ເຄ່ງ​ຄັດຂຶ້ນ ​ແຕ່ທ່ານ ກ່າວ​ວ່າ ທ່ານ​ຈະບໍ່​ຍອມ
​ໃຫ້ມັນມາ​ຂັດຂວາງ​ທ່ານ.

ທ່ານ Bloomberg ​ເວົ້າ​ວ່າ: “​ເປັນ​ຫຍັງ​ພວກ​ເຂົາ​ຈຶ່ງ​ເຮັດ​ແບບ​ນີ້? ຂ້າພະ​ເຈົ້າ​ບໍ່​ຊາບ
ຈົດໝາຍ​ດັ່ງກ່າວ​ໄດ້​ກ່າວ​ເຖິງ​ ​ຄວາມ​ພະຍາຍາມ​ຂອງພວກ​ເຮົາ​ໃນ​ການ​ຕໍ່ຕ້ານປືນ.
ປີ​ນີ້​ ຄາດ​ກັນ​ວ່າຈະມີຮອດ 12,000 ຄົນ ທີ່​ຈະ​ຖືກ​ສັງຫານຍ້ອນ​ອາວຸດ​ປືນ ​
ແລະ​ອີກ 19,000 ຄົນ ຄາດ​ວ່າ​ຈະຂ້າ​ຕົວ​ຕາຍ​ຍ້ອນປືນ​ເຊັ່ນ​ກັນ ​ແລະ​ພວກ​ເຮົາ​
ກໍ​ຈະ​ບໍ່​ຍ່າງໜີຈາກການ​ດໍາ​ເນີນ​ຄວາມ​ພະຍາຍາມເຫລົ່າ​ນັ້ນ.”


ທ່ານ Bloomberg ​ແມ່ນ​ຜູ້​ຈັດ​ຕັ້ງຄົນ​ສໍາຄັນຂອງ​ກຸ່ມ ຄະນະ​ເຈົ້າ​ຄອງ​ກໍາ​ແພງ​ເມືອງທີ່​ຕໍ່ຕ້ານ
ປືນຜິດ​ກົດໝາຍ ທີ່​ເອີ້ນ​ກັນ​ວ່າ Mayors Against Illegal Guns ຊຶ່ງ​ກຸ່ມ​ດັ່ງ​ກ່າວໄດ້​ສ້າງ​ຕັ້ງ
​ຂຶ້ນ​ໃນ​ປີ 2006 ​ໃນ​ກອງ​ປະຊຸ​ມຂອງເຈົ້າ​ຄອງ​ກໍາ​ແພງ​ເມືອງ 15 ຄົນ ຊຶ່ງປະຈຸ​ບັນ​ນີ້ ສະມາ
ຊິກກຸ່ມແມ່ນ​ມີ​ຫຼາຍ​ກວ່າ 950 ​ເຈົ້າ​ເມືອງ​ແລ້ວ ຈາກທົ່ວ​ສະຫະລັດ.

ກຸ່ມ​ດັ່ງກ່າວໄດ້ເພີ່ມ​ທະວີ​ຄວາມ​ພະຍາຍາມ​ຂຶ້ນໃນ​ປີ​ນີ້ ຫຼັງຈາກ​ທີ່ມີ​ມື​ປືນທີ່ໃຊ້​ປືນຍາວ ​ ​
ສັງຫານ 26 ຄົນ ທີ່​ສ່ວນ​ໃຫຍ່​ແມ່ນ​ພວກ​ເດັກນ້ອຍຢູ່ໂຮງຮຽນ​ແຫ່ງ​ນຶ່ງ ໃກ້ໆ​ກັບ​ເມືອງ
Newtown ​ໃນ​ລັດ Connecticut. ທາງກຸ່ມ​ໄດ້​ສະໜັບສະໜູນຄວາມ​ພະຍາຍາມຂອງຕົນ
​ໂດ​ຍການ​ໂຄສະນາຢ່າ​ແຜ່​ຫລາຍ ທີ່​ໃຊ້​ຈ່າ​ຍ​ເງິນ​ທຶນ​ເຖິງ 12 ລ້ານ ຊຶ່ງ​ສ່ວນ​ນຶ່ງ ແມ່ນ​ມາ​
ຈາກເງິນ​ຄໍາສ່ວນຕົວ​ອັນມະຫາສານ ຂອງ​ທ່ານ Bloomberg ​ເອງ.

XS
SM
MD
LG