ລິ້ງ ສຳຫລັບເຂົ້າຫາ

ນັກຕະຫຼົກຄົນ ອັງກິດທ່ານ Ricky Gervais ໄດ້ເປັນພິທີກອນ ຂອງງານມອບ ລາງວັນ Golden Globes Awards ປະຈຳປີ ທີ 73 ໃນນະຄອນ Los Angeles ແລະ ດັ່ງທີ່ຄາດໄວ້ນັ້ນ ທ່ານໄດ້ ເລີ່ມລາຍການຂອງຄ່ຳຄືນວັນອາທິດ ວານນີ້ ດ້ວຍການເວົ້າໃສ່ ຜູ້ຊົມທີ່ເຕັມໄປດ້ວຍດາລານັກສະແດງທັງຫຼາຍ ໂດຍ ເອີ້ນພວກ ເຂົາເຈົ້າວ່າ “ຂີ້ດຽດ, ພວກຂີ້ຢາ.” ສຳລັບຜູ້ທີ່ມັກຮັກທ່ານ Gervais ແລະ ຜູ້ທີ່ມີຊື່ສຽງທັງຫຼາຍທີ່ເຂົ້າຊົມ ເຂົ້າໃຈລາວດີວ່າ ລາວເປັນທີ່ຮູ້ຈັກກັນສຳ ລັບການຕະຫຼົກປະເພດທີ່ບໍ່ມີຄວາມເຄົາ ລົບເກງໃຈໃຜ.

ຮູບເງົາ The Revenant, ເປັນຮູບເງົາກ່ຽວກັບ ການສະແຫວງຫາ ຄວາມຢູ່ລອດ ຂອງຜູ້ຊາຍທີ່ອາໄສຢູ່ຕາມເຂດຊາຍແດນໃນຊຸມປີ 1820 ຫຼັງຈາກໄດ້ຖືກໝີ ກັດ, ໄດ້ຮັບລາງວັນຊະນະເລີດສຳລັບຮູບເງົາທີ່ມີິຄວາມຕື່ນເຕັ້ນທີ່ສຸດ. ຜູ້ກຳກັບ/ແຕ່ງ ແລະ ຜະລິດຂອງຮູບເງົາເລື້ອງນີ້ແມ່ນທ່ານ Alejandro Gonzales Inarrituໄດ້ກ່າວຂອບໃຈ “ຄົນ ອາເມຣິກັນ ພື້ນເມືອງທີ່ໄດ້ຊ່ວຍໃຫ້ຮູບເງົານີ້ກາຍເປັນຈິງ."

ນັກສະແດງ Leonardo DiCaprio ໄດ້ຮັບລາງວັນສຳລັບນັກສະແດງຊັ້ນນຳທີ່ ດີເດັ່ນສຳລັບ ບົດບາດຂອງລາວໃນຮູບເງົາ The Revenant. ລາວໄດ້ກ່າວກ່ຽວ ກັບການສ້າງຮູບເງົານີ້ວ່າ “ຂ້າພະເຈົ້າບໍ່ເຄີຍມີປະສົບການແນວນີ້ໃນຊີວິດ ຂອງ ຂ້າພະເຈົ້າເລີຍ.” ລາວໄດ້ກ່າວຂອບ ໃຈທ່ານ Gonzales Inarritu ເຊິ່ງໄດ້ຮັບ ລາງວັນ ໂລກ ສຳລັບການກຳກັບຮູບເງົາດັ່ງກ່າວ ເຊັ່ນກັນ.

ນັກສະແດງ Sylvester Stallone ຜູ້ທີ່ໄດ້ຟຶ້ນຟູຮູບເງົາເລື່ອງ The Rocky ອີກ ຄັ້ງໜຶ່ງຫຼິ້ນ ບົດບາດເປັນຄູຝຶກນັກມວຍ, ໄດ້ຮັບລາງວັນນັກສະແດງຮອງທີ່ດີເດັ່ນ ສຳລັບບົດບາດຂອງ ລາວໃນຮູບເງົາເລື່ອງ Creed ທີ່ໄດ້ຮັບການຍົກຍ້ອງຢ່າງ ແຮງ. ທ່ານ Stallone ກ່າວວ່າ “ຂ້າພະເຈົ້າຢາກຂອບໃຈໝູ່ໃນຈິນຕະນາການ ຂອງຂະພະເຈົ້າ Rocky Balboa ສຳລັບ ການເປັນເພື່ອນຮັກທີ່ຂ້າພະເຈົ້າບໍ່ ເຄີຍມີມາກ່ອນ.” ຮູບເງົາ Creed ແມ່ນພາກທີ 7 ສຳລັບ ຮູບເງົາຕີມວຍທີ່ມີຫຼາຍ ຕອນ.

ຮູບເງົາ The Martian ໄດ້ຮັບລາງວັນຮູບເງົາທີ່ມີຄວາມຕາຫຼົກດີເດັ່ນ, ເປັນປະ ເພດທີ່ຜູ້ກຳ ກັບ Ridley Scott ມີຄວາມສັບສົນ. ໃນເວລາຂຶ້ນຮັບລາງວັນໂລກ ສຳລັບຮູບເງົາກ່ຽວກັບ ນັກອາວະກາດຜູ້ທີ່ມີຊີວິດລອດໃນການປະຕິບັດໜ້າທີ່ຢູ່ ເທິງດາວອັງຄານ ເຊິ່ງຄິດວ່າໄດ້ຕາຍ ໄປແລ້ວ. ທ່ານ Scott ກ່າວວ່າ “ຕະຫຼົກແທ້ຫວາ?.”

ນັກສະແດງນຳ ຮູບເງົາ Martian, ທ້າວ Matt Damon ໄດ້ຮັບລາງວັນນັກສະ ແດງຕະຫຼົກດີ ເດັ່ນ. ລາວເບິ່ງຄືວ່າຈະບໍ່ວ່າຫຍັງສຳລັບການໄດ້ຮັບລາງວັນ ປະ ເພດຕະຫຼົກນັ້ນ, ລາວກ່າວ ວ່າລາວຮູ້ວ່າ “ລາວໂຊກດີຫຼາຍຊ່ຳໃດທີ່ໄດ້ເຮັດສິ່ງ ດັ່ງກ່າວນີ້ເພື່ອການມີຊີວິດຢູ່.”

ນາງ Brie Larson ໄດ້ຮັບລາງວັນນັກສະແດງຍິງດີເດັ່ນສຳລັບຮູບເງົາ Room, ເຊິ່ງລາວໄດ້ ສວມບົດບາດເປັນແມ່ທີ່ຖືກກັງຂັງກັບລູກຊາຍຂອງລາວ. ນາງ Larson ໄດ້ເອົາຊະນະນັກ ສະແດງຍິງ Cate Blanchette ສຳລັບເລື່ອງ Carol ແລະ ນາງ Alicia Vikander ໃນຮູບເງົາ The Danish Girl.

XS
SM
MD
LG