ທໍານຽບຂາວຮຽກຮ້ອງເກົາຫຼີເໜືອໃຫ້ປ່ອຍຕົວຄົນສູງອາຍຸຊາວອາເມຣິກັນ ແລະເປັນ ນັກ ລົບເກົ່າສົງຄາມເກົາຫຼີ ທີ່ຖືກຄວບຄຸມຕົວໄວ້ຢູ່ໃນເກົາຫຼີເໜືອ ເມື່ອເດືອນຕຸລາຜ່ານມານີ້.
ຖະແຫຼງການສະບັບນຶ່ງຂອງທໍານຽບຂາວເມື່ອວັນເສົາວານນີ້ ໄດ້ຮຽກຮ້ອງໃຫ້ພຽງຢາງ ຈົ່ງປ່ອຍຕົວທ່ານ Merrill Newman ໄວ 85 ປີ ທີ່ເປັນໂຣກຫົວໃຈ ໃຫ້ກັບຄືນບ້ານ ແລະມາຢູ່ກັບຄອບຄົວຂອງທ່ານອີກ.
ທ່ານ Newman ຊາວລັດແຄລິຟໍເນຍໂດຍກໍາເນີດ ກໍາລັງໄປຢ້ຽມຢາມ ເກົາຫຼີເໜືອໂດຍມີວິຊ່າທີ່ຖືກຕ້ອງ ເວລາທ່ານໄດ້ຖືກບັງຄັບໃຫ້ລົງຈາກເຮືອບິນເມື່ອວັນທີ 26 ຕຸລາຜ່ານມາ ຂະນະທີ່ທ່ານຕຽມທີ່ຈະບິນກັບບ້ານ ກໍຄືສະຫະລັດນັ້ນ.
ໃນຕອນເຊົ້າວັນເສົາວານນີ້ ອົງການຂ່າວສູນກາງຂອງເກົາຫຼີເໜືອ ຫຼື KCNA ຢືນຢັນວ່າ ຕົນໄດ້ກັກຕົວທ່ານ Newman ໄວ້ແທ້. ລາຍງານ ເວົ້າວ່າ ທ່ານໄດ້ຂໍຂະມາໂທດສໍາລັບອາດຊະຍາກໍາ ໃນລະຫວ່າງສົງຄາມເກົາຫຼີ ແລະພຶດຕິກໍາລຸກລານ ຕໍ່ຕ້ານເກົາຫຼີເໜືອ ໃນລະຫວ່າງການໄປ ຢ້ຽມຢາມເກົາຫຼີ ຂອງທ່ານເມື່ອເດືອນຕຸລາຜ່ານມາ.
ອົງການຂ່າວ KCNA ໄດ້ລົງພາບວີດີໂອຂອງທ່ານ Newman ທີ່ພວມ ອ່ານຄໍາຂໍຂະມາໂທດດ້ວຍສຽງກັງວານ ຊຶ່ງບໍ່ຮູ້ໄດ້ຊັດເຈນວ່າ ຊາວອາເມຣິກັນເປັນຜູ້ຂຽນບົດຂໍໂທດດັ່ງກ່າວຂຶ້ນມາເອງ ຫຼືວ່າຖືກບັງຄັບໃຫ້ຂຽນ.
ຖະແຫຼງການສະບັບນຶ່ງຂອງທໍານຽບຂາວເມື່ອວັນເສົາວານນີ້ ໄດ້ຮຽກຮ້ອງໃຫ້ພຽງຢາງ ຈົ່ງປ່ອຍຕົວທ່ານ Merrill Newman ໄວ 85 ປີ ທີ່ເປັນໂຣກຫົວໃຈ ໃຫ້ກັບຄືນບ້ານ ແລະມາຢູ່ກັບຄອບຄົວຂອງທ່ານອີກ.
ທ່ານ Newman ຊາວລັດແຄລິຟໍເນຍໂດຍກໍາເນີດ ກໍາລັງໄປຢ້ຽມຢາມ ເກົາຫຼີເໜືອໂດຍມີວິຊ່າທີ່ຖືກຕ້ອງ ເວລາທ່ານໄດ້ຖືກບັງຄັບໃຫ້ລົງຈາກເຮືອບິນເມື່ອວັນທີ 26 ຕຸລາຜ່ານມາ ຂະນະທີ່ທ່ານຕຽມທີ່ຈະບິນກັບບ້ານ ກໍຄືສະຫະລັດນັ້ນ.
ໃນຕອນເຊົ້າວັນເສົາວານນີ້ ອົງການຂ່າວສູນກາງຂອງເກົາຫຼີເໜືອ ຫຼື KCNA ຢືນຢັນວ່າ ຕົນໄດ້ກັກຕົວທ່ານ Newman ໄວ້ແທ້. ລາຍງານ ເວົ້າວ່າ ທ່ານໄດ້ຂໍຂະມາໂທດສໍາລັບອາດຊະຍາກໍາ ໃນລະຫວ່າງສົງຄາມເກົາຫຼີ ແລະພຶດຕິກໍາລຸກລານ ຕໍ່ຕ້ານເກົາຫຼີເໜືອ ໃນລະຫວ່າງການໄປ ຢ້ຽມຢາມເກົາຫຼີ ຂອງທ່ານເມື່ອເດືອນຕຸລາຜ່ານມາ.
ອົງການຂ່າວ KCNA ໄດ້ລົງພາບວີດີໂອຂອງທ່ານ Newman ທີ່ພວມ ອ່ານຄໍາຂໍຂະມາໂທດດ້ວຍສຽງກັງວານ ຊຶ່ງບໍ່ຮູ້ໄດ້ຊັດເຈນວ່າ ຊາວອາເມຣິກັນເປັນຜູ້ຂຽນບົດຂໍໂທດດັ່ງກ່າວຂຶ້ນມາເອງ ຫຼືວ່າຖືກບັງຄັບໃຫ້ຂຽນ.
