ລິ້ງ ສຳຫລັບເຂົ້າຫາ

ທ່ານ Campos ຜູ້​ສະໝັກ​ເປັນ​ ປະທານາທິບໍດີ ບຣາຊີລ ເສຍຊີວິດ ຍ້ອນເຮືອບິນຕົກ (ວີດີໂອ)


ທ່ານ Campos ຜູ້​ສະໝັກ​ແຂ່ງຂັນ​ປະທານາທິບໍດີ ຈາກ​ພັກ ​ສັງຄົມ​ນິຍົມ ​ແລະ ​ສະມາຊິກ​ຫລາຍ​ຄົນ ​ໃນ​ຄະ​ນະ​ໂຄສະນາ​ ຫາ​ສຽງ ຢູ່ນະຄອນຫລວງ Brasilia ປະເທດ Brazil.

ບຣາຊິ​ລທຳການ​ໄວ້ອາ​ໄລ​ແຫ່ງ​ຊາດ​ ເປັນ​ເວລາ​ສາມ​ມື້ ລຸນ​
ຫລັງ​ການ​ເສຍ​ຊີວິດ ​ຂອງ​ຜູ້​ສະໝັກ​ແຂ່ງຂັນ​ເລືອກ​ຕັ້ງ ປະ
ທານາທິບໍດີ ທ່ານ Eduardo Campos ທີ່​ໄດ້ສ້າງ​ຄວາມ
​ປັ່ນ​ປ່ວນໃຫ້​ແກ່ການ​ເລືອກຕັ້ງ​ປະທານາທິບໍດີ ທີ່​ໄດ້​ກຳນົດ
ໃສ່ ​ວັນ​ທີ 5 ຕຸລາ​ທ້າຍ​ປີ​ນີ້.

ທ່ານ Campos ຜູ້​ສະໝັກ​ແຂ່ງຂັນ​ປະທານາທິບໍດີ ຈາກ​ພັກ
​ສັງຄົມ​ນິຍົມ ​ແລະ ​ສະມາຊິກ​ຫລາຍ​ຄົນ​ໃນ​ຄະ​ນະ​ໂຄສະນາ​
ຫາ​ສຽງ​ຂອງ​ທ່ານ ​ໄດ້​ເສຍ​ຊີວິດ​ໄປ ​ໃນ​ວັນ​ພຸດ​ວານ​ນີ້ ​ເວລາ​
ເຮືອບິນ​ສ່ວນ​ຕົວ​ຂອງ​ເຂົາ​ເຈົ້າ ທີ່​ບິນ​ຈາກ​ນະຄອນ Rio de
Janeiro ​ໄປ​ຍັງ​ເມືອງ​ແຄມ​ທະ​ເລ Santos ຕົກລົງ​ໃສ່​ຄຸ້ມ​ຄົນ
​ຢູ່​ອາ​ໄສ ​ໃນ​ຂະນະ​ທີ່​ພະຍາຍາມ​ຈະ​ລົງ​ຈອດ ໃນ​ທ່າມກາງ​ອາກາດ​ທີ່​ບໍ່​ດີ.

Antonio Campos ນ້ອງ​ຊາຍ​ຂອງ​ທ່ານ Campos ກ່າວ​ວ່າ:

" ຂ້າພະ​ເຈົ້າ​ໄດ້​ສູນ​ເສຍ​ອ້າຍທີ່​ຂ້ອຍ​ຮັກ​ຄົນ​ນຶ່ງ​ໄປ ຊຶ່ງ​ເປັນ​ເພື່ອນທີ່​ດີ​ທີ່​ສຸດ​
ຂອງ​ຂ້າພ​ະ​ເຈົ້າ. ຂ້າພະ​ເຈົ້າ​ຫາ​ກໍ​ໄດ້​ລົມ​ກັບ​ລາວ ຕອນ 6:59 ​ເຊົ້າ​ມື້​ນີ້​ເອງ.
Eduardo ຕາຍ​ໃນ​ມື້​ດຽວ​ກັນ​ກັບ​ປູ່​ ຂອງ​ຂ້າພະ​ເຈົ້າ​ຕາຍ ຊຶ່ງ​ແມ່ນ​ວັນ​ທີ 13
ສິງຫາ ​ເມື່ອ 9 ປີ​ກ່ອນ​ນີ້ ​ແຕ່​ວ່າລາວຕາຍ​ ໃນ​ການ​ຕໍ່ສູ້​ເພື່ອ​ອຸດົມ​ການ​ຂອງລາວ.”

ສ່ວນ​ທ່ານ​ນາງ Dilma Rousseff ປະທານາທິບໍດີ Brazil ທີ່​ຈະ​ລົງ​ແຂ່ງ​ຂັນ ​ໃນ​ການ​
ເລືອກ​ຕັ້ງ​ອີກ​ນັ້ນ ກ່າວ​ວ່າ:

"Brazil ​ໄດ້​ສູນເສຍຜູ້ນຳ​ໜຸ່ມ​ຄົນ​ນຶ່ງ​ໄປທີ່​ມີ​ອະ​ນາ​ຄົດ​ອັນ​ສົດ​ໃສຫລາຍ ​ທີ່​ສຸດ
ລໍຖ້າ​ຢູ່​ຂ້າງ​ໜ້າ ຊຶ່ງ​ເປັນ​ບຸລຸດ​ທີ່​ອາດ​ສາມາດ​ໄຕ່​ເຕົ້າ​ຂຶ້ນ​ໄປ​ສູ່​ຕຳ​ແໜ່​ງທີ່​ສູງ​ທີ່​ສຸດ​
ຂອງ​ປະ​ເທດ​ນີ້. ບໍ່​ຕ້ອງ​ສົງ​ໃສ​ໃດໆ​ເລີຍ​ວ່າ ມັນ​ເປັນ​ການ​ສູນ​ເສຍ​ອັນ​ນຶ່ງ. ​ເຖິງ​
ແມ່ນພວກ​ເຮົາ​ຈະ​ມີ​ຄວາມ​ແຕກ​ຕ່າງ​ກັນ​ກໍ​ຕາມ ​ແຕ່​ພວກ​ເຮົາ​ ຍາມ​ໃດ ກໍ​ຮັກສາ​
ຄວາມ​ສຳພັນ​ອັນ​ເຂ້​ມ​ແຂງ ທີ່​ມີ ​ແຕ່​ຄວາມ​ເຄົາລົບ​ນັບຖື ຊຶ່ງ​ກັນ​ແລະ​ກັນ."

XS
SM
MD
LG