ລິ້ງ ສຳຫລັບເຂົ້າຫາ

ອິນໂດເນເຊຍ ກູ້ເອົາຊາກສົບ ຂຶ້ນມາໄດ້ແລ້ວ 40 ສົບ ຈາກເຮືອບິນ ສາຍການບິນ AirAsia


ຜູ້ບັນຊາການໜ່ວຍປະຕິບັດການທີ 1 ຂອງກອງທັບອາກາດ ອິນໂດເນເຊຍ ພົນອາກາດຕີ Dwi Putranto (ກາງ) ສະແດງຊິ້ນສ່ວນຂອງເຮືອບິນ ແລະຫີບເຄື່ອງ ທີ່ຟູຢູ່ໜ້ານ້ຳ ທີ່ເກັບຂຶ້ນມາໄດ້ ທີ່ຖານທັບ Pangkalan Bun.

ບັນດາ​ເຈົ້າ​ໜ້າ​ທີ່​ອິນ​ໂດ​ເນ​ເຊຍ ​ໄດ້ກູ້​ເອົາ​ຊາກ​ສົບ​ມາ​ໄດ້​ຢ່າງ​
ນ້ອຍ 40 ສົບ​ຈາກ​ນ້ຳ​ທະ​ເລ​ຢູ່​ໃກ້ໆ​ກັບ​ຊາກ​ຫັກ​ພັງ​ຂອງ​ເຮືອ
ບິນໂດຍສານ​ສາຍ​ການບິນ AirAsia ທີ່​ໄດ້ເກີດ​ອຸບັດ​ເຫດ​ຕົກ
ໃນ​ລະຫວ່າງ​ດິນ​ຟ້າອາກາດ​ບໍ່ດີ ​ໃນ​ວັນ​ອາທິດ​ມື້ກ່ອນ​ນີ້.

​ໃນ​ວັນ​ອັງຄານ​ມື້​ນີ້ ໂທລະພາບ​ໃນ​ທ້ອງ​ຖິ່ນ​ ສະ​ແດງ​ໃຫ້​ເຫັນ​ວ່າ
ພວກ​ເຮືອບິນ​ເຮ​ລີ​ຄອບ​ເຕີ​ ຊ່ອຍ​ດຶງ​ເອົາຊາກ​ສົບ ​ຂຶ້ນມາຈາກ
​ທະ​ເລ Java ປະມານ 160 ຫຼັກ​ກິ​ໂລ​ແມັດຢູ່​ນອກ​ຝັ່ງ ​ເກາະ
Borneo.

ບັນດາ​ຄອບຄົວ​ຂອງ​ພວກ​ຜູ້​ໂດຍສານ​ຢູ່​ໃນ​ເຮືອບິນ​ລຳ​ນັ້ນ​ພາກັນ
​ຮ້ອງ​ໄຫ້ ​ນ້ຳຕາ​ໄຫລ​ອອກ​ມາ ຫຼັງ​ຈາກ​ເຫັນ​ພວກ​ຮູບ​ພາບ​ທຳ​ອິດຂອງ​ພວກ​ຊາກ​ສົບ​ທີ່​ໄຫລ​ຟູ​ຢູ່​ເທິງ​ໜ້າ​ນ້ຳ ທີ່​ບໍ່​ໄດ້​ໃສ່​ເສື້ອຊູຊີບ​ນັ້ນ.

ມາ​ຮອດ​ຕອນຕາເວັນຕົກ ພວກກູ້​ໄພ ​ໄດ້​ພົບ​ເຫັນ​ພຽງ​ແຕ່​ນຶ່ງ​ສ່ວນ​ສີ່​ຂອງ​ຈຳນວນ​ພວກ​ຄົນ​ໂດຍສານ​ແລະ​ຈຸ​ບິນ​ໃນ​ເຮືອບິນ. ບໍ່​ໄດ້ເຫັນ​ພວກ​ຄົນ​ໂດ​ຍສານ​ຫຼື​ຈຸ​ບິນ​ຈັກ​ຄົນ​ຍັງ​ມີ​ຊີວິດ​ຢູ່.

​ໄດ້​ມີ​ການ​ພົບ​ເຫັນ​ຊາກ​ສົບ​ເຫຼົ່າ​ນີ້ ​ໃນ​ເວລາ​ບໍ່​ດົນ ຫຼັງ​ຈາກ​ພົບ​ເຫັນ​ຊາກ​ຫັກ​ພັງ​ຂອງ​ເຮືອ ບິນ ຮວມທັງ​ສິ່ງ​ທີ່​ປາກົດ​ວ່າ​ເປັນ​ເສື້ອຊູຊີບສີໝາກກ້ຽງ ກະ​ເປົາ​ເດີນທາງແລະ​ປະຕູອອກ ສຸກເສີນ​ສີ​ແດງ​ແລະ​ສີຂາວຂອງ​ເຮືອບິນ.

ບັນດາ​ເຈົ້າ​ໜ້າ​ທີ່ຊອກ​ຄົ້ນ​ທາງ​ອາກາດ ກໍ​ໄດ້​ເຫັນ​ສິ່ງ​ທີ່​ປາກົດ​ວ່າ ​ເປັນ “​ເງົາ​ມືດ” ​ຢູ່ໃຕ້
ໜ້າ​ນ້ຳ ທີ່​ເຊື່ອ​ກັນ​ວ່າ ​ເປັນລຳ​ໂຕ​ຂອງ​ເຮືອບິນ Airbus 320-200.

ໃນຖະແຫຼງການສະບັບນຶ່ງ ທີ່ອອກໃນຕອນແລງຂອງວັນອັງຄານມື້ນີ້ AirAsia ໃຫ້ການ
ຢືນຢັນວ່າ ຊາກຫັກພັງທີ່ພົບເຫັນນັ້ນແມ່ນເປັນຂອງເຮືອບິນທີ່ຫາຍສາບສູນໄປໃນມື້
ວັນອາທິດແລ້ວ ປະມານເຄິ່ງທາງ ໃນຖ້ຽວບິນເປັນເວລາສັ້ນໆ 2 ຊົ່ວໂມງແຕ່ເມືອງ Surabaya ຂອງ ອິນໂດເນເຊຍ ໄປຫາສິງກະໂປ.

ທ່ານ Tony Fernandes ຫົວໜ້າ​ບໍລິຫານ ​ແລະ​ຜູ້​ກໍ່​ຕັ້ງ​ສາຍ​ການບິນ AirAsia ກ່າວ​
ຜ່ານ​ທາງ Twitter ວ່າ “ຫົວ​ໃຈ​ຂອງ​ທ່ານ​ແມ່ນ​ເຕັມ​ໄປ​ດ້ວຍ​ຄວາມ​ໂສກ​ເສົ້າ ສຳ
ລັບພວກ​ຄອບຄົວ​ຂອງ​ໝົດ​ສູ່​ຄົນ​ທີ່​ປະ​ເຊີນກັບໂສກ​ນາດຕະກຳ”
​ໂດຍ​ກ່າວ​ວ່າ
“ ຄຳ​ເວົ້າ​ບໍ່ສາມາດ​ສະ​ແດງ​ເຖິງ​ຄວາມ​ໂສກ​ເສົ້າ​ເສຍ​ໃຈ​ຂອງ​ຂ້າພະ​ເຈົ້າ​ໄດ້.”

ມີ​ເຮືອ​ຢ່າງ​ໜ້ອຍ 30 ລຳ ​ເຮືອບິນ 15 ລຳ ​ແລະ​ເຮືອບິນ​ເຮ​ລີ​ຄອບ​ເຕີ 7 ລຳ ຈາກ​ຫຼາຍ
​ປະ​ເທດ​ໄດ້​ທຳ​ການ​ຊອກ​ຄົ້ນ​ຮ່ວມ​ກັນ ຫາ​ເຮືອບິນ​ລຳ​ນີ້ລະຫວ່າງ​ເກາະ Borneo ຫາ​
ເກາະ​ຊູ​ມາຕຣານັ້ນ.

ຄວາມ​ພະຍາຍາມ​ຊອກ​ຄົ້ນ ຈະ​ໄດ້​ຮັບ​ການ​ສະໜັບສະໜຸນ​ຕື່ມ​ອີກ​ໃນ​ວັນ​ອັງຄານ​ມື້​ນີ້ ​ເວ
ລາ​ເຮືອ​ກອງທັບ​ເຮືອ​ສະຫະລັດ​ໄປ​ຮອດ. ​ເຮືອ USS Sampson ຊຶ່ງ​ໄດ້​ປະຈຳການ​ຢູ່​
ໃນ​ຂົງ​ເຂດ​ນັ້ນ ​ແມ່ນ​ປະກອບ​ດ້ວຍ​ອຸບປະກອນ​ຊອກ​ຫາ​ວັດຖຸ​ໃຕ້​ນ້ຳ​ຕ່າງໆ ທີ່​ສາມາດ​ຊ່ອງ​ເຫັນສິ່ງ​ຢູ່ໃນ​ໃຕ້​ນ້ຳ​ນັ້ນ​ໄດ້.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG