ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະມາຊິກສະພາສູງພັກ Republican ພິຈາລະນາ ການ ສະໜັບສະໜູນ ຂໍ້ຕົກລົງ ອີຣ່ານ


ວຸດທິສະພາ Jeff Flake ຈາກລັດ Arizona ຟັງການປາໄສ ກ່ຽວກັບລັດຖະສະພາ, 28 ມັງກອນ, 2015.
ວຸດທິສະພາ Jeff Flake ຈາກລັດ Arizona ຟັງການປາໄສ ກ່ຽວກັບລັດຖະສະພາ, 28 ມັງກອນ, 2015.

ຍັງເຫຼືອພຽງໜຶ່ງເດືອນ​ເທົ້ນ​ນັ້ນ ກ່ອນກຳນົດເສັ້ນຕາຍສຳລັບ ສະພາ ສະຫະລັດ ຈະລົງຄະແນນສຽງກ່ຽວກັບຂໍ້ຕົກລົງສາກົນ ເພື່ອຈຳກັດ

ໂຄງການນິວເຄລຍຂອງ ອີຣ່ານ, ປະກົດວ່າ ປະທານາທິບໍດີ ທ່ານ ບາຣັກ ໂອບາມາ ຈະມີ ໂອກາດພຽງຄັ້ງດຽວ ບໍ່​ດັ່ງ​ນັ້ນ​ກໍ​ຈະ​ສູນ​ເສຍ ການສະໜັບສະໜູນຈາກ ພັກ Republican ສຳລັບຂໍ້ຕົກລົງ ດັ່ງກ່າວ.

ວຸດທິສະພາພັກ Republican ທ່ານ Jeff Flake ໄດ້ກ່າວໃນ ວັນເສົາ ວານນີ້ວ່າ ເປົ້າໝາຍ ສຳຄັນໃນການ​ເກັ້ຍກ່ອມທຳນຽບ ຂາວກໍ​ແມ່ນ​ວ່າ ​ເຖິງ​ແມ່ນທ່ານຈະສະໜັບສະໜູນ ຂັ້ນຕອນ ການເຈລະຈາກັບ ອີຣ່ານກໍ​ຕາມ ​ແຕ່ທ່ານຈະລົງຄະແນນຄັດຄ້ານຂໍ້ຕົກລົງດັ່ງກ່າວ.

ທ່ານ Flake ກ່າວວ່າ ຜົນປະໂຫຍດຂອງການຈຳກັດຄວາມ ສາມາດທາງດ້ານນິວເຄລຍ ຂອງ ອີຣ່ານ ສຳລັບໄລຍະເວລາໃດໜຶ່ງ ຈະບໍ່ສຳຄັນຍິ່ງ​ໄປກວ່າສິ່ງທີ່ທ່ານເອີ້ນວ່າ “ການ ຈຳກັດຢ່າງເຄັ່ງຄັດ” ທີ່ຈະ​ເປັນຂໍ້ຕົກລົງວາງໃຫ້ສະພາ ແລະ ຫ້ອງການປະທານາທິບໍດີ ໃນ ອະນາຄົດ “ໃນການຕອບສະໜອງຕໍ່ຄວາມປະພຶດທີ່ປອດນິວເຄລຍຂອງ ອີຣ່ານ ຢູ່ໃນ ພາກພື້ນ​ແຫ່ງ​ນັ້ນ.”

ທ່ານ Flake ກ່າວໃນຖະແຫຼງການຄັ້ງ​ນ່ຶງ​ວ່າ “ຫວັງວ່າຄວາມປາຖະໜາດ້ານ ນິວເຄລຍ ຂອງ ອີຣ່ານ ອາດຈະປ່ຽນ ຫຼັງຈາກການລະເວັ້ນ ສິບຫ້າ ປີ ມັນອາດຈະເປັນການ ເດີມພັນທີ່ຄຸ້ມຄ່າ, ​ໂດຍເຊື່ອວ່າຄວາມປະພຶດໃນພາກ ພື້ນຂອງ ອີຣ່ານ ຈະປ່ຽນ​ແປງ​ໃນມື້ອື່ນນີ້.. ໃນຂະນະທີ່ລະຖິ້ມອຸປະກອນຕ່າງໆເພື່ອ ຍັບຢັ້ງ ຫຼື ປ່ຽນແປງ ການປະພຶດ ດັ່ງກ່າວ.. ບໍ່ປ່ຽນ​ແປງ.”

​ໃນຕອນທ້າຍຂອງການເຈລະຈາໃນກາງເດືອນກໍລະກົດນັ້ນ, ລັດຖະສະພາໄດ້ເລີ່ມໄລຍະ ການທົບທວນ 60 ມື້ໃນເວລາເຊິ່ງມັນ ສາມາດລົງຄະແນນສຽງ​ໄດ້ເພື່ອຮັບຮອງ ຫຼື ປະຕິເສດຂໍ້ຕົກລົງນັ້ນ. ການລົງຄະແນນສຽງວ່າ “ບໍ່” ອາດໝາຍຄວາມວ່າ ບໍ່ຍົກເລີກການ ວາງ ມາດຕະການລົງໂທດໂດຍການປະຊຸມຂອງຄະນະຜູ້ແທນ, ເຊິ່ງອາດ ຈະໄປຕໍ່ຕ້ານ ກັບພາກສ່ວນຂອງສິ່ງທີ່ ອີຣ່ານ ອາດໄດ້ຮັບໃນການແລກປ່ຽນ ​ໃນ​ການຈຳກັດກິດຈະກຳ ນິວເຄລຍຂອງພວກເຂົາ.

ທ່ານ ໂອບາມາ ໄດ້ໃຫ້ສັນຍາທີ່ຈະໃຊ້ອຳນາດການຄັດຄ້ານຂອງທ່ານ ຖ້າສະພາຕ່ຳ ແລະ ບັນດາສະມາຊິກສະພາປະຕິເສດຂໍ້ຕົກລົງສັນຍາ ລະຫວ່າງ ອີຣ່ານ ແລະ ກຸ່ມ 6 ປະເທດ ມະຫາອຳນາດ ທີ່ລວມມີ ອັງກິດ,​ຈີນ, ຝຣັ່ງ, ຣັດເຊຍ ແລະ ເຢຍລະມັນ.

XS
SM
MD
LG