ລິ້ງ ສຳຫລັບເຂົ້າຫາ

ຜູ້ສະໝັກ ປະທານາທິບໍດີ ພັກຣິພັບບລີກັນ ໂຕ້ຖຽງກັນ ເລື້ອງຄົນເຂົ້າເມືອງ ແລະນະໂຍບາຍຕ່າງປະທດ


ລະຫວ່າງການໂຕ້ວາທີ ນັກທຸລະກິດ ທ່ານ Donald Trump, ກາງ, ສະແດງທ່າທີຕໍ່ສະມາຊິກສະພາສູງ ລັດ Texas ທ່ານ Ted Cruz, ຂວາ.

​ການ​ໂຕ້​ວາທີເທື່ອ​ຫລ້າ​ສຸດ ຂອງບັນດາ​ຜູ້​ສະມັກປະທານາທິບໍດີ
ສະຫະລັດສັງ ກັດພັກຣີພັບ​ບລບິ​ກັນ ​ໃນ​ວັນ​ພະຫັດ​ວານ​ນີ້ ​ໄດ້​
ກາຍ​ມາ​ເປັນ​ການ​ຮ້ອງ​ໃສ່​ກັນ ​ໃນ​ຂະນະ​ທີ່​ບັນດາ​ຜູ້​ສະມັກ​ກ່າວ
​ເຖິງ​ບັນ​ຫາ​ຕ່າງໆ​ເຊັ່ນເລື້ອງຄົນ​ເຂົ້າເມືອງ​ຜິດ​ກົດໝາຍ ນະ​ໂຍ
ບາຍ​ຂອງສະຫະລັດ​ຢູ່​ພາກຕາ​ເວັນ​ອອກ​ກາງ ​ແລະ​ຄວາ​ມ​ແຈ້ງ
​ຂາວ​ກ່ຽວກັບ​ປະຫວັດການເສຍ​ພາສີ​ຂອງບັນດາ​ຜູ້​ສະໝັກ.

ມະຫາ​ເສດ​ຖີອະສັງຫາລິມະ​ຊັບພັນ​ລ້ານ ທ່ານ Donald Trump
​ໄດ້​ກ່າວ​ອ້າງ​ຊໍ້າ​ແລ້ວ​ຊໍ້າ​ອີກ​ວ່າ ທ່ານ​ຈະ​ເຮັດ​ໃຫ້​ເມັກ​ຊິ​ໂກ ຈ່າຍ​
ຄ່າສ້າງ​ກຳ​ແພງ ທີ່​ທ່ານ​ໄດ້​ສະ​ເໜີຈະ​ສ້າງຂຶ້ນ ​ຢູ່​ຊາຍ​ແດນ​ທາງ
ພາກ​ໃຕ້​ຂອງ​ສະຫະລັດ ​ເພື່ອ​ຫຼຸດຜ່ອນການ​ລັກລອບເຂົ້າເມືອງ​
ຜິດ​ກົດໝາຍ ​ແລະ​ຍ້ອນ​ການ​ຄັດຄ້ານ​ຂອງ​ບັນດາ​ຜູ້ນຳ​ເມັກ​ຊິ​ໂກ​ກ່ຽວກັບ​ບັນຫາ​ດັ່ງກ່າວ ທ່ານ​ກ່າວ​ວ່າ “ກຳ​ແພງ​ນີ້ຈະ​ສູງ​ຂຶ້ນຕື່ມ 10 ຟິດ.”

ຜູ້ສະໝັກ ປະທານາ ທິບໍດີ ສະຫະລັດ ຊະມາຊິກສະພາສູງ ພັກຣີພັບບລິກັນ ທ່ານ Marco Rubio ຈາກລັດ Floriada.
ຜູ້ສະໝັກ ປະທານາ ທິບໍດີ ສະຫະລັດ ຊະມາຊິກສະພາສູງ ພັກຣີພັບບລິກັນ ທ່ານ Marco Rubio ຈາກລັດ Floriada.

ບັນດາ​ຄູ່​ແຂ່ງ ​ທີ່​ມີ​ຄະ​ແນນ​ສຽງ​ໃກ້​ຄຽງຂອງ​ທ່ານ​ ​ສະມາຊິກ​ສະພາ​ສູງ​ຈາກລັດ Florida ທ່ານ Marco Rubio ​ແລະສະມາຊິກ​ສະພາ​ສູງ ຈາກລັດ Texas ທ່ານ​ Ted Cruz ກ່າວ​ຫາ​ທ່ານ Trump ວ່າ​ ໃຊ້​ແຮງ​ງານຄົນ​ເຂົ້າ​ເມືອງ​ຜິດ​ກົດໝາຍຢູ່​ໃນ​ໂຄ​ງການກໍ່ສ້າງ​ຕຶກທີ່ສຳຄັນໆ​ຈຳນວນ​ນຶ່ງ. ທັງ​ສອງ​ທ່ານ​ກ່າວ​ວ່າ ທ່ານ Trump ຖືກ​ບັງຄັບ​ໃຫ້​ຈ່າຍຄ່າ​ປັບໃໝ 1 ລ້ານ​ໂດ​ລາ ​ໃນ​ຖານ​ຈ້າງ​ຄົນ​ເຂົ້າ​ເມືອງ​ຜິດ​ກົດໝາຍ.

ຜູ້ສະໝັກປະທານາທິບໍດີ ສະຫະລັດ ທ່ານ Dona;d Trymp ສັງກັດພັກຣີພັລລິກັນ.
ຜູ້ສະໝັກປະທານາທິບໍດີ ສະຫະລັດ ທ່ານ Dona;d Trymp ສັງກັດພັກຣີພັລລິກັນ.

ທັງ​ທ່ານ Rubio ​ແລະ ທ່ານ Cruz ​ໄດ້​ກ່າວ​ເຖິງ​ຄວາມ​ເພິ່ງ​ພໍ​ໃຈ​ຂອງ​ພວກ​ທ່ານທີ່​ຈະ​ເຮັດເປີດ​ເຜີຍ​ປະຫວັດ​ການ​ເສຍພາສີ​ເຂົາ​ເຈົ້າ​ແກ່​ສາທາລະນະຊົນ​ຮູ້ ​ແລະ​ໄດ້​ຕິຕຽນທ່ານ Trump ທີ່ຍັ​ງລັງ​ເລ ​ໃນ​ເລື້ອງ​ດັ່ງກ່າວ. ທ່ານ​ Trump ກ່າວ​ວ່າ ທ່ານ​ຈະ​ເປີດ​ເຜີຍ​ປະຫວັດ​ການ​ເສຍພາສີ​ຂອງ​ທ່ານ ຊຶ່ງ​ເປັນ​ການ​ປະ ຕິບັດ​ແບບ​ທຳ​ມະ​ດາ​ຢູ່​ແລ້ວ ສຳລັບບັນດາ​ຜູ້​ສະໝັກ​ປະທານາທິບໍດີສະຫະລັດ ​ໃນອັນ​ທີ່​ທ່ານ​ຮ້ອງ​ວ່າ “​ເປັນ​ການ​ກວດກາ​ທີ່ປົກກະຕິ.”

ຜູ້ສະໝັກ ປະທານາທິບໍດີ ສະຫະລັດ ຊະມາຊິກ ສະພາສູງ ພັກຣີພັບບລິກັນ ທ່ານ Ted Cruz ຈາກລັດ Texas
ຜູ້ສະໝັກ ປະທານາທິບໍດີ ສະຫະລັດ ຊະມາຊິກ ສະພາສູງ ພັກຣີພັບບລິກັນ ທ່ານ Ted Cruz ຈາກລັດ Texas

ໃນ​ການ​ຕອບ​ຄຳ​ຖາມ​ກ່ຽວ​ກັບນະ​ໂຍບາຍ​ຕ່າງປະ​ເທດນັ້ນ ທ່ານ Trump ກ່າວ​ວ່າ ທ່ານ​ບໍ່​ໃຫ້ການ​ສະໜັບສະໜູນ ຕໍ່ຂໍ້​ຕົກລົງຢຸດ​ຍິງທີ່​ຈະ​ເລີ້ມມີ​ຜົນ​ບັງຄັບຢູ່​ໃນ​ຊີເຣຍ.

XS
SM
MD
LG