ລິ້ງ ສຳຫລັບເຂົ້າຫາ

ຜູ້ສະໝັກ ປະທານາທິບໍດີ ພັກຣີພັບບລີກັນ ໃຫ້ຄຳໝັ້ນສັນຍາ ທີ່ຈະເອົາຊະນະ ກຸ່ມລັດອິສລາມ


ຜູ້ສະໝັກປະທານາທິບໍດີ ທີ່ມີຄະແນນນຳໜ້າ ຂອງພັກຣີພັບບລີກັນ ທ່ານ Donald Trump

ຜູ້ສະໝັກປະທານາທິບໍດີ ທີ່ມີຄະແນນນຳໜ້າ ຂອງພັກຣີພັບບລີກັນ ທ່ານ Donald Trump

ຜູ້​ສະໝັກ​ເປັນ​ປະທານາທິບໍດີ ​ທີ່​ຍັງ​ເຫລືອ​ຢູ່​ສາມ​ຄົນ​ຂອງ​ພັກຣີ
ພັບ​ບລີ​ກັນ ​ໄດ້​ເຫັນ​ພ້ອມ​ນຳ​ກັນ​ ໃນ​ຄືນ​ວັນ​ອັງຄານ​ວານ​ນີ້ ​ເຖິງ​
ຄວາມ​ຈຳ​ເປັນ​ທີ່​ຈະ​ຕ້ອງເອົາ​ຊະນະ​ກຸ່ມ​ລັດ​ອິສລາມແຕ່​ໄດ້​ປ່ຽນ​
ທ່າ​ທີ​ກ່ຽວ​ກັບ​ການ​ໃຫ້​ຄວາ​ມສະໜັບສະໜຸນ​ຊຶ່ງ​ກັນ​ແລະ​ກັນ.

ທ່ານ Donald Trump ທີ່​ມີ​ຄະ​ແນນ​ສຽງ​ນຳ​ໜ້າ​ໝູ່ກ່າວ​ໃນ​ລະ
ຫວ່າງ​ການ​ຕອບຄຳ​ຖາມຂອງຜູ້​ມີ​ສິດ​ປ່ອນ​ບັດ ຈັດໂດຍໂທລະ
ພາບ CNN ຢູ່​ລັດ​ວິສຄັນ​ຊິນ ໃນພາກ​ເໜືອ​ຂອງ​ປະ​ເທດ ທີ່​ຈະ​
ຈັດໃຫ້ມີການເລືອກ​ຕັ້ງຂັ້ນ​ຕົ້ນ ​ໃນ​ອາທິດ​ໜ້ານີ້ວ່າ ພວກ​ເຮົາ
​ຕ້ອງ​ໄດ້​ກຳຈັດ​ ກຸ່ມ​ລັດ​ອິສລາມ ຫລື ISIS ​ໃຫ້​ໝົດ​ສິ້ນ​ໄປ​ຈາກ
ພື້ນ​ໂລກ ​ຢ່າງ​ວ່ອງ​ໄວ​ ແລະ​ດ້ວຍ​ຄວາ​ມ​ຮຸນ​ແຮງ ພວກ​ເຮົາ​ບໍ່​ມີ
ທາງ​ເລື​ອກ.

ສະມາຊິກ​ສະພາ​ສູງ Ted Cruz ຈາກ​ລັດ​ເທັກ​ຊັສ ທີ່​ໄດ້​ຮັບ​ຈຳນວນ​ຜູ້ຕາງໜ້າຫຼາຍ​ເປັນ
ອັນ​ດັບ​ສອງ​ກ່າວ​ວ່າ ສະຫະລັດ​ກ່ອນ​ອື່ນ​ໝົດຄວນ​ໃຊ້ກຳລັງທາງອາກາດທີ່​ມີ​ຢູ່​ຢ່າງ​ຫຼວງ ຫຼາຍຂອງ​ຕົນ ຫຼັງ​ຈາກ​ນັ້ນກໍ​ຕິດ​ອາວຸດ ​ໃຫ້​ແກ່​ພວກ​ນັກລົບ​ຊາວ​ເຄີ​ດແລະ​ປ່ອຍ​ໃຫ້​ພວກ
​ເຂົາ​ສັງຫານ​ກຸ່ມ​ອິສລາມ. ທ່ານ Cruz ກ່າວ​ວ່າ ການ​ຕັດສິນ​ໃຈ​ກ່ຽວກັບ​ວ່າ​ຈະ​ໃຊ້​ກຳລັງ​
ພິ​ເສດ​ຫຼື​ກຳລັງ​ພາກພື້ນດິນຄວນ​ຕິດຕາມ​ມາ. ພ້ອມ​ນີ້ ທ່ານ​ຍັງ​ໄດ້​ຕຳ​ໜິຕິຕຽນ​ປະທານາ
ທິບໍດີ​ບາຣັກ ​ໂອ​ບາ​ມາ ​ໂດຍ​ກ່າວວ່າ ທ່ານ​ຈະ​ບໍ່​ສົ່ງ​ກຳລັງ​ທະຫານ​ອາ​ເມຣິກັນ​ໄປ​ຕ່າງປະ​
ເທດ ພາຍ​ໃຕ້​ກົດ​ລະບຽບ ຂອງ​ການ​ປະຕິບັດ​ງານທີ່​ເຄັ່ງຄັດ​ຫຼາຍທີ່ເຮັດ​ໃຫ້​ກຳລັງ​ສະຫະ
ລັດ​ບໍ່​ສາມາດ​ຊະ ນະ​ໄດ້.

ລັດຖະບານ​ທ່ານ​ໂອ​ບາ​ມາເຄີຍໄດ້​ປະ​ທະ​ກັບ​ລັດຖະບານ​ທັງ​ຂອງ​ປະ​ເທດ​ອີຣັ​ກ​ແລະ​ອັຟ
ກາ​ນິສຖານ​ມາ​ແລ້ວກ່ຽວ​ກັບເງື່ອນ​ໄຂ​ຕ່າງໆ​ໃນ​ການ​ຄຸ້ມ​ຄອງ​ການ​ປະຕິ​ບັດ​ງານ​ຂອງກຳ
ລັງ​ສະຫະລັດ​ຢູ່​ໃນ​ປະ​ເທດ​ທັງ​ສອງ.

ສ່ວນ​ຜູ້​ປົກຄອງ​ລັດ​ໂອຮາ​ຍ​ໂອ ທ່ານ John Kasich ​ໄດ້​ແນະນຳ​ໃຫ້​ໃຊ້​ວິທີກຳລັງ​ປະສົມ​
ເພື່ອ​ທຳລາຍ​ກຸ່ມ​ລັດ​ອິສລາມ ​ທີ່​ຮວມທັງ​ການ​ໃຫ້ເງິນ​ຊ່ອຍ​ເຫລືອ​ເພີ້ມຂຶ້ນຈາກ​ບັນດາ​ປະ​
ເທດ​ໃນ​ເຂ​ດອ່າວ​ເປີ​ເຊຍ. ທ່ານ​ກ່າວ​ວ່າການ​ປະຕິບັດ​ງານ​ຄວນຂຶ້ນທັງ​ທາງ​ອາກາດ​ແລະ​
ທາງ​ພາກພື້ນດິນ​ແລະ​ຫຼັງ​ຈາກ​ນັ້ນທະຫານ​ກໍ​ຄວນ ຖືກ​ສົ່ງ​ກັບ​ຄືນ​ປະ​ເທດ.

ທ່ານ Kasich ຍັງ​ໄດ້​ຕຳ​ໜິຕິຕຽນ​ຂໍ້​ສະ​ເໜີ​ຂອງ​ທ່ານ Cruz ທີ່​ຈະ​ສົ່ງ​ຕຳຫຼວດໄປ​ລາດຕະ​
ເວນ​ຢູ່​ຕາມ​ຄຸ້ມ​ຕ່າງໆ​ທີ່​ມີ​ຊາວ​ມຸສລິ​ມເພື່ອ​ຄົ້ນຫາ​ພວກ​ກໍ່​ການ​ຮ້າຍ.

ຜູ້ປົກຄອງລັດ Ohio ທ່ານ John Kasich ພວມຕອບຄຳຖາມ ຜູ້ມີສິດປ່ອນບັດ ທີ່ຈັດໂດຍໂທລະພາບ CNN

ຜູ້ປົກຄອງລັດ Ohio ທ່ານ John Kasich ພວມຕອບຄຳຖາມ ຜູ້ມີສິດປ່ອນບັດ ທີ່ຈັດໂດຍໂທລະພາບ CNN

ລັດຖະບານ​ທ່ານ​ໂອ​ບາ​ມາເຄີຍໄດ້​ປະ​ທະ​ກັບ​ລັດຖະບານ​ທັງ​ຂອງ​ປະ​ເທດ​ອີຣັ​ກ​ແລະ​ອັຟ
ກາ​ນິສຖານ​ມາ​ແລ້ວກ່ຽວ​ກັບເງື່ອນ​ໄຂ​ຕ່າງໆ​ໃນ​ການ​ຄຸ້ມ​ຄອງ​ການ​ປະຕິ​ບັດ​ງານ​ຂອງກຳ
ລັງ​ສະຫະລັດ​ຢູ່​ໃນ​ປະ​ເທດ​ທັງ​ສອງ.

ສ່ວນ​ຜູ້​ປົກຄອງ​ລັດ​ໂອຮາ​ຍ​ໂອ ທ່ານ John Kasich ​ໄດ້​ແນະນຳ​ໃຫ້​ໃຊ້​ວິທີກຳລັງ​ປະສົມ​
ເພື່ອ​ທຳລາຍ​ກຸ່ມ​ລັດ​ອິສລາມ ​ທີ່​ຮວມທັງ​ການ​ໃຫ້ເງິນ​ຊ່ອຍ​ເຫລືອ​ເພີ້ມຂຶ້ນຈາກ​ບັນດາ​ປະ​
ເທດ​ໃນ​ເຂ​ດອ່າວ​ເປີ​ເຊຍ. ທ່ານ​ກ່າວ​ວ່າການ​ປະຕິບັດ​ງານ​ຄວນຂຶ້ນທັງ​ທາງ​ອາກາດ​ແລະ​
ທາງ​ພາກພື້ນດິນ​ແລະ​ຫຼັງ​ຈາກ​ນັ້ນທະຫານ​ກໍ​ຄວນ ຖືກ​ສົ່ງ​ກັບ​ຄືນ​ປະ​ເທດ.

ທ່ານ Kasich ຍັງ​ໄດ້​ຕຳ​ໜິຕິຕຽນ​ຂໍ້​ສະ​ເໜີ​ຂອງ​ທ່ານ Cruz ທີ່​ຈະ​ສົ່ງ​ຕຳຫຼວດໄປ​ລາດຕະ​
ເວນ​ຢູ່​ຕາມ​ຄຸ້ມ​ຕ່າງໆ​ທີ່​ມີ​ຊາວ​ມຸສລິ​ມເພື່ອ​ຄົ້ນຫາ​ພວກ​ກໍ່​ການ​ຮ້າຍ.

XS
SM
MD
LG