ລິ້ງ ສຳຫລັບເຂົ້າຫາ

ສິດເສລີພາບ ໃນທົ່ວໂລກ ໄດ້ຫຼຸດລົງ ເປັນປິທີ 10 ຕິດຕໍ່ກັນ


ກົນລະຍຸດທີ່ມີຄວາມຮຸນແຮງ​ຍິ່ງຂຶ້ນ ໂດຍລັດຖະບານຜະເດັດ ການ, ການໂຈມຕີກໍ່ການຮ້າຍທີ່ເພີ່ມຂຶ້ນຢ່າງໄວວາ ແລະ ເສດຖະ ກິດໂລກທີ່ຕົກຕ່ຳ ໄດ້ປະກອບສ່ວນເຂົ້າໃນການຫຼຸດລົງ ຂອງສິດເສ ລີພາບຢູ່​ໃນທົ່ວໂລກຢ່າງຮ້າຍແຮງໃນປີ 2015 ທີ່ຜ່ານມາ, ອີງຕາມ ກຸ່ມປົກ​ປ້ອງສິດທິມະນຸດສາກົນທີ່ມີຫ້ອງການຕັ້ງຢູ່ໃນສະຫະລັດ.

ໃນບົດລາຍງານປະຈຳປີທີ່ນຳ​ອອກ​ເຜີຍ​ແຜ່​ໃນວັນ​ພຸດ​ມື້ນີ້ ອົງການ Freedom House ພົບ​ເຫັນ​ວ່າ ສິດເສລີພາບໂດຍລວມ​ໄດ້​ຫລຸດ​ລົງເປັນປີທີ 10 ຕິດຕໍ່ກັນ.

ບົດລາຍງານຂອງອົງການ Freedom House ປີ 2015 ກ່າວວ່າ ມີ 72 ປະເທດໄດ້ສະແດງໃຫ້ເຫັນວ່າມີສິດເສລີພາບຫລຸດ​ລົງສຳລັບປີນັ້ນ, ເຊິ່ງເປັນຕົວເລກ ທີ່ໃຫຍ່ທີ່ສຸດ ນັບຕັ້ງແຕ່ການຕົກຕ່ຳທາງດ້ານເສດຖະ ກິດໄດ້ເລີ່ມຂຶ້ນ.

ຜູ້ຍົກຍ້າຍຖິ່ນຖານ ແລະ ອົບພະຍົບ ໃຊ້ຜ້າຫົ່ມນອນຂອງພວກເຂົາເຈົ້າຮັກສາຄວາມອຸ່ນ ໃນຂະນະທີ່ພວກເຂົາເຈົ້າຍ່າງຕາມພື້ນທີ່ປົກຄຸມດ້ວຍຫິມະ ຫຼັງຈາກໄດ້ຂ້າມຜ່ານເຂດ ຊາຍແດນຂອງປະເທດ ມາເຊໂດເນຍ ເຂົ້າສູ່ປະເທດ ເຊີເບຍ, ໃກ້ກັບໝູ່ບ້ານ ມິຣາໂຕວັກ, 18 ມັງກອນ 2016.

ຜູ້ຍົກຍ້າຍຖິ່ນຖານ ແລະ ອົບພະຍົບ ໃຊ້ຜ້າຫົ່ມນອນຂອງພວກເຂົາເຈົ້າຮັກສາຄວາມອຸ່ນ ໃນຂະນະທີ່ພວກເຂົາເຈົ້າຍ່າງຕາມພື້ນທີ່ປົກຄຸມດ້ວຍຫິມະ ຫຼັງຈາກໄດ້ຂ້າມຜ່ານເຂດ ຊາຍແດນຂອງປະເທດ ມາເຊໂດເນຍ ເຂົ້າສູ່ປະເທດ ເຊີເບຍ, ໃກ້ກັບໝູ່ບ້ານ ມິຣາໂຕວັກ, 18 ມັງກອນ 2016.

ກຸ່ມປົກ​ປ້ອງສິດທິມະນຸດນີ້ ຍັງກ່າວວ່າ ຈາກຈຳນວນ 195 ປະເທດທີ່ໄດ້ຖືກປະເມີນຜົນນັ້ນ, ມີ 50 ປະເທດແມ່ນໄດ້ຖືກຈັດວ່າ “ບໍ່ມີສິດ​ເສ ລີພາບ” ແລະ 59 ປະເທດຖືວ່າ “ມີສິດເສລີພາບ​ເປັນບາງສ່ວນ.” ບົດລາຍງານກ່າວວ່າ ຊີເຣຍ, ທິເບດ ເຊິ່ງເປັນເຂດປົກຄອງຕົນເອງຂອງ ຈີນ, ໂຊມາເລຍ, ເກົາຫຼີເໜືອ, Uzbekistan ແລະ Eritrea ແມ່ນ ຮວມຢູ່​ໃນ​ບັນດາປະເທດທີ່ມີ ການລ່ວງ​ລະ​ເມີດຮ້າຍແຮງສຸດ.

ປະເທດ Turkmenistan, ຊາຮາຣາ ຕາເວັນຕົກ, ສາທາລະນະລັດ ອາຟຣິກາກາງ, ຊູດານ, Equatorial Guinea ແລະ ຊາອູດີອາເຣເບຍ ກໍໄດ້ຢູ່ໃນລາຍຊື່ຂອງປະເທດທີ່ມີການລ່ວງ​ລະ​ເມີດຮ້າຍແຮງສຸດເຊັ່ນກັນ.

ພາກຕາເວັນອອກກາງ ແລະ ພາກເໜືອຂອງ ອາຟຣິກາ ແມ່ນໄດ້ຖືກ​ຈັດຢູ່ໃນບັນຊີລາຍຊື່ຂອງ ພາກພື້ນ ທີ່ມີ​ການ​ລ່ວງ​ລະ​ເມີດຮ້າຍທີ່ສຸດໃນໂລກ ສຳລັບປີ 2015, ຕິດຕາມມາດ້ວຍພາກພື້ນ ຢູໂຮບ-ເອເຊຍ.

ບົດລາຍງານໄດ້ລະບຸວ່າ ປະຊາຊົນໃນບັນດາ​ປະ​ເທດ​ເຫລົ່ານັ້ນໄດ້ທົນທຸກກັບການ​ກົດ​ຂີ່ຢ່າງ ໜັກໜ່ວງ, ໃນຂະນະທີ່ຜູ້ນຳຜະເດັດການໄດ້ທຳການປາບປາມນັກເຄື່ອນໄຫວສິດທິມະນຸດ ແລະພວກ​ຕິຕຽນຄົນອື່ນໆ.

XS
SM
MD
LG