ລິ້ງ ສຳຫລັບເຂົ້າຫາ

ລາຍງານ ຄົ້ນພົບວ່າ ພວກ IS ດຳເນີນ ການໂຈມຕີ ໃນທົ່ວໂລກ ເພີ່ມຂຶ້ນ


ຊາຍໜຸ່ມຫຼາຍຄົນ ຮ້ອງຄຳຂວັນສະໜັບສະໜູນ ລັດອິສລາມ ໃນຂະນະທີ່ພວກເຂົາ ແກວ່ງທຸງຂອງກຸ່ມ ໃນເມືອງ Mosul, ປະເທດ ອີຣັກ.

ຊາຍໜຸ່ມຫຼາຍຄົນ ຮ້ອງຄຳຂວັນສະໜັບສະໜູນ ລັດອິສລາມ ໃນຂະນະທີ່ພວກເຂົາ ແກວ່ງທຸງຂອງກຸ່ມ ໃນເມືອງ Mosul, ປະເທດ ອີຣັກ.

ການ​ໂຈມ​ຕີ​ຢ່າງ​ກວ້າງຂວາງ​ໃນ​ທົ່ວ​ໂລກ​ໂດຍກຸ່ມ ລັດ ອິສລາມ ໄດ້​ເພີ້ມຂຶ້ນຫຼາຍ​ກວ່າ 40 ​ເປີ​ເຊັນ​ຕໍ່​ມື້​ ໃນໄຕມາດທີສາມ​ຂອງ​ປີນີ້, ອີງ​ຕາມລາຍ​ງານ​ ການຄົ້ນຄວ້າຂອງບໍລິສັດ IHS Jane’s ​global defense.

ກາ​ນຄົ້ນຄວ້າ​ດັ່ງ​ກ່າວທີ່ໄດ້​ນຳອອກເຜີຍແຜ່​ໃນ​ວັນ​ພະຫັດ​ມື້​ນີ້, ​ໄດ້​ບັນ ທຶກ​ການ​ໂຈມ​ຕີ​ຂອງ​ພວກ ລັດ​ອິສລາມ ​ໃນ​ທົ່ວ​ໂລກ 1,086 ຄັ້ງ​ໃນ​ລະຫວ່າງ​ເດືອນ ກໍລະກົດ ​ແລະ ກັນຍາທີ່​ຜ່ານ​ມາ. ສະເລ່ຍ ແລ້ວ​ເປັນ​ການ​ໂຈມ​ຕີ​ເກືອບ 12 ຄັ້ງ​ຕໍ່​ມື້, ​ເພີ່ມ​ຂຶ້ນ 42 ​ເປີ​ເຊັນ​ຈາກ ໄລຍະ 3 ​ເດືອນ​ກ່ອນໜ້າ​ນັ້ນ.

ລາຍ​ງານ​ ໄດ້​ລວມ​ເອົາ​ກິດຈະກຳ​ພາຍ​ໃນ​ປະ​ເທດຕ່າງໆ ​ບ່ອນທີ່​ພວກ ລັດ​ອິສລາມ ອ້າງວ່າ ຕົນຄວບຄຸມດິນແດນຢູ່ນັ້ນ, ລວມມີ​ບໍ່​ພຽງ​ແຕ່​ດິນ​ແດນ​ຫຼັກທີ່ໝັ້ນຄົງ​ໃນ ຊີ​ເຣຍ ​ແລະ ອີຣັກ ​ເທົ່າ​ນັ້ນ, ​ແຕ່​ກໍ​ຍັງ​ມີ ອີ​ຈິບ, ລີ​ເບ​ຍ, ​ເຢ​ເມນ, ອັຟກາ​ນິສຖານ, ​ປາ​ກິ​ສຖານ, ​ໄນ​ຈີເຣຍ, ​ຊາ​ອູ​ດີ​ອາ​ເຣ​ເບ​ຍ, ​ພາກ​ເໜືອ​ຂອງ​ພູ Caucasus ​ແລະ Algeria ນຳດ້ວຍ.

ກຸ່ມ​ຫົວ​ຮຸນ​ແຮງ ອິສລາມ ຢູ່ໃນເຂດທ້ອງ​ຖິ່ນ​ຫຼາຍ​ກຸ່ມ​ໃນ​ບັນດາ​ປະ​ເທດ​ດັ່ງກ່າວ​ນັ້ນ, ​ເຊັ່ນ​ພວກ ​ໂບ​ໂກ ຮາຣາມ ​ໃນ​ ​ໄນ​ຈີ​ເຣຍ, ​ໄດ້​ອ້າງການ​ເປັນ​ພັນທະ​ມິດ​ກັບ​ກຸ່ມ ລັດ​ອິສລາມ, ​ເຖິງແມ່ນ​ວ່າ​ມັນ​ຍັງ​ບໍ່​ຈະ​ແຈ້ງວ່າ​ອົງການ​ດັ່ງກ່າວ​ນັ້ນ​ ມີ​ການ​ປະສານ​ງານ​ກັນ​ຫຼາຍ​ເທົ່າ​ໃດ ​ກັບ​ແກ​ນນຳ​ຂອງ​ພວກ IS.

ພວກ​ຫົວ​ຮຸ​ນ​ແຮງ​ລັດອິສລາມ ​ໃນ ຊີ​ເຣຍ ​ແລະ ອີຣັກ ​ໄດ້​ເປັນ​ເປົ້າ​ໝາຍ​ຂອງ​ການ​ໂຈມ​ຕີ​ທາງ​ອາກາດ​ໂດຍ​ພັນ​ທະມິດ​ນຳພາ​ໂດຍ​ ສະຫະລັດ ​ແລະ ໃນຂ​ອບ​ເຂດ​ທີ່​ນ້ອຍ​ກວ່າ ​ໂດຍ​ການ​ໂຈມ​ຕີ​ຖິ້ມ​ລະ​ເບີດຕ່າງຫາກ​ຂອງ ຣັດ​ເຊ​ຍ ​ເຊິ່ງຫາ​ກໍ​ໄດ້​ເ​ລີ​ມຂຶ້ນ​ເມື່ອ​ບໍ່​ດົນ​ມາ​ນີ້.

​ເຖິງ​ແມ່ນ​ວ່າລາຍ​ງານນີ້ໄດ້ຕັ້ງຫຼາຍ​ຄຳ​ຖາມ​ ກ່ຽວ​ກັບວ່າ​ການ​ໂຈ​ມຕີ​ທາງ​ອາກາດມີ​ຜົນກະ ທົບຕໍ່​ພວກ ລັດ​ອີສລາມ ຫຼາຍ​ສ່ຳ​ໃດ, ​ແຕ່​ພວກ​ເຂົາ​ເຈົ້າ​ໄດ້​ສະ​ເໜີ​ວ່າ ການ​ຂະ​ຫຍາຍດິນ​ແດນ​ຂອງ​ກຸ່ມ​ກໍ່​ການ​ຮ້າຍ​ດັ່ງກ່າວ​ນັ້ນ ​ໄດ້​ມີການຊັກ​ຊ້າລົງ.

ອີງ​ຕາມ​ບໍລິສັດ IHS Jane’s ​ໃນເວລາ 3 ​ເດືອນ​ທີ່​ຜ່ານ​ມາ, ພວກ IS ​ໄດ້​ເຫັນ “ວິ​ທີ​ຂອງ​ການ​ຂະຫຍາຍ​ເຂດ​ແດນ​ໜ້ອຍ​ຫຼາຍ.” ​ແທນ​ທີ່, ກຸ່ມ​ດັ່ງກ່າວ “​ໄດ້​ຮັກສາແຜນ​ຍຸດ​ທະ​ສາດຂອງ​ການ​ຂະ​ຫຍາ​ຍ ​ແລະ ປັບປຸງ​ການ​ຄວບ​ຄຸມ​ດິນ​ແດນ​ໃນ​ທ້ອງ​ຖິ່ນພາຍ​ໃນໂຄງ​ສ້າງ​ທີ່​ມີ​ຢູ່​ຂອງ​ແຕ່ລະ​ແຂວງ.”

ເບິ່ງວີດີໂອກ່ຽວຂ້ອງ:

ສະແດງຄວາມເຫັນໃຫ້ເບິ່ງ

XS
SM
MD
LG