ໂຮງງານຜະລິດກົນຈັກຂອງເກົາຫຼີເໜືອ ທີ່ຖືກ ສະຫະປະຊາຊາດ
ລົງໂທດນັ້ນ ປາກົດວ່າ ຍັງຄົງດຳເນີນທຸລະກິດ ຢ່າງຜິດກົດໝາຍ
ໂດຍຜ່ານບໍລິສັດຕາງໜ້າຕ່າງໆ ໃນຈີນ ແລະ ຣັດເຊຍ.
ບັນດານັກຄົ້ນຄວ້າ ຈາກສູນກາງສຶກສາເພື່ອປ້ອງກັນການແຜ່ຜາຍ
ອາວຸດນິວເຄລຍ ທີ່ມີຫ້ອງການຢູ່ສະຫະລັດ ກ່າວວ່າ ການສຶກສາ
ຂອງເຂົາເຈົ້ານັ້ນ ໄດ້ສະທ້ອນໃຫ້ເຫັນວ່າ ການລົງໂທດຕ່າງໆຂອງ
ນາໆຊາດ ທີ່ມີເປົ້າໝາຍ ຈະເຮັດໃຫ້ໂຄງການລູກສອນໄຟ ແລະ
ອາວຸດນິວເຄລຍຂອງເກົາຫຼີເໜືອ ຊັກຊ້າລົງນັ້ນ ແມ່ນບໍ່ມີ ປະສິດ
ທິພາບເລີຍ.
ໃນປີກາຍນີ້ ສະພາຄວາມໝັ້ນຄົງສະຫະປະຊາຊາດ ໄດ້ລົງໂທດ ບໍລິສັດກົນຈັກວິສາ
ວະກິດຮ່ວມ Ryonha ຂອງເກົາຫຼີເໜືອ ຊຶ່ງຜະລິດຊິ້ນສ່ວນຕ່າງໆ ເພື່ອນຳໃຊ້ໃນການ
ສ້າງລູກສອນໄຟ ແລະເຄື່ອງຈັກກັ່ນທາດຢູເຣນຽມ. ການລົງໂທດຂອງສະຫະປະຊາຊາດ
ຕ່າງໆນັ້ນ ແມ່ນບັງຄັບໃຫ້ບັນດາປະເທດສະມາຊິກ ຂອງສະຫະປະຊາຊາດ ກັກຊັບສິນ
ຂອງບໍລິສັດ Ryonha ແລະ ບໍລິສັດໃດໆ ທີ່ໄດ້ເປັນໂຕແທນໃຫ້ບໍລິສັດດັ່ງກ່າວນີ້.
ແຕ່ຢູ່ໃນລາຍງານ ທີ່ນຳອອກເຜີຍແຜ່ໃນວັນອັງຄານວານນີ້ ບັນດານັກ ຄົ້ນຄວ້າ ກ່າວວ່າ
ບໍລິສັດດັ່ງກ່າວ ຍັງເຄື່ອນໄຫວເຮັດທຸລະກິດ ໃນທົ່ວໂລກຢ່າງຫ້າວຫັນ. ໂດຍສະເພາະແລ້ວ ລາຍງານກ່າວວ່າ ບໍລິສັດຈີນ ທີ່ມີຊື່ວ່າ Suzhou Weihan CNC Technology ແລະ ບໍລິສັດ ຣັດເຊຍ ຊື່ວ່າ Koryo Technologies ແມ່ນເປັນຕົວແທນຈຳໜ່າຍສິນຄ້າ ຂອງບໍລິສັດ Ryonha.
