ລິ້ງ ສຳຫລັບເຂົ້າຫາ

ພວກອົບພະຍົບ ໃນທີ່ສຸດ ກໍເດີນທາງໄປເຖິງ ເຢຍຣະມັນ


ພວກອົບພະຍົບລໍຖ້າກວດສຸຂະພາບ ຫລັງຈາກໄປຮອດ ສະຖານີລົດໄຟໃຫຍ່ ໃນນະຄອນ Munich ທາງພາກໃຕ້ ເຢຍຣະມັນ. (5 ກັນຍາ 2015)

ລົດໄຟ ທີ່ເຕັມໄປດ້ວຍພວກອົບພະຍົບໃນທີ່ສຸດກໍເດີນທາງໄປ
ເຖິງເຢຍຣະມັນໃນວັນເສົາມື້ນີ້ ຫຼັງຈາກຫລາຍໆມື້ ທີ່ໄດ້ມີການ
ຊັກຊ້າທີ່ສະຖານີລົດໄຟ Keleti ໃນນະຄອນຫຼວງ Budapest
ຂອງຮັງກາຣີ.

ລາຍງານຈາກເຢຍຣະມັນແລະອອສເຕຣຍແຈ້ງວ່າ ລົດໄຟຂະ
ບວນທຳອິດທີ່ລຳລຽງອົບພະຍົບໄດ້ອອກເດີນທາງຈາກອອສ ເຕຣຍໄປຍັງເຢຍຣະມັນໃນວັນເສົາມື້ນີ້ບໍ່ເທົ່າໃດຊົ່ວໂມງຫລັງ ຈາກພວກເຂົາເຈົ້າໄດ້ຖືກສົ່ງໂດຍທາງລົດເມ ແຕ່ນະຄອນ Bu-
dapest ໄປຫາຊາຍແດນອອສເຕຣຍ.

ອົບພະຍົບຫລາຍພັນຄົນ ທີ່ໄດ້ຕົກຄ້າງເປັນເວລາຫລາຍມື້ຢູ່ທີ່ປະເທດຮັງກາຣີ ເພື່ອລໍຖ້າ
ເດີນທາງໄປຢູໂຣບຕາເວັນຕົກເວລານີ້ໄດ້ເຂົ້າໄປໃນອອສເຕຣຍແລ້ວຊຶ່ງເປັນຄວາມກ້າວ
ໜ້າສຳລັບຢູໂຣບ ຫລັງຈາກອາທິດ ແຫ່ງຄວາມບໍ່ແນ່ນອນ ກ່ຽວກັບ ຖານະອົບພະຍົບ ທີ່
ຊອກສະແຫວງຫາບ່ອນລີ້ໄພ ພາຍໃນເຂດຊາຍແດນ ຂອງສະຫະພາບຢູໂຣບນັ້ນ.

ເຈົ້າໜ້າທີ່ອອສເຕຣຍກ່າວໃນວັນເສົາມື້ນີ້ວ່າ ອົບພະຍົບຫຼາຍໆພັນຄົນໄດ້ຂ້າມຊາຍແດນ ເຂົ້າໄປໃນອອສເຕຣຍແລ້ວບ່ອນທີ່ພວກເຂົາເຈົ້າໄດ້ຖືກຕ້ອນຮັບ ດ້ວຍເຄື່ອງຊ່ອຍເຫລືອ ແລະສະຖານທີ່ຫລັບນອນ.

ເຈົ້າໜ້າທີ່ອອສເຕຣຍ ທ່ານ Wolfgang Mueller ກ່າວຕໍ່ພວກນັກຂ່າວວ່າ ມີອົບພະຍົບ ປະມານ 800 ຄົນ ຖືກສົ່ງຂຶ້ນລົດໄຟໄປນະຄອນຫຼວງວຽນນາ ແລະຕໍ່ຈາກນັ້ນ ກໍໄປເຢຍ ຣະມັນ.

ສະພາກາແດງຂອງອອສເຕຣຍ ໄດ້ໃຫ້ການຕ້ອນຮັບພວກອົບພະຍົບຢູ່ທີ່ດ່ານຂ້າມຊາຍ
ແດນ Hegyeshalom.

ນາຍົກລັດຖະມົນຕີອອສເຕຣຍ ກ່າວວ່າ ປະເທດຂອງທ່ານແລະເຢຍຣະມັນຈະອະນຸຍາດ ໃຫ້ພວກອົບພະຍົບເຂົ້າປະເທດແບບບໍ່ມີການກີດກັ້ນໃດໆ. ນາຍົກລັດຖະມົນຕີ Werner
Faymann ໄດ້ປະກາດກ່ຽວກັບການຕັດສິນໃຈດັ່ງກ່າວໃນຕອນເຊົ້າຂອງວັນເສົາມື້ນີ້ ຫຼັງ
ຈາກໄດ້ເຈລະຈາຫາລືກັບນາຍົກລັດຖະມົນຕີເຢຍຣະມັນ ທ່ານນາງ Angela Merkel.

ທ່ານ Faymann ເວົ້າວ່າ ການຕັດສິນໃຈນີ້ໄດ້ມີຂຶ້ນໃນທັນທີຍ້ອນສະພາບການສຸກເສີນ ໃນເຂດຊາຍແດນຂອງຮັງກາຣີ.

ພວກອົບພະຍົບຈຳນວນນຶ່ງ ແມ່ນເດີນທາງໄປຈາກ ສະຖານີລົດໄຟ Keleti ໃນນະຄອນ
ຫຼວງ Budapest ໂດຍພາກັນຍ່າງໃນວັນສຸກວານນີ້ຫລັງຈາກໄດ້ລໍຖ້າເປັນເວລາຫຼາຍໆ
ມື້ ໃຫ້ພວກເຈົ້າໜ້າທີ່ຮັງກາຣີອອກໃບອະນຸຍາດເດີນທາງໃຫ້ເຂົາເຈົ້າ. ຫລັງຈາກນັ້ນ ຮັງ
ກາຣີ ໄດ້ສົ່ງລົດເມຫຼາຍໆຄັນໄປຮັບເອົາພວກອົບພະຍົບຫລາຍຮ້ອຍຄົນທີ່ພາກັນຍ່າງຢູ່
ຕາມທາງຫຼວງທີ່ກວ້າງຫົກເລນ ໃນຂະນະທີ່ພວກເຂົາເຈົ້າມຸ່ງໜ້າສູ່ທິດຕາເວັນຕົກໄປຫາ ຊາຍແດນຂອງອອສເຕຣຍ.

ສ່ວນຢູ່ທີ່ນະຄອນຫຼວງ Budapest ສະຖານີລົດໄຟ Keleti ກໍຍັງແອອັດໄປດ້ວຍອົບພະ ຍົບທີ່ພາກັນລໍຖ້າມາໄດ້ຫລາຍມື້ແລ້ວເພື່ອຈະມີໂອກາດເດີນທາງໄປກັບລົດໄຟທີ່ມຸ່ງໜ້າ
ສູ່ທິດຕາເວັນຕົກ.

Luis Ramirez ຜູ້ສື່ຂ່າວຂອງວີໂອເອ ກ່າວທີ່ນະຄອນ Budapest ໃນວັນເສົາມື້ນີ້ ຫລັງ ຈາກໄດ້ໄປຢ້ຽມສະຖານີລົດໄຟແລ້ວວ່າ “ຈະເຮັດແນວໃດກ່ຽວກັບຄື້ນຟອງຂອງພວກອົບ ພະຍົບຊຶ່ງຍັງຕົກຢູ່ໃນສະພາບທີ່ກືນບໍ່ເຂົ້າຄາຍບໍ່ອອກ. ບໍ່ມີຜູ້ໃດບໍ່ເຫັນພ້ອມນຳວ່າຜູ້ຄົນ
ເຫຼົ່ານີ້ຄວນໄດ້ຮັບການຊ່ອຍເຫລືອໃນທັນທີທັນໃດ.”

XS
SM
MD
LG