ລິ້ງ ສຳຫລັບເຂົ້າຫາ

ປະຊາຊົນຫຼາຍແສນຄົນ ປະທ້ວງໃນ ເກົາຫຼີໃຕ້


ປະຊາຊົນ ເກົາຫຼີໃຕ້ ຮ້ອງຄຳຂວັນ ແລະ ຖືປ້າຍທີ່ອ່ານວ່າ "Park Geun-hye Out" ໃນລະຫວ່າງການປະທ້ວງຕໍ່ຕ້ານ
ປະທານາທິບໍດີ ເກົາຫຼີໃຕ້ ທ່ານນາງ Park Geun-hye ໃນນະຄອນຫຼວງ ໂຊລ, 12 ພະຈິກ, 2016.

ປະຊາຊົນ ເກົາຫຼີໃຕ້ ຮ້ອງຄຳຂວັນ ແລະ ຖືປ້າຍທີ່ອ່ານວ່າ "Park Geun-hye Out" ໃນລະຫວ່າງການປະທ້ວງຕໍ່ຕ້ານ ປະທານາທິບໍດີ ເກົາຫຼີໃຕ້ ທ່ານນາງ Park Geun-hye ໃນນະຄອນຫຼວງ ໂຊລ, 12 ພະຈິກ, 2016.

ພວກປະທ້ວງຫຼາຍຮ້ອຍພັນຄົນໄດ້ເຕົ້າໂຮມກັນໃນການຊຸມນຸມຄັ້ງໃຫຍ່ ໃນປະເທດ ເກົາຫຼີ ໃຕ້ ວັນເສົາວານນີ້ ເພື່ອຮຽກຮ້ອງໃຫ້ປະທານາທິບໍດີ ທ່ານນາງ Park Guen-hye ລາ ອອກຈາກຕຳແໜ່ງ.

ຕຳຫຼວດໃນນະຄອນຫຼວງ ໂຊລ ໄດ້ກ່າວວ່າ ປະຊາຊົນປະມານ 260,000 ຄົນໄດ້ພາກັນ ປະທ້ວງ, ເຊິ່ງອາດເປັນການປະທ້ວງທີ່ໃຫຍ່ທີ່ສຸດຂອງປະເທດໃນ 3 ທົດສະວັດ, ແຕ່ ພວກຜູ້ຈັດການຊຸມນຸມໄດ້ອ້າງວ່າມີປະຊາຊົນເຖິງໜຶ່ງລ້ານຄົນໄດ້ອອກມາປະທ້ວງ.

ນັກຮຽນມັດຖະຍົມ, ແມ່ຊີໂບດ ກາໂຕລິກ, ຊາວນາ, ຜູ້ກິນເບ້ຍບຳນານ ແລະ ຄູ່ຮັກໄວ ໜຸ່ມພ້ອມກັບລູກຂອງພວກເຂົາເຈົ້າເຈົ້າໄດ້ເດີນຂະບວນຢູ່ຖະໜົນແຫ່ງໜຶ່ງ ຕໍ່ໜ້າປະຕູ ທາງເຂົ້າທຳນຽບປະທານາທິບໍດີ ແລະ ຮ້ອງສຽງວ່າ “Park Guen-hye ລາອອກ.” ບີບ ແກ ແລະ ຕີກອງ.

ໃນຂະນະທີ່ຕາເວັນຕົກດິນ, ພວກຜູ້ປະທ້ວງໄດ້ຍົກທຽນ ແລະ ປ້າຍສັນຍາລັກ, ແລະ ສືບ ຕໍ່ຮ້ອງຄຳຂວັນຮຽກຮ້ອງໃຫ້ທ່ານນາງ Park ລາອອກຈາກຕຳແໜ່ງ.

ປະຊາຊົນຈາກທົ່ວປະເທດ ໄດ້ເດີນທາງໄປນະຄອນຫຼວງ ເພື່ອເຂົ້າຮ່ວມໃນການປະທ້ວງ.

ປະຊາຊົນຮ້ອງຄຳຂວັນໃນການໂຮມຊຸມນຸມ ຮຽກຮ້ອງໃຫ້ປະທານາທິບໍດີ Park Guen-hye ລາອອກຈາກຕຳແໜ່ງໃນໃຈກາງນະຄອນຫຼວງ ໂຊລ. ເກົາຫຼີໃຕ້. 12 ພະຈິກ, 2016.

ປະຊາຊົນຮ້ອງຄຳຂວັນໃນການໂຮມຊຸມນຸມ ຮຽກຮ້ອງໃຫ້ປະທານາທິບໍດີ Park Guen-hye ລາອອກຈາກຕຳແໜ່ງໃນໃຈກາງນະຄອນຫຼວງ ໂຊລ. ເກົາຫຼີໃຕ້. 12 ພະຈິກ, 2016.

ທ້າວ Cho Joo-pyo ພ້ອມກັບພັນລະຍາ ແລະ ລູກສາວອາຍຸສອງປີ, ຜູ້ທີ່ໄດ້ເດີນທາງ ຈາກບ້ານເກີດຂອງພວກເຂົາເຈົ້າ 200 ກິໂລແມັດຫ່າງອອກໄປ ໄດ້ກ່າວຕໍ່ອົງການຂ່າວ ຝຣັ່ງ ວ່າ “ມື້ວານນີ້ແມ່ນວັນຄົບຮອບວັນແຕ່ງງານຂອງພວກເຮົາ ແຕ່ພວກເຮົາໄດ້ຍົກ ເລີກການເດີນທາງຄົບຮອບວັນແຕ່ງງານຂອງພວກເຮົາ ແລະ ເດີນທາງມານະຄອນ ຫຼວງ ໂຊລ ເພາະວ່າ ພວກເຮົາຄິດວ່າມັນມີຄວາມສຳຄັນກວ່າສຳລັບລູກສາວຂອງ ພວກເຮົາ."

ເຈົ້າໜ້າທີ່ຕຳຫຼວດຫຼາຍກວ່າ 20,000 ຄົນ, ຫຼາຍຄົນນຸ່ງຊຸດປາບປາມການຈະລາຈົນ, ໄດ້ ຖືກສົ່ງໄປຖ່າມກາງການຮຽກຮ້ອງເພື່ອຄວາມສະຫງົບ.

ການປະທ້ວງແມ່ນຄັ້ງຫຼ້າສຸດຂອງການຮຽກຮ້ອງໃຫ້ທ່ານນາງ Park ລາອອກຈາກຕຳ ແໜ່ງ ກ່ຽວກັບ ຂ່າວລືການສໍ້ລາດບັງຫຼວງ ທີ່ໄດ້ເຮັດໃຫ້ລັດຖະບານຂອງທ່ານນາງອ່ອນ ແອລົງ. ລະດັບຄວາມນິຍົມຊົມຊອບຂອງທ່ານນາງໄດ້ຫຼຸດລົງເຫຼືອພຽງ 5 ເປີເຊັນເທົ່ານັ້ນ.

ອ່ານຂ່າວນີ້ຕື່ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG