ລິ້ງ ສຳຫລັບເຂົ້າຫາ

ເຈົ້າໜ້າທີ່ ອາເຈີບາຍຈານ ກວດຄົ້ນ ຫ້ອງການ ວິທະຍຸ​​ ຢູໂຣບເສລີ


ພະນັກງານ ວິທະຍຸ RFE/RL ຖືກກັກຂັງໄວ້ ຢູ່ໃນຫ້ອງການ ໃນຂະນະທີ່ບັນດາ​ໄອ​ຍະ​ການ​ຂອງ​ລັດຖະບານອາ​ເຈີບາຍ​ຈານ ​​ເຂົ້າໄປກວດຄົ້ນຫ້ອງການ, ວັນທີ 26 ທັນວາ 2014.

ບັນດາ​ໄອ​ຍະ​ການ​ຂອງ​ລັດຖະບານອາ​ເຈີບາຍ​ຈານ ​ໄດ້​ເຂົ້າໄປ
ກວດຄົ້ນ ຫ້ອງການ​ຕ່າງ​ໆຂອງວິທະຍຸຢູໂຣບເສຣີ ແລະວິທະຍຸ
ອິດສະຫຼະພາບ ຫລື ​RFE/RL ທີ່​ລັດຖະບານ​ສະຫະລັດ​ໃຫ້​ທຶນ​
ສະໜັບ​ໜຸນນັ້ນ ​ໂດຍກ່າວ​ວ່າ ພວກ​ເຂົາ​ເຈົ້າໄດ້ຮັບ​ຄຳ​ສັ່ງຈາກ​
ສານໃຫ້​ປິດ​ຫ້ອງການ​ດັ່ງກ່າວ​ນີ້.

ວິທະຍຸ​ຢູ​ໂຣບເສລີ ແລະວິທະຍຸ​ອິດສະຫຼະພາບ ກ່າວ​ໃນ​ວັນ​ສຸກ
​ມື້​ນີ້​ວ່າ ມີ​ເຈົ້າໜ້າ​ທີ່ຈາກຫ້ອງການ​ໄອ​ຍະ​ການ ຈຳນວນຢ່າງ​ນ້ອຍ
10 ຄົນ ທີ່ ໜຸນ​ຫລັງ​ໂດຍ​ເຈົ້າໜ້າ​ທີ່​ຕຳຫລວດ​ຕິດ​ອາວຸດ ​ໄດ້​ເຂົ້າ
ໄປ​ໃນສຳ​ນັກ​ງານ​ຂອງ​ຕົນ ຢູ່​ທີ່​ນະຄອນຫລວງບາ​ກູ.

ຮູບພາບ ທີ່ນຳອອກເຜີຍແຜ່ທາງອິນເຕີແນັດ ຂອງວິທະຍຸ​ດັ່ງກ່າວ ​ໄດ້​ ​ສະ​ແດງ​ໃຫ້​ເຫັນ
ບັນດາພະນັກງານປະມານ 20 ຄົນ ກຳລັງຖືກ​ກັກຕົວ​ ໄວ້ໃນຫ້ອງການ ​ໃນ​ຂະນະ​ທີ່
ບັນດາ​ເຈົ້າໜ້າ​ທີ່​ ກວດຄົ້ນສະຖານ​ທີ່​ດັ່ງ ກ່າວນັ້ນ.

ວິທະຍຸ RFE/RL ​ໄດ້​ອ້າງຄຳ​ເວົ້າຂອງ​ບັນດາ​ໄອ​ຍະ​ການ ທີ່​ກ່າວ​ວ່າ ການ​ສືບສວນ​ສອບ​
ສວນ ​ແມ່ນ​ກ່ຽວ​ພັນ​ເຖິງ​ການ​ສືບສວນ​ທີ່​ກຳລັງດຳ ເນີນຢູ່​ ກ່ຽວກັບ “ອົ​ງກອນ​ທີ່​ຕ່າງຊາດ​
ໃຫ້​ທຶນ​ສະໜັບສະໜຸນ.”

ຫ້ອງການ​ໄອ​ຍະ​ການ ບອກ​ກັບອົງການຂ່າວ AP ວ່າ ການກວດ​ຄົ້ນ​ໄດ້​ມີຂຶ້ນ ​ເພື່ອ​ການ
​ສືບສວນ​ສອບ​ສວນ ໃນອັນ​ທີ່​ເອີ້ນ​ວ່າ “ອາ​ຊະ​ຍາ​ກຳ ທີ່​ຮ້າຍ​ແຮງ” ​ແຕ່​ບໍ່​ໄດ້​ໃຫ້​ລາຍ​
ລະອຽດ​ໃດໆ ​ຕື່ມ​ອີກ.

​ໃນຕົ້ນ​ເດືອນ​ນີ້ ສານອາ​ເຈີ​ບາຍ​ຈານ ​ໄດ້ອອກ​ຄຳສັ່ງໃຫ້ຄຸມ​ຂັງ​ນັກ​ຂ່າວ​ຂອງວິທະຍຸ RFE ​
ໄວ້ກ່ອນ​ການ​ດຳ​ເນີນ​ຄະດີ ​ເປັນ​ເວລາ 2 ​ເດືອນ ​ໃນ​ຂໍ້​ກ່າວຫາວ່າ ນາງ​ໄດ້​ພະຍາຍາມ
ກົດ​ດັນໃຫ້​ຊາຍ​ຄົນ​ໜຶ່ງ​ທຳ​ການ​ຂ້າ​ຕົວ​ຕາຍ.

​ບັນດາເຈົ້າໜ້າ​ທີ່​ສະຫະລັດ ​ຮຽກຮ້ອງ​ໃຫ້ ປ່ອຍ​ໂຕ​ນາງ Khadija Ismayilova ​ໂດຍ​
ທັນທີ ​ແລະ​ກ່າວ​ວ່າ ຄະດີ​ນີ້ເປັນ​ຄວາມພະຍາຍາມ ​ອັນຫຼ້າສຸດ ຂອງ​ລັດຖະບານ
ອາ​ເຈີ​ບາຍ​ຈານ ​ທີ່​ຈະ​ປິດ​ປາກ​ປິດ​ສຽງພວກ ​ຕຳ​ນິຕິ​ຕຽນ​ຕົນ ​ແລະຈຳກັດ​ຮັດແຄບສິດ
​ເສລີພາບ​ດ້ານການຂ່າວ.

XS
SM
MD
LG