ລິ້ງ ສຳຫລັບເຂົ້າຫາ

ປະທານາທິບໍດີ ຢູເຄຣນ ພົບປະກັບ ປະທານາທິບໍດີ ຣັດເຊຍ ທີ່ກຸງມົສກູ (ສະໄລດ໌)


ປະທານາທິບໍດີຣັດເຊຍ ທ່ານ Vladimir Putin, ຂວາ, ກັບຄູ່ຕໍາແໜ່ງຈາກຢູເຄຣນ ທ່ານ Viktor Yanukovych, ຊ້າຍ, ຫຼັງຈາກການເຊັນສັນຍານໍາກັນສະບັບນຶ່ງ ຢູ່ມົສກູ, ວັນທີ 17 ທັນວາ 2013.
ປະທານາທິບໍດີ ຢູ​ເຄຣນ ທ່ານ Viktor Yanukovych ກໍາລັງ​ພົບ
​ປະ ຢູ່ທີ່​ກຸງມົສກູ ກັບ​ປະທານ​າທິບໍດີ Vladimir Putin ​ເພື່ອການ​
ສົນທະນາ ທີ່​ອາດ​ຈະ​ສົ່ງ​ຜົນ​ໃຫ້​ຢູ​ເຄຣນ​ໄດ້​ຮັບເງິນ​ຢືມກ້ອນ​ນື່ງ
ຈາກຣັດ​ເຊຍ ​ແລະ​ລຸດຜ່ອນ​ລາຄາ​ແກັສຈາກຣັດ​ເຊຍລົງ ​ໃນ​ຂະ
ນະ​ທີ່ພວກ​ສະ​ໜັບສະ​ໜູນ ສະຫະພາບ​ຢູ​ໂຣບ ​ວາງ​ແຜນ​ທໍາ​ການ
ປະ​ທ້ວງຕໍ່​ໄປ ​ທີ່ຢູ​ເຄຣນ.

ການຊຸມນຸມປະ​ທ້ວງ​ໄດ້​ເລີ້ມ​ຂື້ນ​ເມື່ອ​ນຶ່ງເດືອນ​ກ່ອນ ​ເວລາ​ທ່ານ
Yanukovych ​ປະຕິ​ເສດທີ່​ຈະ​ເຊັນສັນຍາການ​ຄ້າ​ ກັບສະຫະ
ພາບ​ຢູໂຣບ ເພື່ອ​ເລືອກ​ເອົາການຜູກ​ສາຍ​ພົວພັນ​ທີ່​ໃກ້ຊິດຍິ່ງ​ຂຶ້ນ
​ກັບຣັດ​ເຊຍ.

ຜູ້​ຊ່ວຍປະທານາທິບໍດີ Putin ຄົນ​ນຶ່ງ​ ກ່າວ​ໃຫ້​ຮ່ອງຮອຍ​ວ່າ ການ​ສົນ ​ທະ​ນາ​ກັນໃນ​ກຸງ​ມົສກູ
ອາດ​ເປັນ​ຜົນໃຫ້​ມີ​ການ​ເຊັນ​ຂໍ້​ຕົກລົງກູ້​ຢືມເງິນ ​ກ້ອນ​ໃຫຍ່​ໄດ້ ແລະ​ລັດຖະມົນຕີຢູ​ເຄຣນ ຄົນ​
ນຶ່ງ​ກ່າວ​ວ່າຂໍ້​ຕົກລົງ​ກ່ຽວ​ກັບ​ການ​ລຸດຄ່າ​ແກັສຈາກຣັດ​ເຊຍ ກໍ​ອາດເປັນ​ໄປໄດ້.

​ໃນ​ວັນຈັນ​ວານ​ນີ້ ພັກ​ຂອງ​ລັດຖະບານ​ຢູ​ເຄຣນ ​ໄດ້​ຮຽກຮ້ອງ​ໃຫ້​ມີ​ການ ສັບຊ້ອນ​ຄະນະ​ລັດຖະ
ບານໃນ​ຂັ້ນ​ກ້ວາງ​ຂວາງ ອັນ​ເປັນ​ຮ່ອງຮອຍ​ຊີ້​ບອກວ່າ ຄະ​ນະນໍາພາ​ກໍາລັງພະຍາຍາມ​ຈະ​ ລະ
ງັບ​ຄວາມບໍ່ພໍ​ໃຈ​ຂອງ​ພວກປະ​ທ້ວງ ທີ່ສະໜັບສະໜູນສະຫະພາບ​ຢູ​ໂຣບນັ້ນ.

ບັນດາ​ຜູ້​ແທນ​ສະພາຈາກ​ພັກ Party of Regions ​ຂອງ ປະທານາທິບໍດີ Yanukovych ໄດ້​
ພົບ​ປະໃນ​ວັນ​ຈັນ​ວານ​ນີ້ ກັບ​ນາຍົກລັດຖະ ມຸນຕີ Mykola Azarov ​ເພື່ອ​ຮ້ອງຂໍ​ໃຫ້​ມີ “ການ
ສັບ​ຊ້ອນໃນ​ຄະນະລັດ​ຖະບານ ​ເຖິງ 90 ​ເປີ​ເຊັນ."



​ກ່ອນ​ໜ້າ​ນັ້ນ ໃນ​ຄວາມພະຍາຍາ​ມ​ເພື່ອ​ຫຼຸດຜ່ອນຄວາມ​ເຄັ່ງຕືງ ທ່ານ Yanukovych ​ໄດ້​ສະ
​ເໜີ​ການ​ຍິນ​ຍອມຫລາຍ​ຢ່າງ ຮວມ​ທັງ​ປົດ​ເຈົ້າ​ໜ້າ​ທີ່​ຂັ້ນ​ສູງຫຼາຍຄົນ​ອອກ​ຈາກ​ຕໍາ​ແໜ່​ງ ຍ້ອນ​
ການ​ກະທໍາຮຸນແຮງ ຂອງ​ຕໍາຫຼວດ​ຕໍ່​ພວກ​ປະ​ທ້ວງ. ​ແຕ່ວ່າ ພວກ​ປະ​ທ້ວງ​ທີ່​ສະໜັບສະໜູນ
ສະຫະພາບ​ຢູ​ໂຣບ ​ຖື​ເບົາ​ການ​ເຄື່ອນ​ໄຫ​ວດັ່ງກ່າວວ່າ ​ເປັນ​ມາດ​ຕະ ການ​ພຽງ​ເຄິ່ງນຶ່ງ ​ແລະ
​ບັນດາ​ຜູ້​ນໍາການ​ປະ​ທ້ວງ ພາ​ກັນຮຽກຮ້ອງ​ໃຫ້ ນາຍົກລັດຖະມຸນ​ຕີ Azarov ລາ​ອອກ​ ພ້ອມ
ກັບ​ໃຫ້​ຈັດການ​ເລືອກ​ຕັ້ງ​ປະທານາທິບໍດີ ​ແລະ​ສະພາ​ໃ​ໝ່ ກ່ອນ​ກໍາໜົດ.
XS
SM
MD
LG