ລິ້ງ ສຳຫລັບເຂົ້າຫາ

ສະຫະລັດ​ແລະ​ເຢຍຣະ​ມັນ ​ປະຕິຍານວ່າ ​ຈະ​ສືບ​ຕໍ່ລົງ​ໂທດ ດ້ານເສດຖະກິດ ຕໍ່ຣັດ​ເຊຍ


 ທ່ານ​ນາງ Merkle ຕ້ອນຮັບທ່ານ Petro Poroshenko ທີ່ Berlin, ວັນທີ 16 ມີນາ 2015.

ທ່ານ​ນາງ Merkle ຕ້ອນຮັບທ່ານ Petro Poroshenko ທີ່ Berlin, ວັນທີ 16 ມີນາ 2015.

ສະຫະລັດ​ແລະ​ເຢຍຣະ​ມັນ ​ໄດ້​ໃຫ້​ຄຳ​ໝັ້ນ​ສັນຍາ​ທີ່​ຈະ​ສືບ​ຕໍ່​
ທຳການລົງ​ໂທດທາງດ້ານເສດຖະກິດຕໍ່ຣັດ​ເຊຍ ຍ້ອນຣັດ​ເຊຍ​
ໄດ້​ປະກາດຮວມເອົາ​ແຫຼມ​ໄຄຣ​ເມຍ ຂອງ​ຢູ​ເຄຣນ ເຂົ້າເປັນ
ດິນແດນຂອງຕົນ ​ແລະໄດ້​ເຕືອນເຖິງການ​ມາດຕະການ​ໃໝ່
ຖ້າ Moscow ບໍ່​ປະຕິບັດ​ຕາມ​ໂດຍເຕັມຕໍ່ຂໍ້​ຕົກລົງຢຸດ​ຍິງ ທີ່ຕົນໄດ້ໃຫ້ການສະໜັບສະໜຸນໃນ​ເດືອນ​ແລ້ວ​ນີ້.

ທີ່​ວໍ​ຊີງ​ຕັນ ​ໃນ​ວັນ​ຈັນ​ວານ​ນີ້ ກະຊວງ​ການ​ຕ່າງປະ​ເທດ​ສະຫະລັດ
ກ່າວ​ຫາ Moscow ທີ່​ໄດ້​ທຳ​ການລົງ​ປະຊາ​ມະຕິແບບຫລອກລວງ
​ໃນ​ເຂດໄຄຣ​ເມຍ ​ເມື່ອ​ປີ​ກາຍ​ນີ້ ກ່ອນ​ໜ້າການ​ລົງ​ຄະແນນ​ໃນ
​ລັດຖະສະພາຣັດ​ເຊຍ ທີ່​ປະກາດຮວມ​ເອົາ​ດິນແດນດັ່ງກ່າວເຂົ້າ
ເປັນຂອງຕົນ ນັ້ນ. ​ໂຄສົກ​ຍິງ​ຂອງ​ກະຊວງ​ການ​ຕ່າງປະ​ເທດສະຫະລັດ ທ່ານ​ນາງ Jen Psaki ​ໄດ້​ກ່າວ​ວ່າ ການ​ລົງ​ຄະ​ແນນ​ສຽງນັ້ນ ​ແມ່ນບໍ່​ເປັນ​ໄປດ້ວຍຄວາມສະໝັກໃຈ ບໍ່​ໂປ່​ງ​ໃສ ຫຼື​ບໍ່​ເປັນ​ປະຊາທິປະ​ໄຕ. ທ່ານ​ນາງ​ໄດ້​ກ່າວ​ວ່າ ການລົງ​ໂທດຂອງສະຫະລັດ ຍັງ​ຈະດຳ
ເນີນຕໍ່ໄປຕາບ​ໃດທີ່ການຍຶດຄອງຂອງຣັດເຊຍ ຍັງມີຢູ່ທີ່ນັ້ນ.​

ປະທານາທິບໍດີຣັດເຊຍ Vladimir Putin (ກາງ) ປະທານກອງປະຊຸມ ທີ່ Moscow, ວັນທີ 6 ມີນາ 2015..

ປະທານາທິບໍດີຣັດເຊຍ Vladimir Putin (ກາງ) ປະທານກອງປະຊຸມ ທີ່ Moscow, ວັນທີ 6 ມີນາ 2015..

ໃນ​ນະຄອນ Berlin ນາຍົກລັດຖະມົນຕີເຢຍຣະມັນ ທ່ານ​ນາງ Angela Merkle ​ໄດ້​ປຶກສາ​ຫາລື​ກັບ​ປະທານາທິບໍດີ​ຢູ​ເຄຣນ ທ່ານ Petro Poroshenko ທີ່​ທຳ​ການ​ຢ້ຽມ​ຢາມ. ທ່ານ​ນາງ ​ໄດ້​ກ່າວ​ຕໍ່​ມາ​ວ່າ ສະຫະພາບ​ຢູ​ໂຣບ ​ແມ່ນ​ໄດ້​ຕຽມ​ພ້ອ​ມຕໍ່​ການ​ລົງ​ໂທດ​ໜັກ​ຂຶ້ນ​ຕໍ່ Moscow ທີ່​ໄດ້​ໃຫ້ການ​ສະໜັບສະໜຸນ ຊ່ອຍ​ເຫຼືອ​ພວກ​ຫົວ​ແບ່ງ​ແຍກ​ດິນ​ແດນ​ທີ່​ນິຍົມຣັດ​ເຊຍ​ ໃນ​ພາກ​ຕາ​ເວັນ​ອອກ​ຂອງ​ຢູ​ເຄຣນນັ້ນ ຖ້າ​ຫາກ​ວ່າ ທຸກ​ສິ່ງ​ຢ່າງ​ລົ້ມ​ແຫຼວ​ລົງ. ທ່ານ​ນາງ​ຍັງ​ໄດ້​ກ່າວ​ວ່າ ລັດຖະບານ​ຂອງ​ທ່ານ​ນາງ ຍັງ​ມີຄວາມໝັ້ນໝາຍ ​ທີ່​ຈະ​ຄືນ​ເຂດ​ໄຄຣ​ເມຍໃຫ້​ກັບຢູ​ເຄຣນ ຢູ່.

XS
SM
MD
LG