ລິ້ງ ສຳຫລັບເຂົ້າຫາ

ປ. Putin ກ່າວ​ວ່າ ບໍ່​ມີ​ຂໍ້​ອ້າງໃດໆ​ ​ພຽງພໍ ຕໍ່​ການ​​ໂຈມ​ຕີ​ ທີ່ ເມືອງ Volgograd (ວີ​ດີ​ໂອ/ສະໄລດ໌)


ປະທານາທິບໍດີຣັດ​ເຊຍ Vladimir Putin ​​ກ່າວ​ຄໍາ​ປະ​ໄສ​ຕາມ​ປະ​ເພນີ ​ເນື່ອງ​ໃນ​ໂອກາດ​ ວັນ​ສະຫຼອງ​ປີ​ໃໝ່​ສາກົນ
ປະທານາທິບໍດີຣັດ​ເຊຍ ທ່ານ Vladimir Putin ​ໄດ້ໄປຢ້ຽມຢາມ
​ເມືອງ Volgograd ຊຶ່ງ​ເປັນ​ສະຖານ​ທີ່​ໄດ້​ມີ​ເຫດ​ລະ​ເບີດ 2 ບັ້ນ
​ເກີດ​ຂຶ້ນ ໃນ​ວັນ​ອາທິດແລະ​ວັນ​ຈັນຜ່ານ​ມາ​ທີ່​ໄດ້​ສັງຫານ 34 ຄົນ ​
ນັ້ນ.

​ໃນການໃຫ້​ຄວາມ​ເຫັນຕໍ່ໂທລະພາບ​ນັ້ນ ທ່ານ Putin ​ໄດ້ກ່າວ​ວ່າ
“​ມັນ​ບໍ່​ມີ​ຂໍ້​ອ້າງໃດໆ​ທັງ​ສິ້ນ ທີ່​ຈະ​ພຽງພໍ ຕໍ່​ການ​ກໍ່​ອາຊະ​
ຍາ​ກໍາ​ຕໍ່​ປະຊາຊົນພົນລະ​ເຮືອນ ​ໂດຍ​ສະ​ເພາະ​ແມ່ນ​
ພວກ​ແມ່ຍິງ​ແລະ​ເດັກນ້ອຍ​ນັ້ນ.”


​ໃນ​ການ​ກ່າວ​ຄໍາ​ປະ​ໄສ​ຕາມ​ປະ​ເພນີ ​ເນື່ອງ​ໃນ​ໂອກາດ​ວັນ
​ສະຫຼອງ​ປີ​ໃໝ່​ສາກົນ ໃນ​ວັນ​ອັງ​ຄານ​ວານ​ນີ້ ທ່ານ Putin ​ໄດ້​ປະຕິຍານ​ວ່າ ຈະປາບ​ປາມ
ພວກ​ກໍ່​ການ​ຮ້າຍ ຈົນ​ກວ່າ​ວ່າພວກ​ເຂົາຈະຖືກ​ທຳລາຍ​ໂດຍ​ຊິ້ນ​ເຊີງ. ທ່ານເວົ້າວ່າ​ ໃນ​ຂະນະ
​ທີ່​ປະ​ເທດ​ຂອງ​ທ່ານ​ໄດ້​ພະຍາຍາມ​ຢ່າງ​ສຸດ​ຂີດ​ນັ້ນ ຣັດ​ເຊຍແມ່ນ​ໄດ້​ເຕົ້າ​ໂຮມ​ກັນ​ເປັນ​ນໍ້າ​ນຶ່ງ
​ໃຈ​ດຽວ​ກັນມາ​ຕະຫຼອດ.


ຫລັງ​ຈາກການລະ​ເບີດ​ດັ່ງກ່າວແລ້ວ ​ເຈົ້າ​ໜ້າ​ທີ່​ຂອງຣັດ​ເຊຍໄດ້​ສົ່ງ​ກອງ​ກໍາລັງ​ຮັກສາ​
ຄວາມ​ປອດ​ໄພ​ຫຼາຍ​ກວ່າ 5 ພັນ​ຄົນ ອອກ​ປະຕິບັດ​ງານ​ທັງ​ຢູ່​ໃນ​ແລະ​ອ້ອມ​ແອ້ມເມືອງ
Volgograd.

ການ​ໂຈມຕີ​ໃນ​ວັນ​ຈັນຜ່ານ​ມາ​ນີ້ ລະ​ເບີດ​ໄດ້​ທໍາລາ​ຍພາກ​ສ່ວນ​ລົດ​ເມໂດຍສານ ​ໂດຍ
​ໄດ້ສັງຫານ 16 ຄົນ ​ແລະບາດ​ເຈັບອີກ 30 ຄົນ. ນຶ່ງ​ມື້ກ່ອນ​ໜ້າ​ນັ້ນ ​ຜູ້​ໂຈມ​ຕີສະລະ​ຊີບ
​ຄົນ​ນຶ່ງ ​ໄດ້ບີບຄະ​ນວນ​ລະ​ເບີດ​ໃຫ້​ແຕກ​ຂຶ້ນ ຢູ່​ທີ່ບ່ອນຮັກສາ​ຄວາມ​ປອດໄພຂອງປະຕູ
ທາງເຂົ້າຫຼັກ ຂອງ​ສະຖານີ​ລົດ​ໄຟ​ ທີ່​ຍັງ​ຜົນ​ໃຫ້ມີ 18 ຄົນ​ເສ​ຍຊີວິດ.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG