ລິ້ງ ສຳຫລັບເຂົ້າຫາ

ປ. Putin ອອກຄຳສັ່ງ ໃຫ້ທະຫານ ຕຽມພ້ອມ ຢ່າງເຕັມທີ່ ເພື່ອສູ້ລົບ (ສະໄລດ໌/ວີດີໂອ)


ທະຫານຂອງພວກແບ່ງແຍກດິນແດນ ສະໜັບສະໜູນຣັດເຊຍ ຕຽມເດີນທາງດ້ວຍລົດຖັງ ລໍຖ້າຢູ່ຖະໜົນໃກ້ເມືອງ Yanakiyevo ປະເທດຢູເຄຣນ
ປະທານາທິບໍດີຣັດ​ເຊຍ ທ່ານ Vladimir Putin ​ໄດ້​ອອກ
​ຄຳ​ສັ່ງ ໃຫ້​ທະຫານ ຢູ່ໃນເຂດພາກ​ກາງຂອງຣັດ​ເຊຍ
"ຕຽມ​ໂຕ​ສູ້​ລົບ​ຢ່າງ​ເຕັມທີ່” ຊຶ່ງ​ເປັນ​ການ​ເຝິກ ຊ້ອມ​ເພື່ອໃຫ້
ມີຄວາມຄ່ອງແຄ່ວ ນຶ່ງ​ມື້​ຫລັງ​ຈາກ ປະທາ​ນາ​ທິບໍດີຢູ​ເຄຣນ
ທ່ານ Petro Poroshenko ​ໄດ້​ອອກ​ຄຳ​ສັ່ງ​ໃຫ້​ມີ​ການ​ຢຸດ​
ຍິງ​ ເປັນ​ເວລາ​ນຶ່ງ​ອາທິດ ກັບພວກແບ່ງ​ແຍກດິນ​ແດນ ທີ່ສະ
ໜັບສະໜູນຣັດ​ເຊຍ ຢູ່ໃນ​ພາກ​ຕາ​ເວັນ​ອອກ​ຂອງ​ປະ​ເທດ.

ບັນດາ​ເຈົ້າ​ໜ້າ​ທີ່ຣັດ​ເຊຍ​ ກ່າວ​ວ່າ ທະຫານຫລາຍ​ກວ່າ
65,000 ຄົນ​ຈະ​ເຂົ້າ​ຮ່ວມໃນ​ການ​ເຝິກຊ້ອມ​ຄັ້ງໃໝ່ນີ້.
ອົງການ NATO ​ໄດ້​ກ່າວ​ວ່າ ຣັດ​ເຊຍໄດ້​ເລີ້ມ​ເສີມກຳລັງ​
ທະຫານ​ຂອງຕົນ ​ຢູ່ເລາະ​ຕາມບໍລິເວນ​ຊາຍ​ແດນ.

ທ່ານ Poroshendo ​ໄດ້​ສັ່ງໃຫ້​ທະຫານຢູ​ເຄຣນ ​ແລະ​ກຳລັງ​ຮັກສາ​ຄວາມ​ປອດ​ໄພ​ຢຸດ
​ຍິງ​ເປັນ​ເວລາ​ເຈັດ​ມື້. ທ່ານ​ໄດ້​ອອກ​ຄຳ​ສັ່ງ​ ໃນ​ຂະນະ​ທີ່​ໄປຢ້ຽມຢາມກອງ​ບັນຊາ​ການ
ປະຕິບັດງານຕໍ່ຕ້ານພວກກໍ່ການຮ້າຍ ​ໃນພາກ​ຕາ​ເວັນ​ອອກ​ຂອງຢູ​ເຄຣນ ໃນ​ວັນ​ສຸກ​
ວານ​ນີ້ ​ແຕ່​ກໍກ່າວ​ວ່າ ຄຳ​ສັ່ງ​ນີ້ບໍ່​ໄດ້​ໝາຍ​ຄວາມ​ວ່າ ກຳລັງ​ທະ ຫານຢູ​ເຄຣນ ຈະ​ບໍ່​ຕໍ່ສູ້​
ຄືນ ຖ້າ​ຫາກ​ຖືກໂຈມ​ຕີ.

ປະທານາທິບໍດີຢູ​ເຄຣນ ​ໄດ້​ສົນທະນາ​ຫາລືລາຍ​ລະອຽດ​ຂອງ​ແຜນດັ່ງກ່າວໂດຍ​ທາງ​
ໂທສະ​ສັບ ​ກັບທ່ານ Putin ​ໃນ​ວັນ​ພະຫັດ​ຜ່ານມາ.

ຜູ້ນຳຣັດ​ເຊຍ ບໍ່​ໄດ້ໃຫ້ຄວາມສຳຄັນຕໍ່​ແຜນການ​ຢຸດ​ຍິງ​ຂອງຢູ​ເຄຣນ ​ໃນ​ຕອນ​ແລງ​ວັນ​ສຸກ
​ວານ​ນີ້ ​ໂດຍ​ໃຫ້​ຂໍ້​ສັງ​ເກດ​ວ່າ ບໍ່ໄດ້​ເຊື້ອ​ເຊີນ​ໃຫ້ພວກ​ກະບົດ​ໃນ​ພາ​ກ ຕາ​ເວັນ​ອອກ​ຂອງ
ຢູ​ເຄຣນ ທີ່​ຈະ​ເລີ້​ມການ​ເຈ​ລະ​ຈາ.

​ເຈົ້າ​ໜ້າ​ທີ່ອົງການ NATO ຄົນ​ນຶ່ງ​ ກ່າວ​ຕໍ່ວີ​ໂອ​ເອວ່າ ທະຫານຣັດເຊຍ​ຈຸໃໝ່​ ຢູ່​ໃກ້​ກັບ
​ຊາຍ​ແດນ​ຢູ​ເຄຣນ ບໍ່​ປາກົດ​ວ່າ​ ມີການ​ພົວພັນ​ກັບ​ໜ້າ​ທີ່ “ການ​ລາດຕະ​ເວນ​ຊາຍ​ແດນ”
​ແຕ່​ປາກົດ​ວ່າ ໄປເຕົ້າໂຮມກັນ ຢູ່​ໃນ​ເຂດຕຽມການ ​ແລະ​ລໍຖ້າ​ຄ່ຳ​ສັ່ງ​ທີ່ຈະມີຂຶ້ນ. ທ່ານ
ກ່າວ​ອີກ​ວ່າ ນີ້​ເປັນ​ຮ່ອງຮອຍ ທີ່​ບໍ່ “ດີປານ​ໃດ.” ​

Error rendering storify.
XS
SM
MD
LG