ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ປ. ພູຕິນ ຂໍຮ້ອງ ປະຊາຊົນ ບໍ່ໃຫ້ຮ້ອນໃຈ ນຳເສດຖະກິດ ຣັດເຊຍ


ປ. Vladimir Putin ກ່າວປາໄສຕໍ່ປະຊາຊົນ ທີ່ Moscow, ວັນທີ 18 ທັນວາ 2014.
ປ. Vladimir Putin ກ່າວປາໄສຕໍ່ປະຊາຊົນ ທີ່ Moscow, ວັນທີ 18 ທັນວາ 2014.

ປະທານາທິບໍດີ Vladimir Putin ​ໄດ້​ສະ​ແດງ​ຄວາມ​ຮູ້ສຶກ​ໃນ
​ແງ່​ດີອອກ​ມາ​ໃນ​ການກ່າວ​ຕໍ່​ກອງ​ປະຊຸມ​ນັກ​ຂ່າວໃນ​ທ້າຍ​ປີ​
ຂອງ​ທ່ານ ​ໃນວັນ​ພະຫັດ​ມື້​ນີ້ ​ໂດຍ​ກ່າວ​ຕໍ່​ຊາວຣັດ​ເຊຍ​ວ່າ ​
ເສດຖະກິດ​ຂອງ​ປະ​ເທດ​ຈະ​ຟື້ນ​ໂຕ​ຄືນ ​ແລະ​ເງິນ ruble ກໍ​
ຈະ​ທຸ່ນ​ທ່ຽງ.

ທ່ານ​ພູ​ຕິນກ່າວ​ວ່າ ວິ​ກິດ​ການ​ໃນ​ປັດຈຸບັນ​ນີ້ ສາມາດ​ດຳ​ເນີນ
ຕໍ່​ໄປໄດ້ຕື່ມ​ອີກ 2 ປີ​ຢ່າງ​ດົນ ​ແຕ່​ການ​ເສດຖະກິດ​ສາມາດ​ຟື້ນ
​ໂຕ​ຄືນ​ໄວ​ກວ່າຖ້າ​ການ​ປ່ຽນ​ແປງ​ພວກ​ປັດ​ໄຈ​ຂ້າງ​ນອກ​ດີ​ຂຶ້ນ.
ທ່ານ​ພູ​ຕິນ ກ່າວ​ວ່າ ​ເງິນ​ສຳຮອງ​ຂອງ​ປະ​ເທດ​ໃນ​ປັດຈຸບັນ ມີ
​ພຽງພໍ ​ເພື່ອ​ຮັກສາ​ການ​ເສດຖະກິດ​ໃຫ້​ຢູ່​ໃນ​ສະພາ​ບທີ່​ທຸ່ນ​ທ່ຽງ
ຕໍ່​ໄປ.

ຄ່າ​ຂອງ​ເງິນ ruble ​ໄດ້​ແຂງ​ໂຕ​ຂຶ້ນ​ໃນ​ເຊົ້າ​ວັນ​ພະຫັດ​ມື້​ນີ້ ກ່ອນ​ຄຳ​ປາ​ໄສ​ຂອງ​ທ່ານ​ພູ​ຕິນ.

ຄ່າ​ຂອງ​ເງິນ ruble ​ໄດ້​ຕົກ​ລາຄາ​ລົງ​ຕໍ່າ​ ສຸດ ​ໃນ​ວັນ​ອັງຄານ​ມື້ກ່ອນ​ນີ້ ຊຶ່ງ​ໄດ້​ກະ​ຕຸ້ນ​ໃຫ້​ທະນາຄານ​ກາງຣັດ​ເຊຍ ໃຫ້​ຄຳ​ໝັ້ນ​ໃຈ​ຄັ້ງ​ໃໝ່​ຕໍ່​ພວກທະນາຄານ ​ແລະ​ພວກ​ບໍລິສັດ​
ການ​ເງິນ​ຕ່າງໆວ່າ ຕົນ​ຈະ​ເພີ້​ມ​ເງິນ​ລົງທຶນ​ຕື່ມ​ອີກ ຖ້າ​ຈຳ​ເປັນ​ນັ້ນ. ​ໃນ​ຈຸດ​ນຶ່ງ ​ເງິນຕາ​ຂອງຣັດ​ເຊຍ​ໃນລົດ​ລາຄາ​ລົງ​ເຖິງ 80 ruble ຕໍ່​ນຶ່ງ​ດອນ​ລາ​ສະຫະລັດ. ຄ່າ​ຂອງ​ເງິນ Ruble ​ໄດ້​ລົດ​ລົງ​ເກືອບ 60 ​ເປີ​ເຊັນ ​ເມື່ອ​ແລກປ່ຽນ​ກັບ​ພວກ​ເງິນຕາທີ່​ສຳຄັນຂອງ​ພວກ​ປະ​ເທດ​ຝ່າຍ​ຕາ​ເວັນ​ຕົກ​ໃນ​ປີ​ນີ້.

ທ່ານ​ພູ​ຕິນ ​ໄດ້​ເວົ້າ​ເຖິງ​ວິ​ກິດ​ການ​ໃນ​ຢູ​ເຄຣນ​ໃນ​ວັນ​ພະຫັດ​ມື້​ນີ້ ​ໂດຍ​ກ່າວ​ວ່າ ທ່ານ​ຢາກ
​ໃຫ້​ຢູ​ເຄຣນ​ເປັນ​ເອກ​ກະ​ລັກ​ນຶ່ງທາງ​ດ້ານ​ການ​ເມືອງ. ທ່ານ​ໄດ້​ສະ​ແດງ​ຄວາມ​ຫວັງ​ໄວ້​ວ່າ
ວິ​ກິດ​ການ​ດັ່ງກ່າວ​ສາມາດ​ແກ້​ໄຂ​ໄດ້ໂດຍ​ຜ່ານ​ການເຈລະຈາ​ສັນ​ຕິ​ພາບ​ ​ໂດຍ​ສະ​ເໜີ​ແນະ​ໃຫ້​ລັດຖະບານ Kyiv ​ແລະ​ພວກ​ກະບົດ​ທີ່​ໄດ້​ຮັບ​ການ​ໜຸນ​ຫຼັງ​ຈາກຣັດ​ເຊຍ​ໃນ​ພາກຕາ​
ເວັນ​ອອກ​ຂອງ​ຢູ​ເຄຣນ​ ແລກປ່ຽນ​ຊະ​ເລີຍ​ເສິກ​ກັນ​ ກ່ອນ​ວັນຄຣີສມາສ ນັ້ນ.

ຣັດ​ເຊຍ​ໄດ້​ປະ​ເຊີນ​ກັບ​ການ​ລົງ​ໂທດ​ຢ່າງ​ໜັກ​ຈາກ​ຝ່າຍ​ຕາ​ເວັນ​ຕົກ ​ເນື່ອງ​ຈາກ​ທ່ານ​ພູ​ຕິນ
ຍຶດ​ເອົາ​ແຄວ້ນ Crimea ມາ​ຢູ່​ພາຍ​ໃຕ້​ການ​ປົກຄອງຂອງ​ຕົນຈາກ​ຢູ​ເຄຣນ ​ໃນ​ເດືອນ​ມີນາ​ຜ່ານ​ມາ​ນັ້ນ.

russiaputin18december14
please wait

No media source currently available

0:00 0:00:43 0:00

XS
SM
MD
LG