ອຸນຫະພູມທີ່ຮ້ອນເອົ້າເປັນປະຫວັດການ ແລະໄພແຫ້ງແລ້ງທີ່ຮຸນແຮງພວມເຮັດ ໃຫ້ປະຊາຊົນຫຼາຍຮ້ອຍລ້ານຄົນໃນເຂດເອເຊຍປະສົບກັບຄວາມທຸກທໍລະມານ ເປັນທີ່ສຸດ.
ທ່ານ Maximiliano Herrera ນັກຊ່ຽວຊານດ້ານອາກາດທີ່ມີຊື່ສຽງທີ່ກຳລັງສືບ ສວນເບິ່ງປະຫວັດອຸນຫະພູມຂອງໂລກ ກ່າວວ່າ ຢູ່ໃນເຂດເອເຊຍຕາເວັນອອກ ສຽງໃຕ້ ຄື້ນຄວາມຮ້ອນນີ້ ແມ່ນຮວມຢູ່ໃນບັນດາຄື້ນຄວາມຮ້ອນ ເປັນປະຫວັດ ການ ໃນປີ 1960, ປີ 1983 ແລະປີ 1998 ແຕ່ເມື່ອເວົ້າເຖິງ ຊ່ວງໄລຍະເວລາ ຄວາມເຂັ້ມຂຸ້ນ ແລະ ເຂດທີ່ໄດ້ຮັບຜົນກະທົບແລ້ວ ແນ່ນອນ ນີ້ແມ່ນຄື້ນຄວາມຮ້ອນທີ່ຮ້າຍແຮງສຸດຢູ່ໃນປະເທດໄທ ລາວ ແລະກຳປູເຈຍ.
ຄື້ນຄວາມຮ້ອນຢູ່ອິນເດຍໃນປີກາຍນີ້ ເຮັດໃຫ້ມີຜູ້ເສຍຊີວິດ 2,422 ຄົນ ຊຶ່ງເປັນໂຕເລກການເສຍຊີວິດທີ່ພົວພັນກັບສະພາບອາກາດຮ້ອນເອົ້າທີ່ສູງທີ່ສຸດ ໃນຮອບສອງທົດສະວັດກວ່າໆ.
ໃນປີນີ້ ມີຜູ້ເສຍຊີວິດຫລາຍກວ່າ 150 ຄົນທີ່ມີການຖິ້ມໂທດໃສ່ສະພາບອາກາດ ຮ້ອນເອົ້າ ໃນໄລຍະສອງອາທິດກວ່າໆຜ່ານມານີ້.
ທ່ານ Herrera ກ່າວຕໍ່ວີໂອເອວ່າ ຂ້າພະເຈົ້າຢ້ານວ່າ ຄື້ນຄວາມຮ້ອນນີ້ຈະດຳເນີນຕໍ່ໄປ ແລະສູງຂຶ້ນຕື່ມໃນຫຼາຍໆອາທິດຕໍ່ໜ້າ ແລະແນ່ນອນບໍ່ເປັນຈັ່ງໂຊກຈຳນວນຜູ້ເສຍຊີວິດຈະສູງຂຶ້ນຕື່ມ.
