ມີລາຍງານກ່ຽວກັບການເສຍຊີວິດຂອງຜູ້ເຄາະຮ້າຍລາຍທຳອິດທີ່ພົວພັນກັບນຳການຕິດ ເຊື້ອໄວຣັສ Zika ທີ່ມານຳຍຸງ ຢູ່ໃນດິນແດນສະຫະລັດ.
ສູນກາງຄວບຄຸມແລະປ້ອງກັນພະຍາດຂອງສະຫະລັດ ລາຍງານໃນວັນສຸກວານນີ້ວ່າ ຜູ້ ຊາຍຊາຍເປີໂຕຣິໂກຄົນນຶ່ງອາຍຸໃນລະຫວ່າງ 70 ກວ່າປີ ໄດ້ເສຍຊີວິດຍ້ອນມີເລືອດຕົກໃນ ທີ່ພົວພັນກັບປະຕິກິລິຍາຂອງພູມຕ້ານທານຕໍ່ການຕິດເຊື້ອໄວຮັສ Zika ທີ່ບໍ່ຄ່ອຍໄດ້ ເຫັນກັນເມື່ອທ້າຍເດືອນກຸມພາຜ່ານມານີ້.
ເຈົ້າໜ້າທີ່ກ່າວວ່າ ຜູ້ຊາຍທີ່ບໍ່ລະບຸຊື່ຄົນນີ້ ໄດ້ຫາຍດີແລ້ວຈາກການຕິດເຊື້ອໄວຣັສ Zika ໃນຂັ້ນຕົ້ນ ແຕ່ຕໍ່ມາ ພູມຕ້ານທານທີ່ກໍ່ໂຕຂຶ້ນໃນການສະແດງປະຕິກິລິຍາຕໍ່ການຕິດເຊື້ອໄວຣັສ Zika ນັ້ນ ໄດ້ເລີ້ມໂຈມຕີເກັດແຊລຂອງເລືອດທີ່ພາໃຫ້ຜູ້ກ່ຽວເສຍຊີວິດຫລັງຈາກ ໄດ້ມີເລືອດຕົກໃນ.
ການເສຍຊີວິດຍ້ອນເຊື້ອໄວຣັສ Zika ໃນລັກສະນະຄ້າຍຄືກັນນີ້ 3 ກໍລະນີໄດ້ມີລາຍງານ ວ່າເກີດຂຶ້ນຢູ່ທີ່ປະເທດໂຄລອມເບຍ.
ເປີໂຕຣິໂກ ກຳລັງປະເຊີນໜ້າ ກັບການລະບາດຂອງເຊື້ອໄວຣັສ Zika ໃນຂອບເຂດທີ່ກວ້າງຂວາງມາໄດ້ຫຼາຍເດືອນແລ້ວ. ສູນກາງຄວບຄຸມແລະປ້ອງກັນພະຍາດລາຍງານ ວ່າມີຜູ້ຕິດເຊື້ອໄວຣັສດັ່ງກ່າວທີ່ໄດ້ຮັບການຢືນຢັນຈາກຫ້ອງຄົ້ນ ຄວ້າ 683 ກໍລະນີແຕ່ ວັນທີ 1 ຫາວັນທີ 15 ເມສານີ້ບໍ່ຕ່ຳກວ່າ 65 ຄົນຂອງພວກທີ່ຕິດເຊື້ອແມ່ນເປັນແມ່ຍິງທີ່ ຖືພາ. ຜູ້ປ່ວຍ 17 ຄົນຕ້ອງໄດ້ເຂົ້າຮັບການພະຍາບານຢູ່ທີ່ໂຮງໝໍ.
ການເສຍຊີວິດທີ່ພົວພັນກັບເຊື້ອໄວຣັສ Zika ໃນໝູ່ພວກຜູ້ໃຫຍ່ຖືວ່າເກີດຂຶ້ນຍາກທີ່ສຸດ. ເຊື້ອໄວຣັສດັ່ງກ່າວພາໃຫ້ຮູ້ສຶກມີອາການບໍ່ສະບາຍທີ່ບໍ່ຮ້າຍແຮງເປັນເວລາສັ້ນໆສຳລັບ ພວກຜູ້ຄົນສ່ວນໃຫຍ່. ແຕ່ການຕິດເຊື້ອໄວຣັສນີ້ສຳລັບ ພວກແມ່ຍິງທີ່ຖືພາແມ່ນພົວພັນ ກັບການເກີດລູກທີ່ບໍ່ສົມປະກອບແລະການເສຍ ຊີວິດຂອງພວກທາລົກໃນຄັນ ແລະໄດ້ ກາຍເປັນບັນຫາທາງດ້ານສາທາລະນະສຸກທີ່ສ້າງຄວາມວິຕົກກັງວົນໃຫ້ແກ່ນາໆຊາດ.