ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ສະຫະລັດ ຮຽກຮ້ອງໃຫ້ຈີນ ເປີດກວ້າງເພີ່ມຕື່ມ ແລະ ປົກປ້ອງສິດທິມະນຸດ (ເບິ່ງວີດີໂອ)


ຮອງປະທານາທິບໍດີສະຫະລັດທ່ານ Joe Biden ກ່າວຄຳປາໄສຕໍ່ກອງປະຊຸມສະມາຄົມໜັງສືພິມລັດໂອຮາຍ ໂອ ທີ່ນະຄອນໂຄລຳບັສ (9 ກຸມພາ 2012)
ຮອງປະທານາທິບໍດີສະຫະລັດທ່ານ Joe Biden ກ່າວຄຳປາໄສຕໍ່ກອງປະຊຸມສະມາຄົມໜັງສືພິມລັດໂອຮາຍ ໂອ ທີ່ນະຄອນໂຄລຳບັສ (9 ກຸມພາ 2012)

ຮອງ​ປະທານາທິບໍດີສະຫະ​ລັດ ທ່ານ ​ໂຈ ບາ​ຍ​ເດີນ​ ກ່າວ​ວ່າການ​ເປີດ​ກ້ວາງ​ຕື່ມ​ອີກ
ແລະການ​ປົກປ້ອງ​ກັນ​ສິດທິ​ມະນຸດ​ສາກົນ ​ແມ່ນຊ່ອງ​ທາງ​ທີ່​ດີ​ທີ່​ສຸດ​ໃນ​ການ​ຊຸກຍູ້​ສົ່ງ
ເສີມ​ຄວາມ​ໝັ່ງຄັ່ງ​ສົມ​ບູນ ​ແລະ​ສະຖຽນ​ລະ​ພາບ​ໃນປະ​ເທດ​ຈີນ.

ທໍານຽບຂາວ​ກ່າວ​ວ່າ ທ່ານ​ບາຍ​ເດີນ ​ໄດ້​ເນັ້ນ​ໜັກ​ເຖິງ​ຄວາມ​ໝັ້ນໝາຍຂອງ​ລັດ​
ຖະ​ບານທ່ານ​ໂອ​ບາ​ມາ ກ່ຽບກັບການ​ເຄົາລົບ​ນັບຖື​ສິດທິ​ມະນຸດ ​ຢູ່​ໃນ​ການ​ໂອ້​ລົມ
ເຈລະຈາ​ໃນວັນ​ມື້ວັນ​ພຸດ​ຜ່ານ​ມາ ກັບ​ພວກ​ສະໜັບສະໜຸນການ​ປະຕິ​ຮູ​ບ​ໃນ
ປະ​ເທດຈີນ.

ການ​ພົບ​ປະ​ຂອງ​ທ່ານ​ບາຍເດີນ ​ໄດ້ມີ​ຂື້ນໃນ​ຂະນະ​ທີ່​ທ່ານ​ຕຽ​ມໃຫ້ການ ຮັບ​ຕ້ອນ
ຮອງ​ປະທານປະ​ເທດ​ຈີນ ທ່ານ Xi Jingping ​ໃນອາທິ​ດໜ້າ​ນີ້. ໃນ​ບັນດາ​ພວກ​ທີ່
ເຂົ້າຮ່ວມ​ພົບ​ປະກັບ​ທ່ານ​ບາຍ​ດັນ ​ກໍມີ​ຜູ້ອຳນວຍການ​ກຸ່ມປົກ​ປ້ອງ​ສິດທິ​ມະນຸດ
Human Rights Watch ທ່ານ Kenneth Roth ​ທີ່​ໄດ້​ຮຽກຮ້ອງ​ໃຫ້ປະທາ​ນາ​ທິ
ບໍດີໂອ​ບາ​ມາ ຂໍ​ໃຫ້​ຈີນ​ປັບ​ປຸງປະຫວັດການ​ເຄົາລົບ​ນັບຖືສິດ​ທິມະນຸດຂອງ​ຕົນ​
ໃຫ້​ດີ​ຂຶ້ນ.

ບັນ​ດາ​ນັກ​ເຄື່ອນ​ໄຫວ​ດ້ານ​ສິດ​ທິມະນຸດ​ກ່າວ​ວ່າ ​ເຈົ້າ​ໜ້າ​ທີ່​ຈີນ​ໄດ້​ທຳ​ການປາບ​ປາມ​
ຢ່າງ​ໜັກ​ຕໍ່​ພວກ​ຄັດຄ້ານທີ່​ບໍ່​ເຫັນ​ດີ​ນໍ​າ. ມີ​ລາຍ​ງານ​ວ່າ ມີຊາວ​ທິເບ​ດອີກ​ຄົນ​ນຶ່ງ​ໄດ້​
ເຜົາ​ໂຕ​ຕາຍ ຢູ່ໃນ​ແຂວງສີສວນ ​ໃນ​ວັນ​ພຸດ​ຜ່ານ​ມາ​ນີ້ ​ເພື່ອປະ​ທ້ວງ​ນະ​ໂຍບາຍ
ຂອງປັກ​ກິ່ງ.

ເບິ່ງວິດີໂອ ສິດທິມະນຸດອາດເປັນຈຸດເພັ່ງເລັງ ໃນລະຫວ່າງການຢ້ຽມຢາມ
ສະຫະລັດຂອງຮອງປະທານປະເທດຈີນ

XS
SM
MD
LG