ລິ້ງ ສຳຫລັບເຂົ້າຫາ

ພວກປະທ້ວງ ແລະ ຕໍາຫລວດ ປະທະກັນອີກ ທີ່ ຢູເຄຣນ (ວີດີໂອ)


ບັນດາສະມາຊິກ ກະຊວງພາຍໃນຢູເຄຣນ ປະທະກັນ ກັບພວກປະທ້ວງ
ພວກ​ປະ​ທ້ວງຢູ​ເຄຣນ ໄດ້ປະ​ທະ​ກັນ​ກັບ​ຕໍາຫລວດ ​ໃນ​ວັນ​
ອັງ​ຄານ​ມື້​ນີ້ ຫລັງ​ຈາກ​ໄດ້​ຖືກ​ຢຸດ ​ບໍ່​ໃຫ້​ເດີນ​ຂະ​ບວນ​ໄປ​ຫາ
ຕຶກ​ສະພາ​ຢູ​ເຄຣນ ​ໃນ​ກຸງ Kyiv.

ບັນດາຜູ້ເຫັນເຫດການ ກ່າວວ່າ ພວກປະທ້ວງພາກັນແກວ່ງ
ກ້ອນຫີນໃສ່ຕໍາ ຫລວດ ຫລັງຈາກທາງເດີນຂອງເຂົາເຈົ້າຖືກ
ຕັນເອົາໄວ້ ແລະຕໍາຫລວດໄດ້ ພາກັນຕອບໂຕ້ຄືນ ດ້ວຍການ
ຍິງລະເບີດຄວັນ ແລະລູກປືນຢາງເຂົ້າໃສ່.

ພວກ​ປະ​ທ້ວງ​ໄດ້​ພາກັນ​ເຕົ້າ​ໂຮມ​ກັນ​ມາ​ໄດ້​ຫລາຍ​ອາທິດແລ້ວ
​ເພື່ອ​ຮຽກຮ້ອງ​ໃຫ້ຂັບໄລ່ປະ​ທາ​ນາ​ທິບໍດີ Viktor Yanukovych ຫລັງ​ຈາກ​ທ່ານໄດ້​ຖອນ
ຕົວ​ອອກ​ຈາກ​ຂໍ້ຕົກລົງການ​ຄ້າ​ ກັບສະຫະພາບ​ຢູ​ໂຣບ​ໃນ​ເດືອນ​ພະຈິກຜ່ານມາເພື່ອ​ເຫັນ
ແກ່ຄວາມສຳພັນທີ່ໃກ້​ຊິດ​ເຂົ້າ​ກັບຣັດ​ເຊຍ.

​ໃນ​ວັນ​ຈັນ​ມື້ວານ​ນີ້ ຣັດເຊຍກ່າວ​ວ່າ ຕົນ​ຈະ​ປ່ອຍ​ເງິນ​ເພີ້​ມ​ເຕີມ 2 ພັນ​ລ້ານ​ໂດ​ລາ​ໃຫ້​ແກ່
ຢູ​ເຄຣນ ​ເພື່ອ​ຊຸກຍູ້​ເສດ​ຖະກິດ​ທີ່​ອ່ອນ​ແອຊຶ່ງ​ເປັນ​ການ​ເຄື່ອນ​ໄຫວ​ທີ່​ເບິ່ງກັນວ່າ ​ເປັນ​ການ​ເສີມກໍາລັງ​ ໃຫ້​ແກ່ປະທານາທິບໍດີ Yanukovych ​ໃນ ຄວາມພະຍາຍາມທີ່​ກຳ​ອໍານາດຕໍ່
ໄປນັ້ນ.

ບັນດາ​ເຈົ້າ​ໜ້າ​ທີ່​ກ່າວ​ວ່າ ​ພັນທະບັດຢູໂຣທີ່ຊື້​ໂດຍມົສກູແມ່ນເພີ້​ມ​ເຕີມຈາກ 3 ພັນ​ລ້ານ​
ໂດ​ລາ​ ທີ່​ຊື້​ໃນ​ປີ​ກາຍ​ນີ້. ​ເງິນຈຳນວນ​ດັ່ງກ່າວ ​ແມ່ນ​ພາກ​ສ່ວນ​ນຶ່ງຂອງເງິນກູ້ຢືມ 15 ພັນ​
ລ້ານ​ໂດ​ລາ ທີ່ຣັດ​ເຊຍໄດ້​ໃຫ້​ຄໍາ​ໝັ້ນ​ສັນຍາໄວ້.

XS
SM
MD
LG