ລິ້ງ ສຳຫລັບເຂົ້າຫາ

ພວກປະທ້ວງ ສະໜັບສະໜູນ ທຸງສະຫະພັນ ລັດພາກໃຕ້ ປະທະກັບຝ່າຍຄ້ານໃນ ລັດ South Carolina


ພວກປະທ້ວງຮ້ອງດ່າວ່າສະມາຊິກຂອງກຸ່ມ Ku Klux Klan ໃນຂະນະທີ່ພວກເຂົາເດີນຂະບວນຫຼັງຈາກພວກເຂົາຍ່າງ
ອອກຈາກການຊຸມນຸມຢູ່ລັດຖະສະພາ ຂອງລັດ South Carolina ໃນເມືອງ ໂຄລຳເບຍ. 18 ກໍລະກົດ, 2015.

ພວກປະທ້ວງຮ້ອງດ່າວ່າສະມາຊິກຂອງກຸ່ມ Ku Klux Klan ໃນຂະນະທີ່ພວກເຂົາເດີນຂະບວນຫຼັງຈາກພວກເຂົາຍ່າງ ອອກຈາກການຊຸມນຸມຢູ່ລັດຖະສະພາ ຂອງລັດ South Carolina ໃນເມືອງ ໂຄລຳເບຍ. 18 ກໍລະກົດ, 2015.

ໄດ້​ມີ​ການເກີດ​ເຫດ​ປະ​ທະ​ກັນເລັກ​ນ້ອຍ​ທີ່​ລັດ South Carolina ​ໃນ​ວັນ​ເສົາ​ວານ​ນີ້, ຫຼັງ​ຈາກ​ສະ​ມາ​ຊິກ​ຂອງ​ກຸ່ມ Ku Klux Klan ຫຼາຍ​ສິບ​ຄົນ​ໄດ້​ອອກ​ມາ​ປະ​ທ້ວງ​ຕໍ່​ການ​ຍົກຍ້າຍ​ທຸ​ງ ສະຫະພັນ ລັດ​ພາກ​ໃຕ້ ​ແລະ ປະ​ເຊີນ​ໜ້າ​ຕໍ່ໜ້າ​ກັບ​ນັກ​ເຄື່ອນ​ໄຫວ​ຊາວ
ອາ​ຟຣິກັນ-ອາ​ເມຣິກັນ​ ທີ່​ພາກັນ​ເດີນ​ຂະ​ບວນປະ​ທ້ວງ​ຢູ່ໃກ້​ຄຽງ​ກັນ.

ຕຳ​ຫຼວດ​ໃນ​ເມືອງ ​ໂຄ​ລຳ​ເບຍ ​ໄດ້​ຈັບ​ກຸມ​ຈຳ​ນວນ​ຫຼາຍ​ຄົນ, ​ແຕ່​ບໍ່ມີ​ການ​ລາຍ​ງານເຖິງ​ການ​ບາດ​ເຈັບ​, ​ໃນ​ຂະ​ນະ​ທີ່​ພວກ​ປະທ້ວງຈາກ​ສອງ​ຝ່າ​ຍ​ໄດ້​ເວົ້າ​ສຽດ​ສີ ​ແລະ ຮ້ອງ​ດ່າ​ວ່າໃສ່​ກັນ​

ສະມາຊິກຂອງກຸ່ມ Ku Klax Klan ພາກັນຮ້ອງດ່າພ້ອມກັບແກວ່ງທຸງ ສະຫະພັນ ລັດພາກໃຕ້ໃນລະຫວ່າງການຊຸມນຸມທີ່ ລັດຖະສະພາ ຂອງລັດ South Carolina ໃນເມືອງ ໂຄລຳເບຍ, 18 ກໍລະກົດ 2015.

ສະມາຊິກຂອງກຸ່ມ Ku Klax Klan ພາກັນຮ້ອງດ່າພ້ອມກັບແກວ່ງທຸງ ສະຫະພັນ ລັດພາກໃຕ້ໃນລະຫວ່າງການຊຸມນຸມທີ່ ລັດຖະສະພາ ຂອງລັດ South Carolina ໃນເມືອງ ໂຄລຳເບຍ, 18 ກໍລະກົດ 2015.

ເຈົ້າ​ໜ້າທີ່ກ່າວ​ວ່າ ໜ່ວຍ​ສະກັດ​ກັ້ນ​ພວກປະ​ທ້ວງ, ທີ່​ບັນ​ລະ​ຍາຍ​ວ່າ​ເປັນ​ກຸ່ມ​ຂອງ​ນັກ​ການສຶກສາ​ຜິ​ວດຳ, ​ທີ່​ເຕົ້າ​ໂຮ​ມກັນ​ເພື່ອເນັ້ນ ຢ້ຳເຖິງສິ່ງ​ທີ່​ພວກ​ຕໍ່​ສູ້​ຢູ່ນັ້ນ​ ເອີ້ນ​ວ່າຄວາມ​ບໍ່​ເທົ່າ​ທຽມ​ທາງ​ດ້ານ
​ເຊື້​ອຊາ​ດຢ່າງ​ຕໍ່​ເນື່ອງ​ ​ເຊິ່ງຜູ້​ຈັດການ​ປະທ້ວງ ທ່ານ James Evans Mohammad ​ເວົ້າ​ວ່າຍັງ​ມີສືບ​ຕໍ່ເຖິງ​ແມ່ນ​ ທຸງ​ທີ່​ເປັນ​ບັນຫາ​ໄດ້​ຖືກ​ຍົກຍ້າຍອອກ​ໄປ​ແລ້ວ​ໃນ​ຕົ້ນ​ຂອງ​ເດືອນ​ນີ້ກໍ​ຕາມ.

ຕຳຫຼວດ​ໄດ້​ນຳ​ຕົວ​ສະມາ​ຊິກ​ກຸ່ມຈັດ​ຕັ້ງ​ຂອງ​ຄົນ​ຜິວ​ຂາວ​ ທີ່​ກຽດ​ຊັງ​ຄົນ​ຜິວ​ອື່ນ ອອກ​ໄປຈາກ​ພື້ນ​ທີ່​ຂອງ​ລັດ​ຖະສະພາ​ ລັດ South Carolina, ​ໃນ​ຂະ​ນະ​ທີ່​ຄົນ​ອື່ນໆ​ໄດ້​ພາກັນ​ແຍກ​ຍ້າຍອອກ​ໄປ.

ທຸງ ​ສະຫະພັນ​ ລັດ​ພາກ​ໃຕ້, ​ທີ່ຝ່າຍ​ກົງກັນຂ້າມ​ໄດ້​ໃຫ້​ທັດ​ສະນະ ວ່າ​ເປັນ​ສັນຍາ​ລັກ​ໃນ​ປະ​ຫວັດ​ສາດ ​ຂອງ​ການ​ກຽດ​ຊັງ​ຕໍ່​ເຊື້​ອຊາດ​ຄົນຜິວ​ດຳ, ​ໄດ້​ຖືກ​ຍົກຍ້າຍ​ອອກ​ຈາກ​ພື້ນ​ທີ່​ຂອງ​ອາຄານ​ສະພາ​ຂອງ​ລັດ ເປັນການ​ຕອບ​ສະໜອງ​ຕໍ່​ການ​ສັງຫານ 9 ຄົນ​ທີ່​ໂບດ​ຄົນ​ຜິວດຳ​ໃນ​ເມືອງ Charleston.

ປະທານາທິບໍດີ Barack Obama ​ໄດ້ຮຽກຮ້ອງໃຫ້​ຍົກຍ້າຍ​ທຸງ​ດັ່ງກ່າວ, ​ເຊິ່ງເປັນ​ມະຕິ​ຂອງ ສະມາຊິກ​ສະພາ​ສູງ​ຂອງ​ລັດດັ່ງກ່າວ, ​ອັນເປັນ​ການສະ​ແດງ​ເຖິງ ​ໄມຕີ​ຈິດ ​ແລະ ການ​ເຮັດ​ໃຫ້​ທັງ​ສອງ​ເຊື້ອ​ຊາດຜິວ​ພັນ​ກັບ​ມາ​ຄືນ​ດີ​ກັນ.

XS
SM
MD
LG