ລິ້ງ ສຳຫລັບເຂົ້າຫາ

ພະສັນຕະປາປາ ສະເດັດ ຢ້ຽມຢາມ ສູນ Auschwitz ຢ່າງງຽບໆ


ພະສັນຕະປາປາ Francis ຢ່າງຜ່ານປະຕູໂຂງ ອະດີດສູນ ມໍລະນະ Auschwitz ຂອງພວກນາຊີເຢຍຣະມັນ ທີ່ເມືອງ Oswiecim ປະເທດໂປແລນ, ວັນສຸກ ທີ 29 ເດືອນກໍລະກົດ, 2016.

ພະສັນຕະປາປາ Francis ຢ່າງຜ່ານປະຕູໂຂງ ອະດີດສູນ ມໍລະນະ Auschwitz ຂອງພວກນາຊີເຢຍຣະມັນ ທີ່ເມືອງ Oswiecim ປະເທດໂປແລນ, ວັນສຸກ ທີ 29 ເດືອນກໍລະກົດ, 2016.

ພ​ະສັນຕະປາ​ປາ Francis ຍ່າງ​ຢ່າງ​ງຽບໆ​ ໃນ​ວັນ​ສຸ​ກມື້​ນີ້ ຢູ່​ກ້ອງ​ປ້າຍ​ທີ່ມີ​ຊື່​ສຽງ​ບໍ່ຄ່ອຍ​ດີ ຢູ່​ສູນ​ມໍລະນະ Auschwitz-Birkenau.

ດ້ວຍ​ການ​ກົ້ມ​ຫົວ​ລົງ ​ແລະ​ຢູ່​ໃນ​ຊຸດ​ສີ​ຂາວ ພະ​ອົງ​ໄດ້​ຍ່າງ​ຢູ່ກ້ອງ​ປ້າຍທີ່​ຂຽນ​ວ່າ “Arbeit Macht Frei” ຫລື ​“​ເຮັດ​ວຽກ​ເພື່ອ​ອິດສະຫລະ​ພາບ.” ຫຼາຍ​ກວ່າ​ນຶ່ງ​ລ້ານ​ຄົນ ຊຶ່ງສ່ວນ​ໃຫຍ່ເປັນ​ຊາວ​ຢີວ ​ໄດ້​ຖືກ​ສັງຫານ​ຢູ່​ສູນດັ່ງກ່າວ ໂດຍພວກ Nazis ​ໃນລະ​ຫວ່າງສົງຄາມ​ໂລກ​ຄັ້ງ​ທີ​ສອງ.

ຢູ່​ທີ່​ຄ້າຍ​ທະຫານ​ຂອງ​ສູນ​ນັ້ນ ພະ​ອົງ​ໄດ້​ນັ່ງ​ຢູ່​ເທິງ​ແປ້ນ​ມ້າ​ຢ່າງ​ງຽບໆ​ເພື່ອ​ອະ​ທິຖານ. ຕໍ່ ​ມາ​ພ​ະສັນຕະປາ​ປາ Francis ຜູ້ນຳ​ສາສະໜາ​ຄາ​ໂທ​ລິກ​ໂລກ ​ໄດ້​ພົບ​ປະ​ກັບ​ພວກ​ຜູ້ຄົນ ທີ່​ມີ​ພໍ່​ຕູ້​ແມ່ຕູ້​ລອດ​ຊີວິດມາ​ໄດ້ຈາກ​ສູນ.

ຫລັງ​ຈາກ​ນັ້ນ​ພະ​ອົງ​ໄດ້​ວາງ​ທຽນ​ໄຂ​ໃຫຍ່ສີຂາວ​ຢູ່​ຝາ ບ່ອນ​ທີ່​ພວກ​ນັກ​ໂທດ​ໄດ້​ຖືກ​ປະຫານ​ຊີວິດ.

ນີ້​ເປັນ​ມື້​ທີ​ສາມ​ຂອງ​ການ​ສະ​ເດັດ​ປະພາດ Poland ຂອງພະ​ສັນຕະປາ​ປາ​ເປັນ​ເວລາ​ຫ້າ​ວັນ.

ອ່ານຂ່າວນີ້ເປັນພາສາອັງກິດ

XS
SM
MD
LG