ພະສັນຕະປະປາ Benedict ຊົງພົບປະ ກັບປະທານາທິບໍດີເມັກຊິໂກ ທ່ານ Felipe Cal-
deron ໃນວັນເສົາມື້ນີ້ ຂະນະທີ່ຜູ້ນຳຂອງສາສະໜາໂຣມັນກາໂຕລິກ ເລີ່ມການສະເດັດປະ
ພາດຫ້າປະເທດໃນອາເມຣິກາລາຕິນຊຶ່ງຈະຮວມທັງປະເທດຄິວບານຳດ້ວຍ.
ໃນວັນອາທິດ ມື້ອື່ນນີ້ ພະສັນຕະປະປາ Benedict ຈະຊົງເປັນປະທານ ໃນການປະກອບ
ພິທີທາງສາສະໜາກາງແຈ້ງຂະໜາດໃຫຍ່ທີ່ເມືອງ Leon ໃນເຂດພາກກາງຂອງເມັກຊິໂກ.
ປະຊາຊົນຈຳນວນຫຼາຍໆພັນຄົນ ໄດ້ພາກັນໄປຕ້ອນຮັບພະສັນຕະປະປາ ເວລາພະອົງສະ
ເດັດໄປເຖິງສະໜາມບິນນາໆຊາດ Guanajuato ໃນມື້ວັນສຸກວານນີ້ຊຶ່ງພວກທີ່ໄປຕ້ອນ
ຮັບໄດ້ຢາຍກັນເລາະຕາມເສັ້ນທາງທີ່ຍາວ 32 ຫຼັກກິໂລແມັດແຕ່ສະໜາມບິນໄປຫາເມືອງ
Leon ໂດຍໂຮ່ຮ້ອງວ່າ ພະສັນຕະປະປາເວລານີ້ພະອົງເປັນຄົນເມັກຊິໂກແລ້ວ.
ມັນເປັນການຕ້ອນຮັບ ທີ່ອົບອຸ່ນ
ກວ່າທີ່ໄດ້ ມີການທຳນາຍໄວ້ສຳ
ລັບພະສັນຕະປະປາ Benedict
ທີ່ຄາດວ່າ ຈະບໍ່ສ້າງ ຄວາມຕື່ນ
ເຕັ້ນໃຫ້ແກ່ຜູ້ຄົນດັ່ງທີ່ພະສັນຕະ
ປະປາຄົນກ່ອນ ຄືມື້ລາງພະສັນ
ຕະປະປາ John Paul ທີ 2
ຊຶ່ງເປັນພະສັນຕະປະປາອົງທຳ
ອິດທີ່ໄດ້ສະເດັດປະພາດເມັກຊິ
ໂກແລະເປັນທີ່ເຄົາລົບຮັກ ຂອງ
ປະຊາຊົນທີ່ນັ້ນເປັນຢ່າງຍິ່ງ.
ຂະນະທີ່ຢູ່ເທິງເຮືອບິນພະທີ່ນັ່ງ
ພະສັນຕະປະປາ Benedict
ຊົງກ່າວຕໍ່ພວກນັກຂ່າວວ່າ ສາ
ສະໜາກາໂຕລິກຕ້ອງໄດ້ດຳເນີນການທຸກສິ່ງຢ່າງເທົ່າທີ່ຕົນສາມາດເພື່ອປ້ອງກັນບໍ່ໃຫ້ພວກ
ໜຸ່ມນ້ອຍໃນເມັກຊິໂກເຂົ້າໄປຮ່ວມແກ່ງຄ້າຢາເສບຕິດ. ພະອົງຊົງກ່າວວ່າ ຄວາມຕ້ອງການ
ຫຼືຢາກໄດ້ເງິນ ແມ່ນຢູ່ເບື້ອງຫຼັງຄວາມຮຸນແຮງກ່ຽວກັບຢາເສບຕິດຢູ່ໃນເມັກຊິໂກ.