ລິ້ງ ສຳຫລັບເຂົ້າຫາ

ພະສັນຕະປາປາ ແຟຣນສິສ ຊົງເລີ້ມຕົ້ນ ປະພາດ ຢ້ຽມຢາມ ຄິວບາ ແລະ ສຫລ


ສະມາຊິກຂັ້ນນຳຂອງໂບດໃນຄິວບາ ຫອມມືຂອງພະສັນຕະປາປາ ໃນຂະນະທີ່ ປະທານປະເທດ ຄິວບາ ທ່ານ ຣາອູລ ແຄສໂຕຣ ຢືນຢູ່ຄຽງຂ້າງ ເມື່ອຕອນທີ່ພະສັນຕະປາປາ ຊົງເດີນທາງໄປເຖິງ ສະໜາມບິນ ໃນນະຄອນຫຼວງຮາວານາ, ວັນທີ 19 ກັນຍາ 2015.

ສະມາຊິກຂັ້ນນຳຂອງໂບດໃນຄິວບາ ຫອມມືຂອງພະສັນຕະປາປາ ໃນຂະນະທີ່ ປະທານປະເທດ ຄິວບາ ທ່ານ ຣາອູລ ແຄສໂຕຣ ຢືນຢູ່ຄຽງຂ້າງ ເມື່ອຕອນທີ່ພະສັນຕະປາປາ ຊົງເດີນທາງໄປເຖິງ ສະໜາມບິນ ໃນນະຄອນຫຼວງຮາວານາ, ວັນທີ 19 ກັນຍາ 2015.

ພະ​ສັນຕະປາປາ Francis ​ໄດ້​ຊົງ​ປະພາດ​ ນະຄອນຫລວງ
ຮາ​ວາ​ນາ ​ແລ້ວ ຊຶ່ງ​ເປັນ​ການ​ເລີ້ມ​ຕົ້ນຂອງການ​ເດີນທາງໄລຍະ
10 ມື້ ທີ່​ເປັນ​ປະຫວັດສາດ ໄປ​ຍັງ​ປະ​ເທດ​ຄິວ​ບາ ​ແລະມາ​ຍັງ
ສະຫະລັດ ທີ່ໄດ້​ຖືກ ສັນລະ​ເສີນວ່າ​ ເປັນ​ການ​ຜ່ອນຄາຍ​
ຄວາມ​ເຄັ່ງ​ຕຶງ​ ລະຫວ່າງ ສອງ​ປະ​ເທດເພື່ອນ​ບ້ານ ທີ່​ເປັນ​ຄູ່
​ປໍ​ລະ​ປັກກັນນັ້ນ ​ໃຫ້​ກາຍ​ເປັນ “​ແບບຢ່າງ​ຂອງ​ການຄືນ​ດີ​
ກັນ ສຳ​ຫລັບ​ໂລກ​ທັງ​ມວນ ທີ່​ຈະ​ເຮັດ​ໃຫ້​ພວກ​ເຮົາມີ​
ຄວາມ​ຫວັງ.”

ພະ​ສັນຕະປາປາ Francis ​ໄດ້​ຊົງເອີ້ນວ່າ​ເປັນສາຍ​ພົວພັນ
ທີ່ຜ່ອນຄາຍ​ ​ຄວາມ​ເຄັ່ງ​ຕຶງ​ລົງລະຫວ່າງສອງ​ປະ​ເທດ ທີ່
Vatican ໄດ້ມີບົດບາດ​ອັນສຳຄັນ “ອັນ​ເປັນ​ສັນຍານແຫ່ງ ໄຊຊະນະດ້ານວັດທະນະທຳ ​ໃນ​ການ​ເຈລະຈາ​ແລະ​ປຶກສາ​ຫາລືກັນ.”

ພາບມຸມນຶ່ງຂອງຈັດຕຸລັດ ປະຕິວັດ ບ່ອນທີ່ ພະສັນຕະປາປາ Francis ຈະຊົງທຳພິທີສວດມົນພາວະນາ ໃນນະຄອນຫຼວງ ຮາວານາ ຂອງຄິວບາ, ວັນທີ 18 ກັນຍາ 2015.

ພາບມຸມນຶ່ງຂອງຈັດຕຸລັດ ປະຕິວັດ ບ່ອນທີ່ ພະສັນຕະປາປາ Francis ຈະຊົງທຳພິທີສວດມົນພາວະນາ ໃນນະຄອນຫຼວງ ຮາວານາ ຂອງຄິວບາ, ວັນທີ 18 ກັນຍາ 2015.

​ພະ​ສັນຕະປາປາ ຈະ​ຊົງ​ທຳ​ພິທີ​ສວດ​ມົນພາວະນາ ​ຢູ່ໃນ​ເຂດຈັດ​ຕຸ​ລັດ​ປະຕິວັດ ທີ່​ຍາວ​ຢຽດຂອງ​ນະຄອນ ຮາ​ວາ​ນາ​ໃນ​ວັນ​ອາທິດ​ມື້​ນີ້ ກ່ອນ​ໜ້າ ທີ່​ຈະ​ພົບ​ປະ​ກັບ​ປະທານປະ​ເທດ ຄິວ​ບາ ທ່ານ Raul Castro ​ເປັນ​ສ່ວນ​ຕົວ. ພະ​ອົງ ຍັງ​ຄົງຈະ​ປະພາດ​ ​ເມືອງ Hoguin ​ແລະ Satiago ​ໃນ​ລະຫວ່າງ ການ​ຢ້ຽມຢາມຄິວ​ບາ ​ໄລຍະ 3 ມື້ ພ້ອມ​ດ້ວຍ ​ແຜນການ​ທີ່​ຈະ​ຈັດ​ພິທີສວດ​ມົນ​ພາວະນາ ​ແລະ ພົບ​ປະ​ກັບ ຄຸນ​ພໍ່​ແຄ​ໂທ​ລິກ ຂອງທັງ​ສອງ​ເມືອງດັ່ງກ່າວ​ນັ້ນ ກ່ອນ​ທີ່​ຈະ​ຊົງ​ມາປະ​ພາດ​ນະຄອນ​ຫລວງ​ວໍ​ຊິງ​ຕັນ​ຕໍ່​ໄປ.

ພະ​ ສັນຕະປາປາ ​ໄດ້ຮັບ​ການ​ຕ້ອນຮັບ​ ຢູ່​ທີ່​ສະໜາມ​ບິນ ​ໂດຍ​ປະທານ​ປະ​ເທດ​ຄິວ​ບາ ຜູ້​ທີ່​ໄດ້​ກ່າວ​ໃນຖະ​ແຫລ​ງການຍິນ​ດີ​ຕ້ອນຮັບ ທີ່​ໃຫ້ການ​ຮັບປະກັນຕໍ່ ພະ​ສັນຕະປາປາ ວ່າ ສິດ​ເສລີ​ໃນ​ການ​ນັບຖື​ສາ​ສະໜາ ​ແມ່ນ “​ໄດ້​ຖືກ​ເຮັດ​ໃຫ້ເປັນ​ທີ່ສັກສິດ ​ໃນ​ລັດຖະທຳ​ມະນູນ​ຂອງ​ຄິວ​ບາ.”

ພວກພະນັກງານ ກຳລັງຕົບແຕ່ງ ເທື່ອສຸດທ້າຍ ເວທີແຫ່ງນຶ່ງ ຢູ່ໃກ້ໆ ໂບດຂອງນະຄອນຫລວງຮາວານາ ທີ່ຈະເປັນບ່ອນນຳໃຊ້ ໃນລະຫວ່າງການຢ້ຽມຢາມ ຂອງພະສັນຕະປາປາ Francis ໃນຄິວບາ, ວັນທີ 17 ກັນຍາ 2015.

ພວກພະນັກງານ ກຳລັງຕົບແຕ່ງ ເທື່ອສຸດທ້າຍ ເວທີແຫ່ງນຶ່ງ ຢູ່ໃກ້ໆ ໂບດຂອງນະຄອນຫລວງຮາວານາ ທີ່ຈະເປັນບ່ອນນຳໃຊ້ ໃນລະຫວ່າງການຢ້ຽມຢາມ ຂອງພະສັນຕະປາປາ Francis ໃນຄິວບາ, ວັນທີ 17 ກັນຍາ 2015.

ໃນການ​ກ່າວ​ປາ​ໄສຍາວ 15 ນາທີ ທີ່​ກາຍໄປເປັນ​ເລື້ອງການ​ເມືອງຢ່າງ​ວ່ອງ​ໄວ ທ່ານ Castro ​ໄດ້​ຮຽກຮ້ອງອີກ ​ໃຫ້ສະຫະລັດ ຍຸດຕິ​ການ​ຫ້າມ​ສົ່ງ​ສິນຄ້າຂອງ​ຕົນ ຕໍ່​ປະ​ເທດ​ເກາະນັ້ນ ຊຶ່ງ​ທ່ານໄດ້ເອີ້ນ​ມັນວ່າ “​ໂຫດ​ຮ້າຍ ຂາດ​ສິນ​ທຳ ​ແລະ ຜິດ​ກົດໝາຍ” ​ແລະ ​ໃຫ້​ສົ່ງ​ຄືນ​ຖານ​ທັບ​ກອງທັບ​ເຮືອ Guantanamo.

​ເອກ​ອັກຄະ​ລັດຖະທູດ ສະຫະລັດ ປະຈຳ​ອົງການ​ສະຫະ​ປະຊາ​ຊາດ ​ໄດ້​ຕອບ​ໂຕ້​ຄືນ​ຜ່າ​ນທາງ tweeter ທີ່​ຕຳ​ນິຕິ​ຕຽນ ​ບັນດາເຈົ້າໜ້າ​ທີ່​ຄິວ​ບາ ກ່ຽວ​ກັບ​ເລື້ອງການ​ລາຍ​ງານ​ ຂອງ​ການ​ຈັບ​ກຸມ​ຄຸມ​ຂັງຕ່າງໆ ກ່ອນ​ໜ້າການ​ເດີນທາງ​ໄປ​ຢ້ຽມຢາມ​ຂອງ​ພະ​ສັນຕະປາປາ Francis ນັ້ນ.

ແມ່ຍິງຄົນນຶ່ງ ພວມອ່ານໜັງສືພິມ 'Tribuna de la Habana' ຢູ່ໃນພາກກາງຂອງນະຄອນຫຼວງ ຮາວານາ ມື້ນຶ່ງ ກ່ອນໜ້າ ການເດີນທາງໄປຢ້ຽມຢາມ ຄິວບາ ຂອງພະສັນຕະປາປາ Francis, ວັນທີ 18 ກັນຍາ 2015.

ແມ່ຍິງຄົນນຶ່ງ ພວມອ່ານໜັງສືພິມ 'Tribuna de la Habana' ຢູ່ໃນພາກກາງຂອງນະຄອນຫຼວງ ຮາວານາ ມື້ນຶ່ງ ກ່ອນໜ້າ ການເດີນທາງໄປຢ້ຽມຢາມ ຄິວບາ ຂອງພະສັນຕະປາປາ Francis, ວັນທີ 18 ກັນຍາ 2015.

​ເອກ ອັກຄະ​ລັດຖະທູດ Samantha Power ​ໄດ້​ຂຽນຂໍ້ຄວາມ​ຜ່ານ​ທາງທະວີ​ດ​ເຕີ້ ວ່າ
ບັນດາ​ນັກ​ເຄື່ອນ​ໄຫວ ​ເພື່ອ​ສິດທິ​ມະນຸດ “​ແລະ ​ແມ່ນ​ກະ​ທັງ​ພວກ​ອະນາຖາ ​ໄດ້​ມີ​ລາຍ​ງານ​ວ່າ ​ໄດ້ຖືກຄຸມ​ຂັງ. ກ່ອນ​ໜ້າ ການ​ຢ້ຽມຢາມ​ໝາຍ​ເນັ້ນ​ໃສ່​ຄື @Pontifex visit ຊຶ່ງ​ເຮັດ​ໃຫ້​ທຸລະ​ກິດ​ຊຸດ​ໂຊມ​ຕາມ​ເຄີຍ ສຳ​ຫລັບ ຫົວ​ຂໍ້ ຫຼື #Cuba Government.”

ກຸ່ມ​ຝ່າ​ຍຄ້ານ​ຕ່າງໆ ​ໄດ້​ລາຍ​ງານ​ວ່າ ມີ​ການ​ຈັບ​ກຸມ​ຄຸມ​ຂັງ ພວກ​ທີ່​ບໍ່​ເຫັນ​ດີ​ເຫັນ​ພ້ອມ​ກັບ​ລັດຖະບານ ເພີ້​ມຂຶ້ນ. ລັດຖະບານຂອງ ​ຄິວ​ບາ ບໍ່​ໄດ້​ໃຫ້​ຄຳ​ເຫັນ​ຕໍ່​ຂໍ້​ກ່າວ​ອ້າງ​ນັ້ນ.

ຕາຕະລາງການເດີນທາງຢ້ຽມຢາມ ສະຫະລັດ ຂອງພະສັນຕະປາປາ ລະຫວ່າງວັນທີ 22 - 27 ກັນຍາ 2015.

ຕາຕະລາງການເດີນທາງຢ້ຽມຢາມ ສະຫະລັດ ຂອງພະສັນຕະປາປາ ລະຫວ່າງວັນທີ 22 - 27 ກັນຍາ 2015.

ພະ​ສັນຕະປາປາ Francis ຊົງ​ຈະ​ໄດ້​ຮັບ​ການ​ຕ້ອນຮັບ ​ແບບ​ເປັນ​ຄື​ກັບ​ວິລະ​ບູລຸດຕໍ່​ຊາວຄິວ​ບາ ຜູ້​ທີ່ພວກ​ເຂົາເຊື່ອ​ຖື​ວ່າ ​ໄດ້​ຊ່ວຍ​ເຮັດ​ໃຫ້ມີ​ການ​ຟື້ນ​ຟູ​ສາຍສຳພັນ​ທາງ​ການ​ທູດ​ຄືນ ລະຫວ່າງ ສະຫະລັດ ​ແລະ ຄິວ​ບາ. ພະ​ອົງ ​ແລະ ບັນດາ​ເຈົ້າໜ້າ​ທີ່ Vatican ​ໄດ້​ອຳ​ນວຍ​ຄວາມ​ສະ​ດວກ​ເປັນ​ເວລາຫຼາຍ​ເດືອນ ສຳ​ຫລັບ​ການ​ເຈລະຈາ​ແບບປິດ​ລັບ ລະຫວ່າງ​ຮາ​ວານາ ​ແລະ ວໍ​ຊິງ​ຕັນ ​ໃນ​ປີ 2014 ທີ່​ໄດ້​ສິ້ນ​ສຸດລົງດ້ວຍ ການ​ປະ​ກາດ ທີ່​ເປັນ​ປະຫວັດສາດ ​ໂດຍ​ທ່ານ Castro ​ແລະ ປະທານາທິບໍດີ​ສະຫະລັດ ທ່ານ ບາຣັກ ​ໂອ​ບາ​ມາ ທີ່​ທັງ​ສອງ​ປະ​ເທດ ​ໄດ້​ຕັດສິນ​ໃຈ ຈະ​ຟື້ນ​ຟູສາຍສຳພັນ​ທາງ​ດ້ານ​ການ​ທູດ​ຄືນ ​ເມື່ອ​ເດືອນ​ທັນວາ​ປີ​ກາຍ​ນີ້.

ສະແດງຄວາມເຫັນໃຫ້ເບິ່ງ

XS
SM
MD
LG