ລິ້ງ ສຳຫລັບເຂົ້າຫາ

ສັນຕະປາປາ ຟຣານຊີສ ຊົງກ່າວວ່າ ສັງຫານໝູ່​ຊາວ​ອາ​ເມ​ເນຍ​ ເມື່ອ 100 ປີກ່ອນ ເປັນ “ການ​ຂ້າ​ລ້າງດັບ​ສູນເຊື້ອ​ຊາດ​ເຜົ່າ​ພັນ” ​


ສັນຕະປາປາ Francis ຈັດພິທີ ຂີດໝາຍຄົບຮອບ 100 ປີ ຂອງການຂ້າລ້າງດັບສູນເຊື້ອຊາດເຜົ່າພັນ ຊາວອາເມເນຍ ທີ່ ໂບດ St. Peter's Basilica, ນະຄອນ Vatican, ວັນທີ 12 ເມສາ 2015.

ສັນຕະປາປາ Francis ຊົງ​ມີ​ຄວາມ​ເຫັນ ​ໃນ​ວັນຂີດ​ໝາຍ
​ຄົບຮອບ 100 ປີ ​ແຫ່ງ​ການ​ສັງຫານໝູ່​ຊາວ​ອາ​ເມ​ເນຍ​ ​ໂດຍ
​ໃຊ້​ຄຳ​ເວົ້າ “ການ​ຂ້າ​ລ້າງດັບ​ສູນເຊື້ອ​ຊາດ​ເຜົ່າ​ພັນ” ​ໃນ​
ລະຫວ່າງ​ການ​ທຳ​ພິທີ​ທາງ​ສາສະໜາ​ໃນ​ວັນ​ອາທິດ​ມື້​ນີ້ ຊຶ່ງ
ຄຳ​ເວົ້າ​ດັ່ງກ່າວ ມີ​ທາງ​ວ່າ ຈະ​ເຮັດ​ໃຫ້​ສາຍ​ພົວພັນ​ທາງ​ການ​
ທູດກັບ​ເທີ​ກີ ​ເຄັ່ງ​ຕຶງ​ຍິ່ງ​ຂຶ້ນ.

ສັນຕະປາປາ Francis ຊົງ​ກ່າວ ​ໃນ​ລະຫວ່າງ​ການປະກອບ​
ພິທີ​ທາງ​ສາສະໜາ​ທີ່​ໂບດ Saint Peter’s Basilica ວ່າ
ການ​ສັງຫານ​ຊາວ​ອາ​ເມ​ເນຍ ຈຳນວນ 1 ລ້ານ 5 ​ແສນ​ຄົນ​ ​
ໂດຍ​ຊາວ​ເທີ​ກອ໊ອດ​ໂຕ​ມັນ ໃນໄລຍະ​ເວລາ ປະມານ​ສົງຄາມ​
ໂລກ​ຄັ້ງ​ທີ​ໜຶ່ງນັ້ນ ໄດ້​ເປັນ​ “ການ​ຂ້າ​ລ້າງດັບ​ສູນເຊື້ອ​ຊາດ​ເຜົ່າ​ພັນ ຄັ້ງ​ທຳ​ອິດ​ຂອງ​ສັດຕະວັດ​ທີ 20.”

ພະ​ອົງ​ໄດ້​ຊົງ​ກ່າວ​ຕໍ່​ຜູ້​ຄົນ​ທີ່​ມາ​ຮ່ວມ​ໃນ​ພິທີ​ວ່າ” ການ​ປົກ​ປິດຫຼື ປະຕິ​ເສດ​ຕໍ່​ຄວາມ​ຊົ່ວ​ຮ້າຍ ​ແມ່ນຄື​ກັບ​ການ​ປ່ອຍ​ໃຫ້​ບາດແຜ ມີ​ເລືອດ​ໄຫລ​ອອກ​ມາ​ເລື້ອຍໆ ​ໂດຍ​ບໍ່​
ເອົາ​ຜ້າ​ຮຳມັນ​ໄວ້.”

​ເທີ​ກີ​ປະຕິ​ເສດ​ຢ່າງ​ໂມ​ໂຫ​ໂທ​ໂສ ​ວ່າ ການ​ຄາດ​ຕະກຳ​ໃນ​ຄັ້ງ​ນັ້ນ ບໍ່​ໄດ້​ເປັນ “ການ​ຂ້າ​
ລ້າງ
ດັບ​ສູນເຊື້ອ​ຊາດ​ເຜົ່າ​ພັນ” ​ໂດຍ​ກ່າວ​ວ່າ ​ໄດ້​ມີ​ການ​ເວົ້າ​ໂຍກ​ຂຶ້ນ ກ່ຽວ​ກັບຈຳນວນ
​ຜູ້​ເສຍ​ຊີວິດ​ ​ແລະ​ວ່າ​ພວກ​ທີ່ເສຍ​ຊີວິດແມ່ນ​ເປັນ​ພວກ​ທີ່​ໄດ້​ຮັບ​ເຄາະ​ຮ້າຍ​ ຈາກ​ສົງຄາມ
ກາງ​ເມືອງ ​ແລະ​ຄວາມ​ບໍ່​ສະຫງົບ.

ສັນຕະປາປາ John Paul ທີ​ສອງ​ແລະ​ພະ​ສັງຄະ​ລາດ​ຂອງອາ​ເມ​ເນຍ ​ໄດ້​ອອກ​ຖະ​ແຫຼ​ງ
ການ​ຮ່ວມ​ສະບັບ​ໜຶ່ງ ​ໃນ​ປີ 2000 ​ເອີ້ນ​ການ​ສັງຫານ​ ​ໝູ່ຊາວ​ອາ​ເມ​ເນຍ​ນັ້ນ ​ວ່າເປັນ
“ການຂ້າ​ລ້າງດັບ​ສູນເຊື້ອ​ຊາດ​ເຜົ່າ​ພັນ”​ ແຕ່​ໃນ​ວັນ​ອາທິດ​ມື້​ນີ້ ​ເປັນ​ເທື່ອ​ທຳ​ອິດ ທີ່​ຄຳ
​ສັບ​ນີ້ ​ໄດ້​ຖືກ​ນຳ​ມາ​ໃຊ້​ ​ໃນ​ລະຫວ່າງ​ການ​ທຳ​ພິທີ​ທາງ​ສາສະໜາ​ທີ່ Saint Peter’s Basilica.

XS
SM
MD
LG