ລິ້ງ ສຳຫລັບເຂົ້າຫາ

ປະຊາຊົນ ອາເມຣິກັນ ເຫັນດີນຳ ສະມາຊິກ ລັດຖະສະພາ 5 ເປີເຊັນ (ວີດີໂອ)


ການ​ສຳ​ຫຼວດຫາງ​ສຽງ​ປະຊາຊົນ​ເທື່ອ​ໃໝ່​ສະ​ແດງ​ໃຫ້​ເຫັນ​ວ່າ
ປະຊາຊົນ​ອາ​ເມ​ລິ​ກັນ​ໃນ​ຈຳນວນ​ຫຼາຍ​ຂຶ້ນ ​ຖິ້ມ​ໂທດ​ເລື້ອງ​ນີ້​
ໃສ່​ພວກ​ສະມາຊິກ​ສັງກັດ​ພັກ Republican ຫຼາຍ​ກວ່າ​ ​ພັກ
ເດ​ໂມ​ແຄຣັດ ​ໃນ​ຂະນະ​ດຽວ​ກັນ ຄວາມ​ນິຍົມ​ຂອງ​ປະຊາຊົນ
​ ຕໍ່​ພວກ​ສະມາຊິກລັດຖະ ​ສະພາ​ ແມ່ນ​ຢູ່​ໃນ​ລະດັບ​ຕ່ຳ​ຢ່າງ
​ໜ້າ​ຕົກ​ໃຈ.

ຜົນ​ຂອງ​ການ​ຢັ່ງ​ສຽງ​ປະຊາຊົນ ​ທີ່​ອົງການ​ຂ່າວ AP ​ແລະ GfK
​ເປີດ​ເຜີຍ​ໃຫ້​ຮູ້​ໃນ​ວັນ​ພຸດມື້​ນີ້ ສະ​ແດງ​ໃຫ້​ເຫັນ​ວ່າ ປະມານ 62 ​
ເປີ​ເຊັນ​ຂອງ​ຈຳນວນ​ປະຊາຊົນ​ຫຼາຍ​ກວ່າ 1 ພັນ​ຄົນທີ່​ຖືກ​ສຳ​
ຫຼວດ ກ່າວ​ວ່າ ພວກ​ສະມາຊິກ​ສັງກັດ​ພັກ Republican ຄວນ​
ຈະ​ຖືກ​ຕຳ​ໜິຕິຕຽນ​ສຳລັບ​ການ​ອັດ​ການ​ປະຕິບັດ​ງານ​ຂອງ​ລັດຖະບານ​ລົງ ຊຶ່ງ​ໄດ້​ເລີ້​ມມາ​
ຕັ້ງ​ແຕ່​ວັນ​ອັງຄານ​ແລ້ວ​ນີ້. ພວກ​ທີ່​ຖືກ​ສຳ​ຫຼວດປະມານ​ເຄິ່ງນຶ່ງ​ກ່າວ​ວ່າ ພວກ​ສະມາຊິກ​ສັງກັດ​ພັກເດ​ໂມ​ແຄຣັດ ຫຼື ປະທານາທິບໍດີ​ບາຣັກ ​ໂອ​ບາ​ມາ​ແຫ່ງ​ສະຫະລັດ ກໍ​ມີ​ສ່ວນ
​ຮັບຜິດຊອບ​ຫຼາຍເຊັ່ນ​ກັນ ​ໃນ​ການ​ອັດ​ການ​ປະຕິບັດ​ງານ​ຂອງ​ລັດຖະລານ​ລົງ​ນີ້.

ກາ​ນ​ເຫັນ​ດີເຫັນ​ພ້ອມ​ກ່ຽວ​ກັບ​ການ​ປະຕິບັດ​ງານ​ຂອງ​ພວກ​ສະມາຊິກ​ລັດຖະສະພາ​ແມ່ນ​ຫລຸດຕໍ່າ​ລົງ​ມາ​ເປັນ 5 ​ເປີ​ເຊັນ.

​ໃນ​ວັນ​ອັງຄານ​ວານ​ນີ້ ​ໃນ​ຂະນະ​ທີ່​ສະຫະລັດກຳລັງ​ປະ​ເຊີນ​ໜ້າ​ກັບ​ເສັ້ນ​ຕາຍ ​ເພື່ອເພີ້ມ
ເພດານ​ໜີ້​ສິນ ຫຼື​ບໍ່​ສາມາດ​ຊຳລະ​ໜີ້​ສິນ​ຂອງ​ຕົນ​ໄດ້ນັ້ນ ປະທານາທິບໍດີໂອ​ບາ​ມາໄດ້​ພະ ຍາຍາມ​ໃຫ້ຄວາມ​ໝັ້ນ​ໃຈ​ແກ່​ໂລກ​ວ່າ ສະຫະລັດໄດ້​ຊຳລະ​ໜີ້​ສິນ​ຂອງ​ຕົນ​ຢູ່ສະ​ເໝີມາ.

ທ່ານ​ໂອ​ບາ​ມາ​ ກ່າວ​ຕໍ່​ບັນດາ​ນັກ​ຂ່າວໃນ​ວັນ​ອັງຄານ​ວານ​ນີ້​ວ່າ ການ​ໃຫ້​ຄວາມ​ເຫັນ​ຕ່າງໆ​ຂອງລັດຖະສະພາ​ສະ​ແດງ​ໃຫ້​ເຫັນ​ວ່າ ຄວາມ​ລົ້ມ​ແຫຼວ​ໃນ​ການ​ຊຳລະ​ໜີ້​ສິນຂອງ​ຕົນ​ອາດ​ຈະ​ບໍ່​ສ້າງຄວາມ​ເສຍ​ຫາຍ​ ຕໍ່​ການ​ຟື້ນ​ໂຕ​ຄືນ​ຂອງ​ເສດຖະກິດ​ໂລກນັ້ນ ​ເຮັດ​ໃຫ້​ພວກ​ນັກ​ລົງທຶນ​ກັງວົນ​ໃຈ. ທ່ານ​ໂອ​ບາ​ມາ​ຮຽກຮ້ອງ​ໃຫ້​ສະພາ​ມີ​ການ​ລົງມະຕິ​ກັນ​ຢ່າງ​ຂາວ​ສະອາດ ​ເພື່ອ​ຍົກ​ເພດານໜີ້​ສິນຂອງ​ປະ​ເທດ ​ໂດຍ​ບໍ່​ໃຫ້​ເອົາ​ເລື້ອງ​ອື່ນ​ມາ​ຕິດ​ພັນ​ນຳ​ນັ້ນ.

ນອກ​ນັ້ນ​ ທ່ານ​ໂອ​ບາ​ມາ ຍັງ​ໄດ້​ຮຽກຮ້ອງ​ໃຫ້​ລັດຖະສະພາ ຮັບ​ຜ່ານ​ຮ່າງ​ຍັດຕິ ວ່າດ້ວຍ ການໃຊ້​ຈ່າຍທີ່​ບໍ່​ເອົາ​ເລື່ອງ​ອື່ນ​ມາ​ພົວພັນ​ນຳ ​ແລະ​ໃຫ້​ໄຂການ​ປະຕິບັດ​ງານ​ ຂອງ​ລັດຖະ ບານ​ຄືນ.

XS
SM
MD
LG