ລິ້ງ ສຳຫລັບເຂົ້າຫາ

ຕຳຫຼວດ 2 ຄົນ ແລະ ພວກຫົວຮຸນແຮງ 9 ຄົນ ເສຍຊີວິດ ໃນການໂຈມຕີ ກຸ່ມລັດອິສລາມ


ແຜນທີ່ ເມືອງ Diyarbakir ຂອງເທີກີ

ແຜນທີ່ ເມືອງ Diyarbakir ຂອງເທີກີ

ການຈູ່ໂຈມບັ້ນນຶ່ງ ຕໍ່ທີ່ໝັ້ນຂອງພວກລັດອິສລາມ ຢູ່ໃນພາກ
ຕາເວັນອອກສຽງໃຕ້ຂອງເທີກີ ໄດ້ເຮັດໃຫ້ເຈົ້າໜ້າທີ່ຕຳຫຼວດ
ເທີກີ 2 ຄົນ ແລະ ພວກຫົວຮຸນແຮງ 9 ຄົນ ເສຍຊີວິດ ໃນວັນ
ຈັນມື້ນີ້ ຂະນະທີ່ ທາງການເທີກີີໄດ້ພະຍາຍາມ ຕໍ່ສູ້ພວກຫົວ
ຮຸນແຮງຈັດ ທີ່ຕັ້ງຄ້າຍຢູ່ທົ່ວເຂດຊາຍແດນ ໃນຊີເຣຍ.

ການຍິງຕອບໂຕ້ກັນໃນວັນຈັນມື້ນີ້ ໄດ້ເກີດຂຶ້ນ ແມ່ນຢູ່ໃນເມືອງ
Diyarbaki ທີ່ມີຊາວເຄີດອາໄສຢູ່ເປັນສ່ວນໃຫຍ່ບ່ອນທີ່ຕຳຫຼວດ
ໄດ້ບຸກຈູ່ໂຈມເຮືອນຫຼາຍໆຫລັງ. ບັນດາເຈົ້າໜ້າທີ່ຮັກສາຄວາມ
ປອດໄພ ກ່າວວ່າ ຕຳຫຼວດ 4 ຄົນ ໄດ້ຮັບບາດເຈັບ ແລະ ພວກ
ຫົວຮຸນແຮງ 3 ຄົນ ຖືກຈັບຕົວໄດ້.

ບັນດາເຈົ້າໜ້າທີ່ເທີກີ ໄດ້ຖິ້ມໂທດໃສ່ ກຸ່ມພວກລັດອິສລາມ ສຳຫລັບການວາງລະເບີດ
ສະຫລະຊີບສອງບັ້ນ ໃນນະຄອນຫຼວງ ອັງກາຣາຂອງເທີກີ ເມື່ອຕົ້ນເດືອນນີ້ ທີ່ໄດ້ສັງຫານ
ຫຼາຍກວ່າ 100 ຄົນ.

ເທີກີ ກໍຍັງໄດ້ເປັນເຈົ້າພາບດູແລ ປະມານເຄິ່ງນຶ່ງຂອງຊາວອົບພະຍົບຊີເຣຍ ຈຳນວນ 4
ລ້ານຄົນ ຜູ້ທີ່ໄດ້ຈົດທະບຽນກັບອົງການສະຫະປະຊາຊາດ ຫຼັງຈາກທີ່ໄດ້ຫລົບໜີອອກ
ຈາກຊີເຣຍ. ຕົວເລກຈຳນວນ ຂອງຊາວຊີເຣຍ ຢູ່ໃນເທີກີ ໄດ້ເພີ້ມຂຶ້ນເປັນສອງເທົ່າ ຕັ້ງແຕ່
ຊ່ວງເວລາດຽວກັນ ເມື່ອປີກາຍນີ້ ຊຶ່ງບັນຫາຂັດແຍ້ງ ໄດ້ເພີ້ມພາລະ ແລະ ຄວາມເຄັ່ງຕຶງ
ໃຫ້ແກ່ ບັນດາປະເທດເພື່ອນບ້ານ.

ປະທານາທິບໍດີ ຊີເຣຍ ທ່ານ Bashar al-Assad, ກາງ, ພົບປະກັບ ກຸ່ມສະມາຊິກສະພາຂອງຣັດເຊຍ ແລະ ບັນດາເຈົ້າໜ້າທີ່ ຄະນະຜູ້ແທນ ຄົນອື່ນໆ ໃນນະຄອນຫຼວງ Damascuss, ວັນທີ 25 ຕຸລາ 2015.

ປະທານາທິບໍດີ ຊີເຣຍ ທ່ານ Bashar al-Assad, ກາງ, ພົບປະກັບ ກຸ່ມສະມາຊິກສະພາຂອງຣັດເຊຍ ແລະ ບັນດາເຈົ້າໜ້າທີ່ ຄະນະຜູ້ແທນ ຄົນອື່ນໆ ໃນນະຄອນຫຼວງ Damascuss, ວັນທີ 25 ຕຸລາ 2015.

ປະທານາທິບໍດີ ຊີເຣຍ ທ່ານ Bashar al-Assad ເມື່ອວັນອາທິດວານນີ້ ໄດ້ກ່າວຢ້ຳອີກ
ເທື່ອນຶ່ງ ວ່າຈຸດເພັ່ງເລັງຂອງຕົນ ແມ່ນເພື່ອກຳຈັດໄພຂົ່ມຂູ່ຂອງພວກກໍ່ການຮ້າຍ ໃນຊີເຣຍ
ໂດຍກ່າວວ່າ ຈະນຳໄປສູ່ ການແກ້ໄຂທາງດ້ານການເມືອງ ທີ່ປະຊາຊົນໃນປະເທດຂອງຕົນ
ຕ້ອງການ ແລະ ເພື່ອຢຸດຕິວິກິດການທີ່ໄດ້ເລີ້ມຕົ້ນຂຶ້ນຢູ່ທີ່ນັ້ນ ເມື່ອເດືອນມີນາ ປີ 2011.

ທ່ານ Assad ໄດ້ພົບປະກັບ ກຸ່ມສະມາຊິກສະພາຂອງຣັດເຊຍ ແລະ ບັນດາເຈົ້າໜ້າທີ່
ຄົນອື່ນໆ ໃນນະຄອນຫຼວງ Damascus ແລະອົງການຂ່າວ SANA ທາງການ ກ່າວວ່າ
ປະທານາທິບໍດີຊີເຣຍ ໄດ້ເນັ້ນວ່າ ຄັນເອົາກຸ່ມພວກກໍ່ການຮ້າຍອອກໄປໄດ້ ມັນອາດຈະ
ຮັກສາໄວ້ໄດ້ ຊຶ່ງອະທິປະໄຕຂອງຊີເຣຍ ແລະ ຜືນແຜ່ນດິນອັນຊອບທຳຂອງຕົນ.

ສະມາຊິກທ່ານນຶ່ງຂອງຄະນະຜູ້ແທນຈາກຣັດເຊຍ ທ່ານ Alexander Yushchenko
ໄດ້ຖ່າຍທອດຄຳເວົ້າຂອງທ່ານ Assad ທີ່ວ່າ ທ່ານພ້ອມທີ່ຈະມີສ່ວນຮ່ວມ ໃນການເລືອກ
ຕັ້ງປະທານາທິບໍດີໃໝ່ ພ້ອມກັນກັບ ຈັດຕັ້ງການປ່ອນບັດເລືອກເອົາສະມາຊິກສະພາ
ຖ້າວ່າ ມັນເປັນອັນທີ່ປະຊາຊົນຊີເຣຍຕ້ອງການ.

ກະຊວງການຕ່າງປະເທດຣັດເຊຍ ກ່າວໃນວັນອາທິດວານນີ້ ວ່າ ລັດຖະມົນຕີຕ່າງປະເທດ
ສະຫະລັດ ທ່ານ John Kerry ແລະ ລັດຖະມົນຕີຕ່າງປະເທດ ຣັດເຊຍ ທ່ານ Sergei
Lavrov ໄດ້ປຶກສາຫາລືຜ່ານທາງໂທລະສັບ ກ່ຽວກັບ “ຄວາມຄາດຫວັງຕ່າງໆ” ສຳຫລັບ
ການຕົກລົງກັນທາງດ້ານການເມືອງ ທີ່ໜູນຫຼັງໂດຍນາໆຊາດ ໃນຊີເຣຍ ທີ່ອາດກ່ຽວພັນກັບ
ທາງການຊີເຣຍ ແລະ “ຝ່າຍຄ້ານທີ່ຮັກຊາດ.”

XS
SM
MD
LG