ລິ້ງ ສຳຫລັບເຂົ້າຫາ

ມືປືນ ທີ່ສົງໄສຍິງ 3 ຄົນຕາຍ ຢູ່ຄລິນິກ ວາງແຜນຄອບຄົວ ເມືອງ Colorado Spring ຖືກຈັບ


ຕຳຫລວດໃສ່ກັບມື ຜູ້ຊາຍທີ່ຕ້ອງສົງໄສວ່າ ຍິງຢ່າງໜ້ອຍສາມຄົນ ຕາຍ ຢູ່ຄລິນິກວາງແຜນຄອບຄົວ ທີ່ເມືອງ Colorado Spring ລັດ Colorado ວັນທີ 28 ພະຈິກ, 2015.

ຕຳຫລວດໃສ່ກັບມື ຜູ້ຊາຍທີ່ຕ້ອງສົງໄສວ່າ ຍິງຢ່າງໜ້ອຍສາມຄົນ ຕາຍ ຢູ່ຄລິນິກວາງແຜນຄອບຄົວ ທີ່ເມືອງ Colorado Spring ລັດ Colorado ວັນທີ 28 ພະຈິກ, 2015.

ເຈົ້າ​ໜ້າ​ທີ່​ຕຳຫລວດ​ຄົນ​ໜຶ່ງ ​ແລະ​ພົນ​ລະ​ເຮືອນ​ສອງ​ຄົນ​ໄດ້​ເສຍ
​ຊີວິດ ​ໃນ​ວັນ​ສຸກ​ວານ​ນີ້ ລະຫວ່າງ​ການ​ຍິງ​ກັນ​ເປັນ​ເວລາ​ຫ້າ​ຊົ່ວ
​ໂມງ ກັບ​ມື​ປືນ ຢູ່​ທີ່​ຄລິ​ນິກວາງ​ແຜນ​ຄອບຄົວ ​ໃນເມືອງ Colo-
rado Spring ລັດ Colorado.

ຕຳຫລວດ​ກ່າວ​ວ່າ ​ເຂົາ​ເຈົ້າ​ໄດ້​ຈັບໂຕມື​ປືນ​ໄດ້​ແລ້ວ ທີ່​ລະບຸວ່າ​
​ແມ່ນທ້າວ Robert Lewis Dear ອາຍຸ 57 ປີ ​ແລະ​ບັດ​ນີ້​ຕຳ
ຫລວດກຳລັງ​ເຮັດ​ວຽກ ​ເພື່ອ​ໃຫ້​ເປັນ​ທີ່​ແນ່​ໃຈວ່າ ລາວ​ບໍ່​ໄດ້​
ປະລະ​ເບີດ​ໃດໆ​ໄວ້​ຢູ່​ໃນ​ບໍລິ​ເວນ​ດັ່ງກ່າວ.

ໂຄສົກ​ຕຳຫລວດ ຮ້ອຍ​ໂທ Catherine Buckley ກ່າວ​ວ່າ ໄດ້
​ມີ​ການ​ຍິງ​ກັນ​ຢ່າງ​ຫລວງຫລາຍແຕ່​ບໍ່​ມີ​ການ​ສົນທະນາ​ກັນ​ ຈົນ​ກວ່າວ່າ “ບັນ ດາ​ເຈົ້າ​ໜ້າ​
ທີ່​ຕຳຫລວດ ສາ​ມາດ​ຮ້ອງໃສ່​ຜູ້ກ່ຽວ ​ແລະ​ຂໍ​ຮ້ອງ ໃຫ້​ລາວ​ມອບ​ໂຕ” ຢູ່​ໃນ​ຕຶກອາຄານ.

ຜູ້ຍິງສອງຄົນ ໄດ້ຖືກກູ້ໄພອອກຈາກຕຶກ ບ່ອນທີ່ຍິງກັນ

ຜູ້ຍິງສອງຄົນ ໄດ້ຖືກກູ້ໄພອອກຈາກຕຶກ ບ່ອນທີ່ຍິງກັນ

ມີ​ການ​ລະບຸ​ວ່າ ເຈົ້າ​ໜ້າ​ທີ່​ຜູ້​ຖືກ​ຂ້າ​ຕາຍ ແມ່ນທ່ານ Garett Swasey ​ວ່າ​ ອາຍຸ 44 ປີ
​ເປັນສະມາຊິກກົມ​ຕຳຫລວດ​ປະຈຳມະຫາວິທະຍາ​ໄລ Colorado Spring ທີ່ໄດ້ກ່າວ​
ວ່າ ທ່ານ​ໄດ້ໄປ​ຍັງ​ບ່ອນ​ທີ່​ມີ​ການ​ຍິງກັນ ​ເພື່ອ​ສະໜັບ​ສະ​ໜູນ​ຕຳຫລວດປະຈຳ​ເມືອງ.
ພົນລະ​ເຮືອນ​ອີກ​ສອງ​ຄົນ​ໄດ້​ເສຍ​ຊີວິດ​ໃນ​ລະຫວ່າງການ​ປິ່ນປົວ. ອີກ​ເກົ້າ​ຄົນ​ຍັງ​ຢູ່​ໃນ
​ໂຮງໝໍ.

ຕຳຫລວດ​ຍັງ​ພະຍາ​ມຍາມ ເພື່ອໃຫ້​ເປັນ​ທີ່ແນ່​ໃຈວ່າ ຍັງບໍ່​ມີ​ຜູ້​ໃດ​ຕົກຄ້າງ​ຄາ​ຢູ່​ຂ້າງໃນ
ທີ່ຄລິ​ນິກວາງ​ແຜນ​ຄອບຄົວ ​ແລະ​ຕ້ອງການໆ​ປິ່ນປົວຢູ່ ​ແຕ່​ທາງຄລີ​ນິກ ທີ່​ຕັ້ງຢູ່​ໃນ​ເຂດ​
ພູ Rocky Mountains ​ ​ກ່າວ​ວ່າ ພະນັກງານ​ທັງ​ໝົດ ​ແລະ​ຜູ້​ມາ​ປິ່ນປົວ​ໄດ້​ອອກ​ມາ​ຢ່າງ
​ຄົບ​ຖ້ວນ​ແລ້ວ.

ສະແດງຄວາມເຫັນໃຫ້ເບິ່ງ

XS
SM
MD
LG