ລິ້ງ ສຳຫລັບເຂົ້າຫາ

15 ຄົນເສຍຊີວິດ ໃນອຸບັດເຫດ ລົດໄຟ ຕໍາກັນທີ່ໂປແລນ

  • ສິງ ບູຣົມມະວົງ

ອຸບັດເຫດລົດໄຟຕໍາກັນທີ່ເມືອງ Szczekociny, ໃນພາກໃຕ້ຂອງໂປແລນ.
ວັນທີ 4 ມີນາ 2012/

ອຸບັດເຫດລົດໄຟຕໍາກັນທີ່ເມືອງ Szczekociny, ໃນພາກໃຕ້ຂອງໂປແລນ. ວັນທີ 4 ມີນາ 2012/

ບັນດາ​ເຈົ້າ​ໜ້າ​ທີ່​ຮັບ​ມື​ກັບ​ໄພ​ສຸກ​ເສິນ​ກ່າວ​ວ່າ ລົດ​ໄຟ​ໂດຍສານ 2 ຂະ​ບວນ​ໄດ້​ແລ່ນ​ຕໍາ​ກັນ ກົງໆ​ທາງ​ຫົວ ​ເຮັດ​ໃຫ້​ພວກ​ຄົນ​ໂດຍສານ​ເສຍ​ຊີວິດ 15 ຄົນ​ ແລະ​ຮັບ​ບາດ​ເຈັບ​ຢ່າງໜ້ອຍ 54 ຄົນ.

ນາຍົກລັດຖະມົນຕີ Donald Tusk ​ເອີ້ນ​ອຸບັດ​ເຫດ​ນີ້​ວ່າ ​ເປັນ​ໄພພິບັດ​ລົດ​ໄຟ​ຕໍາ​ກັນ​ທີ່​ໜ້າ​ສະ​ລົດ​ໃຈ​ທີ່​ສຸດ​ໃນ​ປະວັດ​ສາດ​ຂອງ​ໂປ​ແລນ ​ໃນຫວ່າງ​ບໍ່​ເທົ່າ​ໃດ​ປີຜ່ານມາ​ນີ້ ຫລັງ​ຈາກ​ທ່ານ​ໄປ​ຢ້ຽມຢາມ​ເບິ່ງ​ບ່ອນເກີດເຫດ​ໃນ​ຕອນ​ເຊົ້າ​ວັນ​ອາທິດ​ມື້​ນີ້​ແລ້ວ.

ທາງ​ການ​ໂປ​ແລນ​ກ່າວ​ວ່າ ລົດ​ໄຟ​ສອງ​ຂະ​ບວນນີ້​ກໍາລັງແລ່ນ​ເຂົ້າ​ຫາກັນ ​ເທິງ​ລາງ​ລົດສາຍ
ດຽວກັນ​ໃນ​ແລງ​ວັນ​ເສົາວານ​ນີ້ ​ເວລາ​ອຸບັດຕິເຫດ​ເກີດ​ຂຶ້ນ​ໃນ​ເມືອງ Szczekociny ​ໃນ​
ພາກ​ໃຕ້​ຂອງ​ໂປ​ແລນ. ​ເວລາ​ນີ້ບັນດາ​ເຈົ້າ​ໜ້າ​ທີ່​ກໍາລັງ​ທໍາ​ການ​ສືບສວນ​ຫາ​ສາເຫດ​ວ່າ
ເປັນ​ແນວ​ໃດລົດ​ໄຟສອງຂະ​ບວນນີ້ ​ຈຶ່ງໄດ້​ມາແລ່ນຢູ່​ໃນ​ລາງ​ດຽວ​ກັນ.

XS
SM
MD
LG