ລິ້ງ ສຳຫລັບເຂົ້າຫາ

ບັນຫາການລັກລອບ ຄວາມຄິດຜູ້ອື່ນ ຢູ່ໃນລະບົບ ການສຶກສາ ເກົາຫລີໃຕ້ (ວີດີໂອຮຽນພາສາອັງກິດ)

  • ດຣ. ສິມມາລາ

ອັນ​ດັບ​ຕໍ່​ໄປ ​ເຮົາ​ຂໍ​ສະ​ເໜີສາລະຄະດີການສຶກສາ ຂອງພະ​ແນ​ກພາສາ​ອັງກິດ​ພິ​ເສດ ຫລື Special English ຂອງວີໂອເອ ກ່ຽວກັບການລັກລອບກ່າຍ​ເອົາຄວາມຄິດ ຫລື​ບົດ​ຂຽນ ​ຂອງຜູ້ອື່ນ ມາ​ໃສ່​ໃນ​ລາຍ​ງານ​ຂອງ​ຕົນ ຊຶ່ງ​ເປັນ​ບັນຫາ​ທີ່​ແຜ່​ຫລາຍ ຢູ່ໃນລະບົບການສຶກ ສາຂອງເກົາຫລີໃຕ້.

ລະບົບການສຶກສາຂອງເກົາຫລີໃຕ້ ແມ່ນໄດ້ຮັບຄວາມເຊື່ອຖື
ຢ່າງສູງ ຫາກແຕ່ມີຄວາມເປັນຫ່ວງກັນວ່າ ຄວາມບໍ່ຊື່ສັດ ຫລື
ສໍ້​ໂກງໃນດ້ານການສຶກສາອາດສາມາດທໍາລາຍພາບພົດຂອງ
ປະເທດນີ້ ຢູ່ໃນເວທີສາກົນ​ໄດ້. ເລື້ອງທຸດຈະລິດທີ່ວ່ານີ້ ລວມມີ
ກໍລະນີປອມແປງການຄົ້ນຄວ້າຕ່າງໆ. ແລະໃນໄລຍະບໍ່ຫລາຍ
ເດືອນຜ່ານມານີ້ ກໍມີສະມາຊິກສະພາຜູ້ແທນ​ເກົາຫລີ​ໃຕ້ສອງຄົນ
ຖືກກ່າວຫາວ່າ ພວກທ່ານກ່າຍເອົາການຄົ້ນຄວ້າຂອງຜູ້ອື່ນ ໃນ
ເວລາທີ່ພວກທ່ານເຮັດບົດວິທະຍານິພົນຂອງຕົນນັ້ນ.
ທ່ານ ປານ ສະມິທ (Pal Schmitt), ປະທານາທິບໍດີຂອງຮົງກາລີ ທີ່ລາອອກຈາກຕໍາແໜ່ງໃນເດືອນເມສາທີ່ຜ່ານມາ ພາຍຫລັງທີ່ມະຫາ ວິທະຍາໄລແຫ່ງນຶ່ງຂອງຮົງກາລີໄດ້ຖອນປລິນຍາເອກຂອງທ່ານຄືນ
ທ່ານ ປານ ສະມິທ (Pal Schmitt), ປະທານາທິບໍດີຂອງຮົງກາລີ ທີ່ລາອອກຈາກຕໍາແໜ່ງໃນເດືອນເມສາທີ່ຜ່ານມາ ພາຍຫລັງທີ່ມະຫາ ວິທະຍາໄລແຫ່ງນຶ່ງຂອງຮົງກາລີໄດ້ຖອນປລິນຍາເອກຂອງທ່ານຄືນ


ແນ່ນອນ ບັນຫາຄືແນວນີ້ບໍ່ແມ່ນມີແຕ່ຢູ່ເກົາຫລີໃຕ້ເທົ່ານັ້ນດອກ.
ໃນເດືອນເມສາທີ່ຜ່ານມາ ປະທານາທິບໍດີຂອງຮົງກາລີ ທ່ານ
ປານ ສະມິທ (Pal Schmitt) ກໍໄດ້ລາອອກຈາກຕໍາແໜ່ງ ພາຍ
ຫລັງທີ່ມະຫາວິທະຍາໄລແຫ່ງນຶ່ງຂອງຮົງກາລີ ໄດ້ຖອນປລິນຍາ
ເອກຂອງທ່ານຄືນ. ຄະນະກໍາມະການສືບສວນໄດ້ພົບວ່າ ສ່ວນ​
ໃຫຍ່ຂອງບົດວິທະຍານິພົນຂອງທ່ານ ສະມິທ ກ່ຽວກັບກິລາໂອ
ລິມປິກ​ໃນ​ຢຸກສະໄໝ​ໃໝ່​ “ແມ່ນວ່າ ໄດ້ແປອອກ​ມາໂດຍກົງຈາກ
ບົດຂຽນຂອງຜູ້ອື່ນ ຫລື​ມີ​ຄວາມ​ຄ້າຍຄື​ກັນ​ເປັນບາງສ່ວນ ກັບບົດ
ຄົ້ນຄວ້າຂອງຜູ້ອື່ນ.”

ທ້າວ ຄີມ ທີ່ຂໍໃຫ້ເວົ້າແຕ່ນາມສະກຸນຂອງລາວ ເປັນນັກສຶກສາ
ລະດັບ​ປະລິນຍາ​ໂທ​ແລະເອກ ທີ່ມະຫາວິທະຍາໄລເກົາຫລີ ຫລື
Korea University ເວົ້າວ່າ ຊາວເກົາຫລີອາດບໍ່ມີຄວາມເຂົ້າ
ໃຈດີ ທີ່ມີພື້ນຖານທີ່ແໜ້ນແກ່ນ ກ່ຽວກັບການລັກລອບກ່າຍ​ເອົາ
ຄວາມຄິດຂອງຜູ້ອື່ນ. ລາວເຄີຍໄປຮຽນຢູ່ສະຫະລັດແລະເວົ້າ
ວ່າ ​ ເບິ່ງ​ຄື​ວ່າຊາວອາເມຣິກັນຈະເຂົ້າໃຈໂລດວ່າ ການອ້າງເອົາ
ຜົນງານການຂຽນຂອງຜູ້ອື່ນມາເປັນຂອງຕົນນັ້ນ ແມ່ນຜິດ.

ທ້າວກິມເວົ້າວ່າ: “ຢູ່ເກົາຫລີ, ປະຫວັດການເອົາໃຈໃສ່ເລື້ອງນີ້ ອາດຍັງບໍ່ທັນຍາວນານ
ປານໃດ. ສະນັ້ນ ໂດຍລວມແລ້ວ ຈຶ່ງຍັງບໍ່ທັນມີຄວາມເປັນເອກະສັນກັນຢ່າງກວ້າງຂວາງ
ໃນບັນດາ​ຊາວເກົາຫລີດ້ວຍກັນຕໍ່ຄໍາວ່າ ການລັກລອບຄວາມຄິດຜູ້ອື່ນນັ້ນ ໝາຍຄວາມວ່າ
ຈັ່ງໃດແທ້. ການຮຽນແບບຄວາມຄິດຜູ້ອື່ນ​ໃນ​ລະດັບໃດຈຶ່ງຖືວ່າເປັນການລັກລອບຄວາມ
ຄິດຜູ້ອື່ນ ແລະການລັກລອບຄວາມຄິດຜູ້ອື່ນເປັນການຍອມຮັບກັນໄດ້ ຫລືບໍ່.”

ຜູ້ສື່ຂ່າວຂອງວີໂອເອ ໄດ້ຖາມລັດຖະມົນຕີກະຊວງສຶກສາຂອງເກົາຫລີ​ໃຕ້ ທ່ານ ລີ ຈູ-ໂຮ
(Lee Juho) ວ່າ ທ່ານຖື​ວ່າບັນຫາການລັກລອບຄວາມ ຄິດຜູ້ອື່ນນີ້ ​ເປັນ​ເລື້ອງສໍາຄັນ
ຫລາຍປານໃດ? ທ່ານລີ ຕອບວ່າ ບັນຫານີ້ບໍ່ຄ່ອຍມີຫລາຍເທົ່າກັບເມື່ອກ່ອນ. ທ່ານ
ກ່າວອີກວ່າ ເຫດການ​ແບບນີ້ແມ່ນໄດ້ຮັບຄວາມ​ສົນ​ໃຈຫລາຍ ​ເມື່ອເຈັດ-ແປດປີກ່ອນ. ແຕ່ທ່ານກໍເວົ້າວ່າ ບັນຫາດັ່ງກ່າວສ່ວນຫລາຍແລ້ວແມ່ນ​ເຫືອດຫາຍໄປ ນັບແຕ່ນັ້ນມາ ຍ້ອນວ່າໄດ້ມີການຕື່ນຕົວ ແລະການອົບຮົມກັນຫລາຍຂຶ້ນ. ແຕ່ຢ່າງໃດກໍຕາມ ທ່ານ
ລັດຖະມົນຕີກະຊວງສຶກສາເວົ້າວ່າ ທ່ານຢາກຈະດໍາເນີນຄວາມພະຍາຍາມຫລາຍ
ຂຶ້ນ ​ເຂົ້າ​ໃສ່ການກໍາຈັດບັນຫາການລັກລອບຄວາມຄິດຜູ້ອື່ນນີ້ ໃຫ້ໝົດໄປ.

ພໍ່ແມ່ຊາວເກົາຫລີໃຕ້ ໄປໄຫວ້ວອນອາທິຖານໃຫ້ລູກຂອງຕົນ ຜ່ານການສອບເສັງໃນມະຫາວິທະຍາໄລ
ພໍ່ແມ່ຊາວເກົາຫລີໃຕ້ ໄປໄຫວ້ວອນອາທິຖານໃຫ້ລູກຂອງຕົນ ຜ່ານການສອບເສັງໃນມະຫາວິທະຍາໄລ

ທ້າວຄີມ ນັກສຶກສາຂັ້ນເໜືອປລິນຍາຕີເວົ້າວ່າ ການດໍາເນີນ
ຄວາມພະຍາຍາມໃນປັດຈຸບັນ ໃນການອົບຮົມ​ພວກນັກສຶກສາ
ມະຫາວິທະຍາໄລຕ່າງໆ ກ່ຽວກັບບັນຫາການ ລັກລອບຄວາມ
ຄິດຜູ້ອື່ນນີ້ແມ່ນບໍ່ຄ່ອຍ​ໄດ້ຜົນປານໃດ.

ທ້າວຄີມເວົ້າວ່າ: “ມະຫາວິທະຍາໄລເກົາຫລີທັງຫລາຍ
ປົກກະຕິຈະມີຢ່າງໜ້ອຍຫ້ອງນຶ່ງ ຫລືການສໍາມະນາແບບ
ໃດແບບນຶ່ງ ໃນໄລຍະເລີ້ມຕົ້ນພາກຮຽນ ທີ່ເວົ້າກ່ຽວກັບ
ບັນຫາການລັກລອບຄວາມຄິດຜູ້ອື່ນນີ້. ແຕ່ວ່າ ຕາມທີ່
ຂ້ອຍຮູ້ນັ້ນ ການເຂົ້າໄປຮຽນເລື້ອງນີ້ ແມ່ນຕາມໃຈນັກຮຽນວ່າ ຈະ​ເລືອກຮຽນ
ຫລືບໍ່? ສະນັ້ນ ຈຶ່ງມີຫລາຍຄົນ ທີ່ບໍ່ໄປຮັບການສໍາມະນາໃນເລື້ອງນີ້​ເລີຍ.”

ລາວເວົ້າວ່າ ພວກອາຈານຊາວອັງກິດ ແລະອາເມຣິກັນ ທີ່ສອນໃນມະຫາວິທະຍາ
ໄລຕ່າງໆຂອງເກົາຫລີ​ໃຕ້ ໄດ້ພາກັນຊ່ວຍໃນການຕໍ່ຕ້ານກັບບັນຫາການລັກລອບ ຄວາມຄິດຜູ້ອື່ນນີ້.

ທ້າວຄີມເວົ້າວ່າ: “ມີອາຈານຜູ້ນຶ່ງໃນມະຫາວິທະຍາໄລຂ້ອຍພົບວ່ານັກຮຽນຜູ້ນຶ່ງ
ລັກລອບຄວາມຄິດຜູ້ອື່ນມາ​ໃສ່​ບົດ​ຂຽນ​ຂອງ​ຕົນ ເພິ່ນໃຫ້ຄະແນນສູນແກ່ນັກຮຽນ
ຜູ້ນັ້ນໃນທັນທີທັນໃດ​ໂລດ ແລະຂ້ອຍກໍໄດ້ຍິນເລື້ອງ ແນວນີ້ ເກີດຂຶ້ນຫລາຍກວ່າ
ເກົ່າ ໃນທຸກມື້ນີ້.”

ທ່ານລີ ອິນ-ແຈ ​ເປັນອາຈານສອນເລື້ອງຈັນຍາບັນໃນການສຶກສາ ທີ່ມະຫາວິທະຍາ ໄລສຶກສາ​ແຫ່ງ​ຊາດທີ່​ກຸງໂຊລ ເວົ້າວ່າ ການອົບຮົມດ້ານນີ້ ຄວນເລີ້ມມີມາແຕ່ຢູ່ໂຮງ ຮຽນປະຖົມ. ທ່ານກ່າວ​ອີກວ່າ ເດັກນ້ອຍຄວນເຂົ້າໃຈວ່າ ການກ່າຍເອົາການບ້ານ ຂອງເພື່ອນຮ່ວມຫ້ອງຮຽນຫລືບໍ່ບອກວ່າ ເອົາຄວາມຄິດມາແຕ່ໃສນັ້ນ ແມ່ນຜິດ.
ທ່ານເວົ້າວ່າ ຖ້າຫາກພວກເຂົາເຂົ້າໃຈແນວນີ້ແລ້ວ ພວກເຂົາກໍຈະສາມາດຂຽນ
ບົດຂຽນຢ່າງມີຄວາມຊື່ສັດ ໃນເວລາ​ໃຫຍ່​ຂຶ້ນ​ມາ.

ທ່ານ ໄມເກິລ ນີລ ຊາບປີໂຣ (Michael Neil Shapiro) ​ເປັນຊາວການາດາ ທີ່ສອນຢູ່
ໃນມະຫາວິທະຍາໄລເກົາຫລີໃຕ້ 7 ແຫ່ງ

ລາວ​ເວົ້າ​ວ່າ: “ຢູ່ເກົາຫລີ ມີທັງເຫດຜົນ​ເກົ່າ​ແກ່ແລະທັນສະໄໝ ທີ່ພາໃຫ້ ຄົນຄິດກັນວ່າ ການໃຊ້ຄວາມຄິດຜູ້ອື່ນ ໂດຍທີ່ບໍ່ໄດ້ໃຫ້ເຄຣດິດ ຫລືບອກ ວ່າເອົາຄວາມຄິດນັ້ນມາຈາກ
ເບິ່ງວີດິໂອເລື້ອງນີ້ ແລະຮຽນພາສາອັງກິດໄປພ້ອມ

ໃສນັ້ນ ແມ່ນເປັນເລື້ອງທໍາມະດາ.” ແຕ່ທ່ານກ່າວ​ຕື່ມ​ວ່າ ບໍ່ວ່າຄົນຕາເວັນອອກ ຫລື ຕາ
ເວັນຕົກ ເຫດຜົນທີ່ພາໃຫ້ຄົນລັກລອບຄວາມຄິດຜູ້ອື່ນນັ້ນ ແມ່ນຄືກັນ ຊຶ່ງນັ້ນກໍຄື “ຄວາມ
ຂີ້ຄ້ານ​ໃນ​ການໃຊ້ຄວາມຄິດ”
ແລ້ວກໍຫວັງວ່າ ຈະບໍ່ຖືກຈັບໄດ້.

ແລະນັ້ນກໍຄືລາຍງານ Special English Education ຂອງວີໂອເອ,

XS
SM
MD
LG