ລິ້ງ ສຳຫລັບເຂົ້າຫາ

ນັກບິນເຮລິຄັອບເຕີ ຣັດເຊຍ 2 ຄົນ ເສຍຊີວິດ ຂະນະທີ່ ຖືກຍິງຕົກ ໃນຊີເຣຍ


ພວກຜູ້ຊາຍ ພາກັນຊອກຫາ ພວກລອດຊີວິດ ທີ່ຕິດຢູ່ພາຍ
ໃຕ້ກອງຊາກຫັກພັງຂອງອາຄານຫຼັງຈາກໄດ້ຮັບຄວາມເສຍ
ຫາຍ ຈາກການໂຈມຕີ ທາງອາກາດ ໃສ່ບໍລິເວນ Kadi Askar ຂອງເມືອງ Aleppo ບ່ອນທີ່ພວກກະບົດ ໄດ້ຍຶດເອົາໃນຊີເຣຍ,
ວັນທີ 8 ກໍລະກົດ 2016.

ພວກຜູ້ຊາຍ ພາກັນຊອກຫາ ພວກລອດຊີວິດ ທີ່ຕິດຢູ່ພາຍ ໃຕ້ກອງຊາກຫັກພັງຂອງອາຄານຫຼັງຈາກໄດ້ຮັບຄວາມເສຍ ຫາຍ ຈາກການໂຈມຕີ ທາງອາກາດ ໃສ່ບໍລິເວນ Kadi Askar ຂອງເມືອງ Aleppo ບ່ອນທີ່ພວກກະບົດ ໄດ້ຍຶດເອົາໃນຊີເຣຍ, ວັນທີ 8 ກໍລະກົດ 2016.

ຣັດເຊຍ ກ່າວວ່າ ຄົນຂັບເຮືອບິນເຮລິຄັອບເຕີສູ້ຮົບຂອງຕົນ 2 ຄົນ ໄດ້ເສຍ ຊີວິດໃນພາກກາງແຂວງ Homs ຂອງປະເທດ ຊີເຣຍ ໃນຂະນະທີ່ເຮືອບິນ MI-25 ຂອງພວກເຂົາເຈົ້າໄດ້ຖືກຍິງຕົກ ຈາກພື້ນດິນໂດຍພວກລັດອິສລາມ ຫຼັງຈາກມັນໝົດລູກປືນ.

ອົງການຂ່າວລັດຖະບານຊື່ວ່າ Tass ລາຍງານວ່າ ການຍິງເຮືອ ບິນຕົກໄດ້ ເກີດຂຶ້ນ ໃນວັນສຸກທີ່ຜ່ານມາ ທາງພາກຕາເວັນອອກຂອງເມືອງ Palmyra, ຫຼັງຈາກກອງກຳລັງລັດຖະບານໄດ້ຂໍໃຫ້ບິນຊ່ອຍປ້ອງກັນທາງອາກາດ. ນອກນັ້ນອົງການຂ່າວ Tass ຍັງໄດ້ລາຍງານວ່າ ໜ່ວຍງານກຳລັງເສີມ ແມ່ນບໍ່ມີຢູ່ໃນຂົງເຂດດັ່ງກ່າວເພື່ອສົ່ງໄປສະຖານທີ່ນັ້ນ ໃນຂະນະທີ່ພວກ ນັກຮົບ IS ໄດ້ເຄື່ອນຍ້າຍເຂົ້າຫາກອງກຳລັງລັດຖະບານ.

ໃນທາງພາກເໜືອ, ນັກສິ້ງຊອມໄດ້ກ່າວວ່າ ການປະທະກັນຢ່າງດຸເດືອດ ໄດ້ເກີດຂຶ້ນເປັນ 2 ວັນຕິດຕໍ່ກັນໃນວັນເສົາວານນີ້ໃກ້ໆກັບເມືອງ Aleppo, ເຊິ່ງເປັນເມືອງທີ່ໃຫຍ່ທີ່ສຸດຂອງ ຊີເຣຍ, ບ່ອນທີ່ລັດຖະບານນະຄອນຫຼວງ Damascus ໄດ້ສັນຍາວ່າຈະຍືດເວລາຢຸດຍິງໄປຫາວັນຈັນ ເພື່ອເປັນກຽດ ໃຫ້ແກ່ການສິ້ນສຸດເດືອນສັກສິດ ຣາມາດານຂອງຊາວມຸສລິມ.

ອົງການສິ້ງຊອມສິດທິມະນຸດ ຊີເຣຍ ທີ່ມີຫ້ອງການຕັ້ງຢູ່ປະເທດອັງກິດ ກ່າວ ວ່າ ພວກກຸ່ມກະບົດທີ່ຕໍ່ສູ້ຄຽງບ່າຄຽງໄຫຼ່ ກັບພວກກຸ່ມແນວໜ້າ Nusra ທີ່ເປັນສະມາຊິກຂອງພວກ al-Qaida ໃນ ຊີເຣຍ, ໄດ້ເປີດການໂຈມຕີ ໂຕ້ຕອບ ໃນຕອນຄ່ຳຂອງວັນເສົາວານນີ້ ເພື່ອເປີດຄືນເສັ້ນທາງການຂົນສົ່ງ ທີ່ໄດ້ຖືກຍຶດໂດຍກອງກຳລັງລັດຖະບານ 2 ວັນກ່ອນໜ້ານັ້ນ. ບໍ່ມີລາຍງານ ກ່ຽວກັບ ການສູ້ຮົບກັນ ຫຼື ຜູ້ເສຍຊີວິດ ແລະ ບາດເຈັບແຕ່ຢ່າງໃດ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG