ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ເຈົ້າໜ້າທີ່ ທະຫານ ສະຫະລັດ ແລະ ຟິລິບປີນ ຫາລື ກ່ຽວກັບ ຄວາມເຄັ່ງຕຶງ ຢູ່ ທະເລຈີນໃຕ້


ຜູ້ບັນຊາການທະຫານສູງສຸດ ຟິລິບປີນ ນາຍພົນ Hernando Iriberri (ຂວາ) ແລະພົນເຮືອເອກ Harry Harris ຜູ້ບັນຊາການ ທະຫານ ເຂດປາຊິຟິກ ຂອງສະຫະລັດ.
ຜູ້ບັນຊາການທະຫານສູງສຸດ ຟິລິບປີນ ນາຍພົນ Hernando Iriberri (ຂວາ) ແລະພົນເຮືອເອກ Harry Harris ຜູ້ບັນຊາການ ທະຫານ ເຂດປາຊິຟິກ ຂອງສະຫະລັດ.

ບັນດາ​ເຈົ້າ​ໜ້າ​ທີ່ທະຫານ​ຂັ້ນ​ສູງ ຂອງສະຫະລັດ ແລະ​ຟິລິບ​ປີນ
ໄດ້​ພົບ​ປະກັນ​ທີ່ນະຄອນມະນີ​ລາ ​ໃນ​ຄວາມ​ພະຍາຍາມ​ເພື່ອ​ຈະ​
ຂະຫຍາຍ ຄວາມ​ສຳພັນ​ດ້ານ ປ້ອງ​ກັນ​ປະ​ເທດ ​ໃນ​ຂະນະ​ທີ່
ຄວາມ​ເຄັ່ງ​ຕຶງ ຫ້ອມລ້ອມ​ການ​ອ້າງ​ເອົາດິນ​ແດນ​ທີ່ເປັນບັນຫາ
ໂຕ້​ຖຽງ​ ໃນ​ທະ​ເລ​ຈີນ​ໃຕ້ ກຳລັງຊຸດ​ໂຊມ​ລົງ.

ຜູ້​ບັນຊາ​ການ​ທະຫານ​ສະຫະລັດໃນເຂດ​ປາຊິ​ຟິກ ພົນ​ເຮືອ​ເອກ
Harry Harris ​ໄດ້​ຖືກຕ້ອນຮັບ​ຢ່າງສົມກຽດທາງ​ທະ​ຫາ​ນ ​ໃນ​
ວັນ​ພຸດ​ມື້​ນີ້ ຢູ່​ທີ່ກອງ​ບັນຊາ​ການ​ ທະຫານ​ຟິລິບ​ປີນ.

ພົນເຮືອເອກ Harris ​ແລະ​ຄູ່​ຕຳ​ແໜ່​ງຝ່າຍຟິລິບ​ປີນ ນາຍ​ພົນ
Hernando Iriberri ​ໄດ້ຫາລືກັນກ່ຽວກັບ​ບັນຫາຄວາມ​ປອດ​ໄພ ຮວມທັງ​ທະ​ເລ​ຈີນ​ໃຕ້ ​ອີງ​ຕາມ​ໂຄສົກ​ກອງທັບ ຟິລິບປີນ ທ່ານ Restituto Padilla.

ທ່ານກ່າວວ່າ “ສິ່ງທີ່ໄດ້ເກີດ​ຂື້ນ​ລະຫວ່າງ​ການ​ສົນ​ທະນາ ​ແມ່ນການໂອ້ລົມກັນ ​ຢ່າງກົງ​ໄປ
​ກົງ​ມາ ​ແລະແລກ​ປ່ຽນ​ຄວາມຄິດຄວາມເຫັນຢ່າງຈິງໃຈ ກ່ຽວກັບ​ການ​ທ້າ​ທາຍດ້ານ​ຄວາມ
​ໝັ້ນຄົງຢູ່​ໃນ​ຂົງ​ເຂດ ອັນ​ເປັນ​ຜົນເນື່ອງ​ມາ​ຈາກ​ໄພ​ພິບັດທຳ​ມະ​ຊາດ ​ແລະ​ບັນຫາ​ທີ່​ພົວພັນ​
ກັບທະ​ເລ​ ທາງພາກ​ຕາ​ເວັນ​ຕົກ​ຂອງ ຟິລິບ​ປີນ ​ແລະ​ທະ​ເລ​ຈີນ​ໃຕ້”

ພົນ​ເຮືອ​ເອກ Harris ຍັງ​ໄດ້​ພົບ​ປະ​ກັບ​ບັນດາ​ຜູ້ນຳ​ຂັ້ນ​ສູງ​ຄົນອຶ່ນໆ ຮວມທັງ ປະທານາທິ
ບໍດີ Benigno Aquino ​ແລະ​ບັນດາ​ເຈົ້າໜ້າ​ທີ່​ປ້ອງ​ກັນ​ປະ​ເທດ​ຫລາຍໆທ່ານ.

ໜຶ່ງໃນການພົບປະນັ້ນ ລັດຖະມົນຕີ​ປ້ອງ​ກັນ​ປະ​ເທດຟີລິບປິນ ທ່ານ Voltaire Gazmin
​ໄດ້​ຮ້ອງ​ຂໍ​ໃຫ້​ເຮືອບິນລາດຕະ​ເວນກອງທັບອາກາດສະຫະລັດ ຊ່ວຍ ອາລັກຂາ​ ບັນດາ
ເຮືອບັນທຸກ ຢູ່ໃນເຂດທີ່ມີການຂັດແຍ້ງໃນທະ​ເລ​ຈີນໃຕ້ ອີງ​ຕາມອົງການຂ່າວເອພີ. ການ
​ຮ້ອງ​ຂໍ​ດັ່ງກ່າວ​ ຍັງບໍ່​ສາມາດ​ຢືນຢັນ​ໄດ້.​

XS
SM
MD
LG