ລິ້ງ ສຳຫລັບເຂົ້າຫາ

ຟິລິບປີນ ລະມັດລະວັງໃນການຕ້ານ ສະຫະລັດ ເລື້ອງສິດທິມະນຸດ


ລັດຖະມົນນຕີຕ່າງປະເທດ ຟິລິບປີນ ທ່ານ Perfecto Yasay, ຊ້າຍ, ຜູ້ຕາງໜ້າ ປະທານາທິບໍດີ ຟິລິບປີນ ທ່ານ Rodrigo Duterte, ທີ່ກອງປະຊຸມອາຊຽນສຸດຍອດ ທີ່ ນະຄອນຫລວງວຽງຈັນ ປະເທດລາວ.

ລັດຖະມົນນຕີຕ່າງປະເທດ ຟິລິບປີນ ທ່ານ Perfecto Yasay, ຊ້າຍ, ຜູ້ຕາງໜ້າ ປະທານາທິບໍດີ ຟິລິບປີນ ທ່ານ Rodrigo Duterte, ທີ່ກອງປະຊຸມອາຊຽນສຸດຍອດ ທີ່ ນະຄອນຫລວງວຽງຈັນ ປະເທດລາວ.

ຫົວໜ້າ​ນັກ​ການ​ທູດ​ຟີ​ລິບ​ປິນ​ ເຕືອນ​ສະຫະລັດ ​ບໍ່​ໃຫ້​ສັ່ງສອນ​ລັດຖະບານ​ຂອງ​ທ່ານ ​ກ່ຽວ​ກັບ​ເລື້ອງສິດທິ​ມະນຸດ ຊຶ່ງ​ໃນ​ທັນທີ​ຫຼັງຈາກ​ນັ້ນ​ ​ໂຄສົກ​ຂອງທຳນຽບຂາວ​ກໍຮຽກຮ້ອງ​ໃຫ້​ທຸກໆ​ປະ​ເທດ​ ໂດຍ​ສະ​ເພາະ​ປະ​ເທດ​ພັນທະ​ມິດ ​ໃຫ້ສົ່ງ​ເສີມສິດທິ​ມະນຸດ​ສາກົນ.

​ໃນ​ການຖ​ະ​ແຫຼງ ທີ່​ນະຄອນຫຼວງ​ວໍ​ຊິງຕັນ​ໃນ​ວັນ​ພະຫັດ​ວານ​ນີ້ ທ່ານ Perfecto Yasay ລັດຖະມຸນຕີ​ການ​ຕ່າງປະ​ເທດ​ຟີ​ລິບ​ປິນຮຽກຮ້ອງ​ໃຫ້​ເຄົ​າລົບ​ຊຶ່ງ​ກັນ​ແລະ ກັນ ລະຫວ່າງ​
ປະ​ເທດ​ຂອງ​ທ່ານ ​ແລະ​ສະຫະລັດ​ຊຶ່ງ​ຜູ້​ປົກຄອງ​ໃນ​ສະ​ໄໝ​ອານານິຄົມ ​ໂດຍ​ກ່າວ​ວ່າ
ຟີ​ລິບ​ປິນບໍ່​ແມ່ນ little brown brother ຊຶ່ງ​ເປັນ​ຄຳ​ສັບ​ທີ່ໝາຍ​ເຖິງ​ຄົນ​ຟີ​ລິບ​ປິນ​
ໃນ​ສະ​ໄໝ​ຫົວ​ເມືອງ​ຂຶ້ນ ຂອງ​ອາ​ເມຣິກາ​ອີກ​ຕໍ່​ໄປ​ແລ້ວ.

​ແຕ່​ແນວ​ໃດ​ກໍ​ຕາມ ທ່ານ Yasay ກໍ​ໃຫ້ການ​ຄ້ຳປະກັນ​ຕໍ່​ກຸ່ມ ທີ່​ສູນກາງ​ຍຸດ​ທະ​ສາດ​ແລະ​ການ​ສຶກສາ​ນາໆ​ຊາດວ່າ ຟີ​ລິບ​ປິນ​ ແມ່ນ​ມີຄວາມ​ໝັ້ນໝາຍ ​ຕໍ່​ການ​ມີ​ຄວາມ​ສຳພັນ ​ໃນ​ທາງ​ບວກ​ກັບ​ສະຫະລັດ.

ການ​ປາກົດ​ຕົວ​ຂອງ​ທ່ານ Yasay ມີ​ຂຶ້ນຫລັງ​ຈາກ​ທີ່ປະທາ​ນາ​ທິບໍດີຄົນ​ໃໝ່​ຂອງ ​ຟີ​ລິນ​ປິນ ທ່ານ Rodrigo Duterte ​ໄດ້ກ່າວຖະ​ແຫຼງທີ່​ເປັນ​ບັນຫາ​ຈຳນວນ​ນຶ່ງ.

ທ່ານ Duterte ຮຽກຮ້ອງ​ໃຫ້​ປະ​ທາ​ນາ​ທິບໍ​ດີ​ສະຫະລັດ ທ່ານ​ບາຣັກ ​ໂອ​ບາ​ມາ ບໍ່​ໃຫ້​ມີ​ຄຳ​ຖາມ​ໃດໆ​ກ່ຽວ​ກັບ​ການ​ສັງຫານ​ແບບ​ຮວບ​ຮັດ​ຕັດ​ຕອນ​ຂອງ​ທ່ານ ຫຼືບໍ່​ດັ່ງນັ້ນ​ແລ້ວ ທ່ານ​ເຕືອນ​ວ່າ ຂ້ອຍຈະ​ຮ້ອງ​ເຈົ້າວ່າ​ລູກ​ໂສ​ເພນີ.

ຫລັງ​ຈາກ​ທ່ານ Duterte ​ເວົ້າ​ເຊັ່ນ​ນັ້ນ​ແລ້ວ​ ປະທານາທິບໍດີ​ໂອ​ບາ​ມາ​ກໍ​ໄດ້​ຫາ ລື​ກັບ​ທີ່​ປຶກສາ​ຂອງ​ທ່ານ​ ເພື່ອ​ພິຈາລະນາເ​ບິ່ງ​ວ່າໝາຍ​ກຳນົດ​ພົບ​ປະ​ກັບ​ປະທາ ນາທິບໍດີ Duterte ທີ່​ກອງ​ປະຊຸມ​ສຸດ​ຍອດ​ອາ​ຊ່ຽນຢູ່​ນະຄອນ​ວຽງ​ຈັນ ປະ​ເທດ​ລາວ ​ໃນ​ອາທິດ​ແລ້ວນີ້ຈະ​ໃຫ້ດອກ​ອອກ​ຜົນ​ຫຼືບໍ່. ທຳນຽບຂາວ​ໄດ້​ຍົກ​ເລີກ​ໝາຍ ກຳນົດ​ການ​ພົບ​ປະ​ດັ່ງກ່າວ ​ແຕ່​ຜູ້ນຳ​ທັງ​ສອງ​ກໍ​ໄດ້​ໂອ້ລົມ​ກັນ​ແບບ​ມ່ວນ​ຊື່ນ ​ໃນ ລະຫວ່າງ​ການ​ພົບ​ປະ​ເປັນ​ເວລາ​ສັ້ນໆ ທີ່​ງານ​ລ້ຽງ​ຮັບຮອງ​ອາຫານ​ຄ່ຳ ​ຂອງ​ອາ
ຊ່ຽນ​ນັ້ນ.

ປະທານາທິບໍດີ​ໂອ​ບາ​ມາ ​ໄດ້​ກ່າວ​ໃນ​ເວລາ​ຕໍ່​ມາ​ວ່າ ຄຳເວົ້າຂອງ​ທ່ານ Duterte ບໍ່​ໄດ້​ມີ​ຜົນ​ກະທົບ​ໃດໆ​ຕໍ່​ຄວາມ​ສຳພັນ​ລະຫວ່າງ​ປະ​ເທດ​ພັນທະ​ມິດ​ທັງ​ສອງ.

ອ່ານຂ່າວນີ້ເພີ້ມເປັນພາສາອັງກິດ

ສະແດງຄວາມເຫັນໃຫ້ເບິ່ງ

XS
SM
MD
LG