ລິ້ງ ສຳຫລັບເຂົ້າຫາ

ສານ​ສູງສຸດ​ ຂອງ​ຟິລິບ​ປີນ ​​ຕັດສິນ​ເຫັນ​ພ້ອມ​​ ໃນຂໍ້​ຕົກລົງ ​ປ້ອງ​ກັນ​ປະ​ເທດ ​ຮ່ວມ​ກັບ​ສະຫະລັດ


ກຳປັ່ນລົບ USS Shiloh (CG-67) ຂອງສະຫະລັດ ພວມຈອດ ທີ່ອ່າວ Subic ທາງເໜືອຂອງມະນີລາ.

ກຳປັ່ນລົບ USS Shiloh (CG-67) ຂອງສະຫະລັດ ພວມຈອດ ທີ່ອ່າວ Subic ທາງເໜືອຂອງມະນີລາ.

ສານ​ສູງສຸດ​ຂອງ​ຟິລິບ​ປີນ ​ໄດ້​ຕັດສິນ​ເຫັນ​ພ້ອມໃນຂໍ້​ຕົກລົງ​ປ້ອງ​ກັນ​ປະ​ເທດ​ຮ່ວມ​ກັບ​ສະຫະ ລັດ.

ລັດຖະບານ​ຂອງ​ປະທາ​ນາທີ​ບໍດີ Benigno Aquino ​ໄດ້​ລົງ​ນາມ​ໃນຂໍ້​ຕົກລົງ ຂະຫຍາຍ​ການ​ຮ່ວມມື​ດ້ານ​ປ້ອງ​ກັນ​ປະ​ເທດກັບ​ເຈົ້າໜ້າ​ທີ່ສະ​ຫະລັດ​ໃນ​ປີ 2014 ​ໂດຍ​ໄດ້​ອະນຸຍາດ​ໃຫ້​ກອງ​ກຳລັງ​ສະຫະລັດສາມາດ​ເກັບຮັກສາ​ອາວຸດ​ຍຸດທະ​ພັນໄວ້​ໃນ​ປະ​ເທດ​ຟີ​ລິບ​ປິນ​ເພື່ອ​ນຳ​ໃຊ້ໃນ​ການ​ຮັກສາ​ຄວາມ​ປອດ​ໄພຂອງ​ປະ​ເທດ ​ການ​ປະຕິບັດ​ງານ​ທາງ​ທະ​ເລ ​ແລະ​ການ​ຮັບ​ມື​ກັບ​ໄພ​ພິບັດ​ທາງທຳ​ມະ​ຊາດຕ່າງໆ. ການ​ທ້າທາຍ​ທາງ​ກົດໝ​າຍ​ໄດ້​ມີ​ຂຶ້ນຕໍ່​ຂໍ້​ຕົກລົງ​ດັ່ງ ກ່າວ ​ໂດຍກຸ່ມ​ທີ່​ຄັດຄ້ານ​ ຕໍ່​ການ​ມີໜ້າ​ທາງ​ທະຫານ​ໃດໆ​ກໍ​ຕາມ
ຂອງ​ສະຫະລັດ ​ໃນອະດີດຫົວ​ເມືອງ​ຂຶ້ນ​ຂອງ​ສະຫະລັດ​ແຫ່ງ​ນີ້.

​ແຕ່​ວ່າ​ ​ໂຄສົກສານ​ສູງສຸດ ທ່ານ Theodore Te ກ່າວ​ວ່າ ສານ​ໄດ້​ລົງ​ຄະ​ແນນ​ສຽງ 10
ຕໍ່ 4 ​ໃນ​ວັນ​ອັງຄານ​ມື້​ນີ້ວ່າ ​ຂໍ້​ຕົກລົງດັ່ງກ່າວ ບໍ່​ຈຳ​ເປັນ​ຕ້ອງ​ໄດ້​ຮັບ​ການ​ເຫັນ​ດີຈາກ​ລັດຖະ ສະພາ ເພາະວ່າ ​ໃນ​ຖານະ​ຂໍ້​ຕົກລົງ​ຂອງ​ຝ່າຍ​ບໍລິຫານ​ນັ້ນ ມັນແມ່ນການຈັດຕັ້ງປະຕິບັດ​ກົດ​ໝາຍແລະ​ສົນທິສັນຍາ​ຕ່າງໆທີ່​ມີ​ຢູ່ແລ້ວ​ໃນ​ປະຈຸ​ບັນ.

ຂໍ້​ຕົກລົງ​ທີ່​ວ່າ​ນີ້​ ແມ່ນ​ໄດ້​ຮຽກຮ້ອງໃຫ້​ມີ​ຂຶ້ນໂດຍ​ທ່ານ Aquino ທີ່ພວ​ມ​ຊອກ​ຫາ​ຊ່ອງ​ທາງ ​ເພື່ອ​ເສີມ​ຂະຫຍາຍ​ຄວາມ​ສາມາດທາງ​ທະຫານ​ຂອງຟີ​ລິບ​ປິນ ​ເພື່ອຮັບ​ມື​ກັບ​ການ​ຮຸກ​ຮານ​ທີ່ ​ກ້າຫານຫຼາຍຂຶ້ນຂອງ​ຈີນ ​ໃນ​ການ​ອ້າງ​ເອົາ​ກຳມະ​ສິດ​ຢູ່​ໃນ​ທະ​ເລ​ຈີນ​ໃຕ້​ ທີ່​ອຸດົມສົມບູນໄປດ້ວຍ​ຊັບພະ​ຍາກ​ອນ ​ແບບ​ບໍ່​ເອົາ​ຫົວຊາ​ຕໍ່​ການ​ອ້າງ​ເອົາ​ກຳມະສິດ​ຈາກ​ທາງ​ມະນີ​ລາ ພ້ອມ​ທັງ​ຫວຽດນາມ ​ໄຕ້​ຫວັນ ມາ​ເລເຊຍ​ແລະ​ບຣູ​ໄນ. ຂໍ້​ຕົກລົງ​ດັ່ງກ່າວ ​ຍັງ​ແມ່ນ​ສ່ວນ​ນຶ່ງ​ຂອງ​ ​ຍຸດ​ທະ​ສາດປະທານາທິບໍດີ​ສະ​ຫະລັດ ທ່ານ ບາຣັກ ​ໂອ​ບາ​ມາ​ໃນ​ອັນ​ທີ່​ເອີ້​ນວ່າ “ການ​ຫັນ” ຈຸດ​ເພັ່ງ​ເລັງ ​ຄືນ​ໄປ​ຍັງ​ຂົງ​ເຂດ​ອ​ເຊຍ-ປາ​ຊິ​ຟິກ ຂອງ​ສະຫະລັດ​ນັ້ນ.

XS
SM
MD
LG