ລິ້ງ ສຳຫລັບເຂົ້າຫາ

ປະເທດ ເປຣູ ລົງຄະແນນສຽງ ເລືອກຕັ້ງ ເອົາປະທານາທິບໍດີ ຄົນໃໝ່


ຈາກຊ້າຍ, ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ເປຮູ ທ່ານນາງ Keiko Fujimori, ທ່ານ Pedro Pablo Kuczynski ແລະ ທ່ານນາງ Veronika Mendoza. ປະເທດ ເປຣູ ຈັດການເລືອກຕັ້ງເອົາຕຳແໜ່ງປະທານາທິບໍດີ ໃນວັນອາທິດມື້ນີ້.

ຈາກຊ້າຍ, ຜູ້ລົງແຂ່ງຂັນເອົາຕຳແໜ່ງປະທານາທິບໍດີ ເປຮູ ທ່ານນາງ Keiko Fujimori, ທ່ານ Pedro Pablo Kuczynski ແລະ ທ່ານນາງ Veronika Mendoza. ປະເທດ ເປຣູ ຈັດການເລືອກຕັ້ງເອົາຕຳແໜ່ງປະທານາທິບໍດີ ໃນວັນອາທິດມື້ນີ້.

ປະຊາຊົນຂອງປະເທດ ເປຣູ ກຳລັງໄປປ່ອນບັດລົງຄະແນນສຽງໃນວັນອາທິດມື້ນີ້ ສຳລັບ ການເລືອກຕັ້ງເອົາຕຳແໜ່ງປະທານາທິບໍດີຮອບທຳອິດ ທີ່ຄາດວ່າຈະນຳໄປສູ່ການແຂ່ງ ຂັນຂັ້ນຊີ້ຂາດຕໍ່ໄປ.

ບັນດານັກວິເຄາະກ່າວວ່າ ລູກສາວຂອງອະດີດປະທານາທິບໍດີທ່ານ Alberto Fujimori ເບິ່ງຄືວ່າຈະເຮັດໄດ້ດີໃນການລົງຄະແນນສຽງຮອບທຳອິດ.

ຜູ້ສຳຫຼວດຄວາມຄິດເຫັນກ່າວວ່າ ນັກການເມືອງທີ່ມີແນວທາງ ກາງ-ຂວາ ທ່ານນາງ Keiko Fujimori ໄດ້ມີຄະແນນນຳໜ້າຂູ່ແຂ່ງທີ່ຕາມຫຼັງໃກ້ຄຽງທີ່ສຸດຂອງທ່ານນນາງ ສິບ ກວ່າຄະແນນ ແຕ່ເບິ່ງຄືວ່າຈະບໍ່ຊະນະຄູ່ແຂ່ງຢ່າງງ່າຍດາຍ ເຊິ່ງທ່ານນາງຕ້ອງ ການເພື່ອເອົາຊະນະຂັ້ນເດັດຂາດ.

ການສຳຫຼວດຄວາມຄິດເຫັນຂອງ Ipso ຄາດເດົາວ່າ ທ່ານນາງ Fujimori ຈະໄດ້ຊະນະ 35 ເປີເຊັນຂອງການລົງຄະແນນສຽງໃນວັນອາທິດມື້ນີ້, ໃນຂະນະທີ່ນາຍທະນາຄານ Wall Street ທ່ານ Pedro Pablo Kuczynski ຈະໄດ້ຮັບ 21 ເປີເຊັນ. ແລະ ຕາມຫຼັງ ມາຢ່າງໃກ້ຊິດແມ່ນນັກຊາດນິຍົມທ່ານນາງ Veronica Mendoza ດ້ວຍຄະແນນ 20 ເປີ ເຊັນ.

ທ່ານນາງ Fujimori ໄດ້ພະຍາຍາມທີ່ຈະແຍກຕົນເອງອອກຈາກ ຜູ້ກຳອຳນາດຜະເດັດ ການຂອງ ເປຣູ ທີ່ເປັນພໍ່ຂອງທ່ານນາງເອງ ຈາກປີ 1990 ຫາ 2000. ອະດີດປະທານາທິ ບໍດີທີ່ມີອາຍຸ 77 ປີຄົນນີ້ແມ່ນກຳລັງຖືກຂັງຄຸກ 25 ປີສຳລັບການລະເມີດສິດທິມະນຸຸດ ແລະ ການສໍ້ລາດບັງຫຼວງໃນລະຫວ່າງການດຳລົງຕຳແໜ່ງຂອງທ່ານ.

XS
SM
MD
LG