ລິ້ງ ສຳຫລັບເຂົ້າຫາ

ຜູ້ລົງແຂ່ງຂັນ ເອົາຕຳແໜ່ງ ປະທານາທິບໍດີ ເປຣູ ມີຄະແນນສຽງ ເກືອບເທົ່າກັນ ໃນການເລືອກຕັ້ງ


ພະນັກງານເລືອກຕັ້ງຫາມກ່ອງຄະແນນສຽງ ໄປສະຖານທີ່ເລືອກຕັ້ງ ໃນນະຄອນຫຼວງ Lima, ປະເທດ ເປຣູ. 4 ມິຖຸນາ, 2016.

ພະນັກງານເລືອກຕັ້ງຫາມກ່ອງຄະແນນສຽງ ໄປສະຖານທີ່ເລືອກຕັ້ງ ໃນນະຄອນຫຼວງ Lima, ປະເທດ ເປຣູ. 4 ມິຖຸນາ, 2016.

ບັນດາຜູ້ມີ​ສິດ​ປ່ອນ​ບັດໃນປະເທດ ເປຣູ ແມ່ນກຳລັງເລືອກເອົາປະທານາທິບໍດີຄົນໃໝ່ໃນ ວັນອາທິດມື້ນີ້.

ໃນການຢັ່ງຫາງສຽງຂອງມະຫາຊົນຄັ້ງຫຼ້າສຸດໄດ້ສະແດງໃຫ້ເຫັນວ່າ ບັນດາຜູ້ລົງສະໝັກ ແຂ່ງຂັນ ທ່ານນາງ Keiko Fujimori ແລະ ທ່ານ Pedro Kuczynski ໄດ້ມີຄະແນນ ເກືອບສະເໝີກັນໃນການເລືອກຕັ້ງຂັ້ນຊີ້ຂາດ.

ທ່ານນາງ Fujimori ອາຍຸ 41 ປີ ແມ່ນລູກສາວຂອງອະດີດປະທານາທິບໍດີ ຜູ້ທີ່​ໄດ້​ຖືກ​ປົດອອກຈາກ​ຕຳ​ແໜ່​ງ ທ່ານ Alberto Fujimori. ເຊິ່ງ​ເວລານີ້ທ່ານກຳລັງຖືກຂັງຄຸກດົນ ​ເຖິງ 25 ປີ​ໃນການລະເມີດສິດທິມະນຸດ ແລະ ການສໍ້ລາດບັງຫຼວງ ໃນລະຫວ່າງ ການດຳ ລົງຕຳແໜ່ງຂອງທ່ານ.

ຜູ້ລົງແຂ່ງຂັນ ທ່ານ Kuczynski ແມ່ນອະດີດນັກເສດຖະສາດຂອງທະນາຄານໂລກ. ຕອນນີ້ທ່ານມີອາຍຸ 77 ປີ.

ຜູ້ລົງແຂ່ງຂັນທັງສອງທ່ານແມ່ນນັກອະນຸລັກນິຍົມທີ່ມີແນວທາງອຽງຂວາ. ທ່ານ Kuczynski ໄດ້ສະໜັບສະໜູນທ່ານນາງ Fujimori ເມື່ອທ່ານນາງ ໄດ້ຫາສຽງເພື່ອເປັນ ປະທານາທິບໍດີໃນການເລືອກຕັ້ງປີ 2011 ​ແຂ່ງ​ກັບ​ທ່ານ Ollanta Humala ທີ່​ພວມ​ພົ້ນ ຈາກ​ຕຳ​ແໜ່​ງປະ ທາ​ນາ​ທິບໍດີ​ນັ້ນ.

ທ່ານນາງ Fujimori ໄດ້ມີຄະແນນນຳໜ້າໃນການຢັ່ງຫາງສຽງມະຫາ ຊົນຈົນຮອດປະຈຸ ບັນນີ້, ແຕ່ວ່າຂ່າວການກະທຳຜິດກ່ຽວກັບ ການກ່າວຫາຟອກເງິນຕໍ່ຜູ້​ຊ່ວຍ​ທີ່​ສຳຄັນຄົນ ໜຶ່ງຂອງ​ທ່ານ​ນາງນັ້ນໄດ້ສ້າງຄວາມເສຍຫາຍໃຫ້ກັບທ່ານນາງ, ເຮັດໃຫ້ປ່ຽນການແຂ່ງ ຂັນກາຍມາເປັນການຊ້ຳຄືນການທ້າຊິງເອົາຕຳແໜ່ງຂອງທ່ານນາງ Fujimori ໃນປີ 2011 ເມື່ອທ່ານນາງໄດ້ເສຍ​ໄຊຢ່າງ​ຫວຸດ​ຫວິດໃຫ້ກັບທ່ານ Humala.

ພ້ອມກັນນັ້ນ, ປະຊາຊົນຊາວ ເປຣູ ກໍໄດ້ປະຕິຍານຕົນວ່າຈະບໍ່ມີວັນລົງຄະແນນສຽງໃຫ້ ກັບຜູ້ໃດກໍຕາມທີ່ພົວພັນກັບພໍ່ຂອງທ່ານນາງ. ທ່ານນາງໄດ້ພະຍາຍາມທີ່ຈະແຍກຕົນເອງ ອອກຈາກການປົກຄອງ ເປຣູ ແບບຜະເດັດການຂອງພໍ່ນາງ ​ແຕ່ປີ 1999 ຫາ 2000.

ຖ້າທ່ານນາງ Fujimori ໄດ້ຮັບໄຊຊະນະ ໃນການແຂ່ງຂັນຂັ້ນຊີ້ຂາດວັນອາທິດມື້ນີ້, ທ່ານ​ນາງກໍຈະກາຍເປັນປະທານາທິບໍດີແມ່ຍິງຄົນທຳອິດຂອງປະເທດ ເປຣູ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG