ລັດຖະມົນຕີປ້ອງກັນປະເທດ ທ່ານ Ash Carter ໄດ້ໄລ່ຜູ້ຊ່ວຍ
ທາງທະຫານສູງສຸດຂອງທ່ານ ອອກຈາກໜ້າທີ່ ໃນວັນພະຫັດວານ
ນີ້ ຫລັງຈາກທ່ານຮູ້ກ່ຽວກັບ “ການກ່າວຫາ ໃນຄວາມປະພຶດ”
ຕ້ານນາບພົນໂທຈັດຕະວາ Ron Lewis.
ທ່ານ Carter ໄດ້ອອກຖະແຫລງການສັ້ນໆ ກ່າວວ່າ ທ່ານໄດ້
ມອບເລື້ອງດັ່ງກ່າວໃຫ້ແກ່ ຫ້ອງການສືບສວນທົ່ວໄປຂອງ ທຳ
ນຽບຫ້າແຈ ແລະທ່ານມີຄວາມໝັ້ນໃຈວ່າ ຄວາມສາມາດຂອງ
ຜູ້ສືບສວນ ຈະພິຈາລະນາເຖິງຄວາມຈິງ.
ບໍ່ມີລາຍລະອຽດວ່າ ນາຍພົນ Lewis ໄດ້ຖືກກ່າວຫາວ່າເຮັດຫຍັງ.
ເຈົ້າໜ້າທີ່ ທຳນຽບຫ້າແຈ ຄົນໜື່ງກ່າວວ່າ ທ່ານ Carter ໄດ້ຖືກສະເໜີດ້ວຍການກ່າວຫາ ໃນວັນອັງຄານທີ່ຜ່ານມາ ແລະໄດ້ເອົາບາດກ້າວທີ່ຕຶ່ນຕົກໃຈ.
“ຂ້າພະເຈົ້າ ຄາດໝາຍສູງສຸດ ໃນພື້ນຖານການປະຕິບັດ ຈາກບັນດາຜູ້ຊາຍ ແລະຜູ້ຍິງ
ຢູ່ໃນກະຊວງນີ້ ໂດຍສະເພາະ ຈາກບັນດາຜູ້ທີ່ຮັບໃຊ້ຢູ່ໃນໜ້າທີ່ສູງສຸດ” ທ່ານ Cater
ກ່່າວວ່າ “ບໍ່ມີບ່ອນຍົກເວັ້ນໄດ້.”
ທ່ານ Lewis ແມ່ນນາຍພົນສາມດາວ ຜູ້ທີ່ໄດ້ຮັບໃຊ້ສາມເທື່ອໃນສະໜາມລົບ ໃນໜ້າທີ່
ເປັນຜູ້ບັນຊາການ ແລະເປັນນັກບິນໂຈມຕີເຮລິຄອບເຕີ ໃນອີຣັກ ແລະ ອັຟການິສຖານ.