ລິ້ງ ສຳຫລັບເຂົ້າຫາ

ມີຜູ້ເສຍຊີວິດ 45 ຄົນແລ້ວ ໃນເຫດບໍ່ຖ່ານຫີນລະ​ເບີດ ທີ່ປາກີສຖານ

  • ວັນນະສອນ ແກ້ວດາຣາ

ຜູ້ຄົນລໍຖ້າຟັງຂ່າວຈາກການລະເບີດບໍ່ຖ່ານຫີນ ໃນປາກີສຖານ

ຈໍານວນຂອງຜູ້​ເສຍ​ຊີວິດໃນ​ເຫດແກ໊ສ Methane
ລະ​ເບີດທີ່ບໍ່ຖ່ານຫິນ ແຫ່ງນຶ່ງ ໃນພາກຕາເວັນຕົກສຽງໃຕ້
ຂອງປາກີສຖານ ໄດ້ເພີ່ມຂຶ້ນເປັນ 45 ຄົນແລ້ວ ຢ່າງນ້ອຍ.


ໃນ​ວັນ​ຈັນ​ມື້​ນີ້ ພວກ​ຄົນ​ງານ​ໄດ້​ກູ້​ເອົາ​ຊາກ​ສົບ​ຂຶ້ນ​ມາ​ໄດ້​ອີກ
20 ກ່ວາ​ສົບ ຈາກ​ບໍ່​ຖ່ານ​ຫີນຢູ່​ນອກ​ເມືອງ Quetta ເມືອງ
ຫລວງຂອງແຂວງ Baluchistan ທາງພາກ​ຕາ​ເວັນ​ອອກ
ສຽງ​ໃຕ້​ຂອງ​ປາ​ກິ​ສຖານ. ​ເຈົ້າ​ໜ້າ​ທີ່​ກ່າວ​ວ່າ ​ໂອກາດ​ທີ່​ຈະ
ໄດ້​ພົບ​ເຫັນ​ຜູ້​ລອດ​ຊີວິດ​ມາ​ໄດ້​ນັ້ນ ແມ່ນ​ມີ​ນ້ອຍ​ຫລາຍ.


ມີ​ຄົນ​ງານ​ຂຸດ​ບໍ່​ຫລາຍ​ກ່ວາ 50 ຄົນ ຖືກ​ຕັນຢູ່​ໃນ​ບໍ່ ປະມານ 1,200 ແມັດ ເລິກລົງໄປ
ໃຕ້ດິນໃນວັນອາທິດວານນີ້ ​ເວລາອາຍ​ແກ໊ສ Methane ລະ​ເບີດລະ​ເບີດ​ຂຶ້ນ ​ເຮັດ​ໃຫ້​ບໍ່
ພັງ​ລົງ. ອາຍແກ໊ສ methane ທີ່​ຍັງ​ມີ​ຢູ່​ໃນ​ບໍລິ​ເວນ​ນັ້ນໄດ້ເປັນອຸບປະສັກຕໍ່ການກູ້ໄພ.


ບໍ່ຖ່ານຫິນນີ້ເເມ່ນ​ເປັນ​ຂອງລັດ​ວິ​ສາ​ຫະກິດ ທີ່ຊື່ວ່າ ບໍລິສັດພັທະນາບໍ່ແຮ່ ປາກີສຖານ
ທີ່​ໃຫ້​ຜູ້​ຮັບ​ເໝົາ​ບໍລິສັດ​ນຶ່ງ​ເຊົ່າ​ຕໍ່. ​ເຈົ້າ​ໜ້າ​ທີ່​ກ່າວ​ວ່າ ​ທາງ​ການ​ໄດ້​ປະກາດ​ວ່າ ບໍ່​ດັ່ງ​ກ່າວ​
ເປັນ​ອັນຕະລາຍ ​ເມື່ອ​ສອງ​ອາທິດ​ກ່ອນ​ນີ້.

ທ່ານ Iftikhar ກ່າວວ່າ ເຫດລະເບີດນັ້ນ​ໄດ້​ສົ່ງ​ຜົນ​ໃຫ້ບໍ່ຖານຫີນທາງໃນພັງລົງ
ຊຶ່ງພາໃຫ້ພວກຄົນງານທີ່ຍັງຫາບໍ່ພໍ້ນັ້ນ ມີໂອກາດນ້ອຍ​ເຕັມທີທີ່ຈະລອດອອກມາໄດ້.

XS
SM
MD
LG