ພັກນິຍົມແນວທາງເດີມຂອງປະທານາທິບໍດີເກົາຫຼີໃຕ້ ທ່ານນາງ
Park Geun-hye ກຳລັງປະເຊີນກັບການແຂ່ງຂັນຄັ້ງສຳຄັນ
ໃນວັນພຸດມື້ນີ້ ໃນການເລືອກຕັ້ງທ້ອງຖິ່ນ ທີ່ມີຂຶ້ນທ່າມກາງ
ການໂຮ່ຮ້ອງຂອງປະຊາຊົນ ກ່ຽວກັບການຮັບມືຂອງລັດຖະບານ
ໃນເຫດເຮືອຫຼົ້ມທີ່ຮ້າຍແຮງເຖິງຕາຍນັ້ນ.
ຄະແນນນິຍົມຂອງປະທານາທິບໍດີ Park ໄດ້ຕົກຮວບລົງຢ່າງ
ຫຼວງຫລາຍ ນັບຕັ້ງແຕ່ເຫດເຮືອ Sewol ຫຼົ້ມ ເມື່ອວັນທີ 16
ເມສາຜ່ານມານີ້ ທີ່ໄດ້ສັງຫານ 300 ຄົນ ຊຶ່ງສ່ວນໃຫຍ່ແມ່ນນັກ
ຮຽນມັດທະຍົມ ທີ່ພາໃຫ້ປະຊາຊົນໂກດແຄ້ນນັ້ນ.
ທ່ານນາງ Park ໄດ້ກ່າວຂໍຂະມາໂທດຊ້ຳແລ້ວຊ້ຳອີກ ຕໍ່ໄພພິບັດຄັ້ງນີ້ ແຕ່ມີຫຼາຍໆຄົນຍັງຄຽດແຄ້ນຢູ່ ໃນອັນທີ່ພວກເຂົາເຈົ້າເຫັນວ່າ ການບໍ່ມີມາດຕະຖານດ້ານຄວາມ
ປອດໄພ ໄດ້ນຳໄປສູ່ການເກີດໄພພິບັດໃນຄັ້ງນີ້ ພ້ອມທັງການພະຍາຍາມຊ່ອຍກູ້ໄພ
ທີ່ບໍ່ພຽງພໍຫຼັງຈາກເກີດເຫດແລ້ວ.
ຜູ້ປ່ອນບັດຄົນນຶ່ງ ໄວ 26 ປີ ນາງ Ahn Jin-Yojunung ໄດ້ກ່າວວ່າ ອຸບປະຕິເຫດຄັ້ງນີ້ ໄດ້ ມີບົດບາດກ່ຽວກັບການຕັດສິນໃຈຂອງນາງ ຊຶ່ງນາງກ່າວວ່າ: “ຍ້ອນເຫດຮ້າຍຄັ້ງນີ້ ຂ້ອຍຄິດວ່າ ເລື່ອງຄວາມປອດໄພນັ້ນແມ່ນສຳຄັນກວ່າການເສດຖະກິດ. ຂ້ອຍ
ຫວັງວ່າຄວາມຄິດເຫັນຂອງຂ້ອຍ ຈະສະທ້ອນໃຫ້ເຫັນເຖິງຜົນຂອງການເລືອຕັ້ງຄັ້ງນີ້.”
ຜູ້ປ່ອນບັດອີກຄົນນຶ່ງ ທ່ານນາງ Hwan Ok-hee ໄວ 70 ປີ ໄດ້ກ່າວວ່າ ລາວໝັ້ນໃຈໃນການໃຫ້ຄຳໝັ້ນສັນຍາຂອງທ່ານນາງ Park ທີ່ວ່າຈະປະຕິຮູບນະໂຍບາຍຕ່າງໆ ເພື່ອຮັບມືກັບໄພພິບັດຕ່າງໆນັ້ນ ຈະປະສົບກັບຄວາມສຳເລັດ ຊຶ່ງທ່ານນາງກ່າວວ່າ: “ຂ້າພະເຈົ້າສະໜັບສະໜຸນລັດຖະບານຊຸດນີ້ ແລະຂ້າພະເຈົ້າຄິດວ່າ ພວກເຂົາເຈົ້າຈະ
ດຳເນີນຕໍ່ໄປ ໃນການພັດ ທະນາປັບປຸງຕ່າງໆ ຈາກບົດຮຽນຂອງເຫດການຄັ້ງ
ນີ້. ຂ້າພະເຈົ້າເຊື່ອໝັ້ນເຂົາເຈົ້າ.”
ການຢັ່ງຫາງສຽງ ແນະວ່າ ພັກການເມືອງນິຍົມແນວທາງເດີມ Saenuri ຈະບໍ່ໄດ້ຮັບ
ການປະ ລາໄຊຄັ້ງໃຫຍ່ ເຖິງແມ່ນວ່າພັກຝ່າຍຄ້ານ ກຸ່ມພັນທະມິດປະຊາທິປະໄຕ
ອາດໄດ້ຮັບໄຊຊະນະ ຕື່ມຂຶ້ນ.
ມີຕຳແໜ່ງຕ່າງໆໃນເຂດທ້ອງຖິ່ນ ເກືອບ 4000 ຕຳແໜ່ງ ກຳລັງແຂ່ງຂັນກັນຢູ່ໃນການເລືອກຕັ້ງຄັ້ງນີ້ ຊຶ່ງເປັນການແຂ່ງຂັນທົ່ວປະເທດຄັ້ງທຳອິດ ນັບຕັ້ງແຕ່ທ່ານນາງ Park
ໄດ້ຂຶ້ນກຳຕຳແໜ່ງ ໃນປີກາຍນີ້. ຄາດວ່າ ຜົນການເລືອກຕັ້ງຈະຖືກປະກາດໃຫ້ຊາບ
ໃນວັນພຸດມື້ນີ້.
Park Geun-hye ກຳລັງປະເຊີນກັບການແຂ່ງຂັນຄັ້ງສຳຄັນ
ໃນວັນພຸດມື້ນີ້ ໃນການເລືອກຕັ້ງທ້ອງຖິ່ນ ທີ່ມີຂຶ້ນທ່າມກາງ
ການໂຮ່ຮ້ອງຂອງປະຊາຊົນ ກ່ຽວກັບການຮັບມືຂອງລັດຖະບານ
ໃນເຫດເຮືອຫຼົ້ມທີ່ຮ້າຍແຮງເຖິງຕາຍນັ້ນ.
ຄະແນນນິຍົມຂອງປະທານາທິບໍດີ Park ໄດ້ຕົກຮວບລົງຢ່າງ
ຫຼວງຫລາຍ ນັບຕັ້ງແຕ່ເຫດເຮືອ Sewol ຫຼົ້ມ ເມື່ອວັນທີ 16
ເມສາຜ່ານມານີ້ ທີ່ໄດ້ສັງຫານ 300 ຄົນ ຊຶ່ງສ່ວນໃຫຍ່ແມ່ນນັກ
ຮຽນມັດທະຍົມ ທີ່ພາໃຫ້ປະຊາຊົນໂກດແຄ້ນນັ້ນ.
ທ່ານນາງ Park ໄດ້ກ່າວຂໍຂະມາໂທດຊ້ຳແລ້ວຊ້ຳອີກ ຕໍ່ໄພພິບັດຄັ້ງນີ້ ແຕ່ມີຫຼາຍໆຄົນຍັງຄຽດແຄ້ນຢູ່ ໃນອັນທີ່ພວກເຂົາເຈົ້າເຫັນວ່າ ການບໍ່ມີມາດຕະຖານດ້ານຄວາມ
ປອດໄພ ໄດ້ນຳໄປສູ່ການເກີດໄພພິບັດໃນຄັ້ງນີ້ ພ້ອມທັງການພະຍາຍາມຊ່ອຍກູ້ໄພ
ທີ່ບໍ່ພຽງພໍຫຼັງຈາກເກີດເຫດແລ້ວ.
ຜູ້ປ່ອນບັດຄົນນຶ່ງ ໄວ 26 ປີ ນາງ Ahn Jin-Yojunung ໄດ້ກ່າວວ່າ ອຸບປະຕິເຫດຄັ້ງນີ້ ໄດ້ ມີບົດບາດກ່ຽວກັບການຕັດສິນໃຈຂອງນາງ ຊຶ່ງນາງກ່າວວ່າ: “ຍ້ອນເຫດຮ້າຍຄັ້ງນີ້ ຂ້ອຍຄິດວ່າ ເລື່ອງຄວາມປອດໄພນັ້ນແມ່ນສຳຄັນກວ່າການເສດຖະກິດ. ຂ້ອຍ
ຫວັງວ່າຄວາມຄິດເຫັນຂອງຂ້ອຍ ຈະສະທ້ອນໃຫ້ເຫັນເຖິງຜົນຂອງການເລືອຕັ້ງຄັ້ງນີ້.”
ຜູ້ປ່ອນບັດອີກຄົນນຶ່ງ ທ່ານນາງ Hwan Ok-hee ໄວ 70 ປີ ໄດ້ກ່າວວ່າ ລາວໝັ້ນໃຈໃນການໃຫ້ຄຳໝັ້ນສັນຍາຂອງທ່ານນາງ Park ທີ່ວ່າຈະປະຕິຮູບນະໂຍບາຍຕ່າງໆ ເພື່ອຮັບມືກັບໄພພິບັດຕ່າງໆນັ້ນ ຈະປະສົບກັບຄວາມສຳເລັດ ຊຶ່ງທ່ານນາງກ່າວວ່າ: “ຂ້າພະເຈົ້າສະໜັບສະໜຸນລັດຖະບານຊຸດນີ້ ແລະຂ້າພະເຈົ້າຄິດວ່າ ພວກເຂົາເຈົ້າຈະ
ດຳເນີນຕໍ່ໄປ ໃນການພັດ ທະນາປັບປຸງຕ່າງໆ ຈາກບົດຮຽນຂອງເຫດການຄັ້ງ
ນີ້. ຂ້າພະເຈົ້າເຊື່ອໝັ້ນເຂົາເຈົ້າ.”
ການຢັ່ງຫາງສຽງ ແນະວ່າ ພັກການເມືອງນິຍົມແນວທາງເດີມ Saenuri ຈະບໍ່ໄດ້ຮັບ
ການປະ ລາໄຊຄັ້ງໃຫຍ່ ເຖິງແມ່ນວ່າພັກຝ່າຍຄ້ານ ກຸ່ມພັນທະມິດປະຊາທິປະໄຕ
ອາດໄດ້ຮັບໄຊຊະນະ ຕື່ມຂຶ້ນ.
ມີຕຳແໜ່ງຕ່າງໆໃນເຂດທ້ອງຖິ່ນ ເກືອບ 4000 ຕຳແໜ່ງ ກຳລັງແຂ່ງຂັນກັນຢູ່ໃນການເລືອກຕັ້ງຄັ້ງນີ້ ຊຶ່ງເປັນການແຂ່ງຂັນທົ່ວປະເທດຄັ້ງທຳອິດ ນັບຕັ້ງແຕ່ທ່ານນາງ Park
ໄດ້ຂຶ້ນກຳຕຳແໜ່ງ ໃນປີກາຍນີ້. ຄາດວ່າ ຜົນການເລືອກຕັ້ງຈະຖືກປະກາດໃຫ້ຊາບ
ໃນວັນພຸດມື້ນີ້.
