ອັນທີ່ຮ້ອງກັນວ່າ ຂ່າວນອງນັນກ່ຽວກັບເອກກະສານປານາມາ ທີ່ໄດ້ລະເບີດຂຶ້ນໃນເດືອນ ແລ້ວນີ້ ເຮັດໃຫ້ເກີດຄວາມສົນໃຈຂຶ້ນມາໃໝ່ອີກ ໃນຂະນະທີ່ຂໍ້ມູນຂະໜາດໃຫຍ່ຂອງ ເອກ ກະສານທີ່ພົວພັນກັບບັນດານັກການເມືອງທີ່ຮັ່ງມີ ແລະບັນດາຜູ້ມີຊື່ສຽງພາກັນຝາກ ເງິນໄວ້ຢູ່ຕ່າງປະເທດ ຍ້ອນບໍ່ຢາກເສຍພາສີ ບັດນີ້ໄດ້ຖືກເຜີຍ ຢູ່ອິນເຕີແນັດ. ບັນດາເອກກະສານເຫລົ່ານີ້ໃຫ້ການຢືນຢັນຕໍ່ ອັນທີ່ມີການສົງໄສມາດົນນານແລ້ວ ທີ່ວ່າພວກຮັ່ງມີໃນ ທົ່ວໂລກ ພາກັນໃຊ້ບັນ ດາບໍລິສັດ ເພື່ອຫລີກລ່ຽງການເສຍພາສີໃນຄວາມຮັ່ງມີຂອງເຂົາ ເຈົ້າ. ຂໍ້ມູນດັ່ງກ່າວແມ່ນຮວມທັງບັນຊີໃນຕ່າງປະເທດ 200,000 ກວ່າບັນຊີ ທີ່ບໍລິຫານ ງານ ໂດຍບໍລິສັດທະນາຍຄວາມ Mossack ແລະ Fonseca ຂອງປານາມາ ໄດ້ຖືກພິມ ເຜີຍແຜ່ທາງອິນເຕີແນັດໃນວັນຈັນອາທິດແລ້ວນີ້ ໂດຍພວກນັກຂ່າວສືບ ສວນສາກົນ ຫລື ICIJ. Zlatica Hoke ມີລາຍງານ ຊຶ່ງກິ່ງສະຫວັນ ຈະນຳມາສະເໜີທ່ານ.
ການພິມເຜີຍແຜ່ຂໍ້ມູນ ເພື່ອໃຫ້ສາທາລະນະຊົທົ່ວໄປຮູ້ຈັກເລື້ງນຳນັ້ນມີທ່າທາງວ່າ ອາດຈະພາໃຫ້ເກີດຄວາມວຸ້ນວາຍເພີ້ມຂຶ້ນກ່ອນການເປີດເຜີຍເທື່ອ ທຳອິດ. ປະຊາຊົນ ຢູ່ໃນທົ່ວໂລກ ຈະສາມາດຄົ້ນຫາຂໍ້ມູນນີ້ ກ່ຽວກັບບັນຊີເງິນ ຝາກຢູ່ຕ່າງປະເທດທີ່ພົວພັນ
ກັບຫຼາຍກວ່າ 200 ປະເທດແລະດິນແດນຕ່າງໆ.
ຍານາງ Marina Walker Guevara ຮອງຫົວໜ້າ ICIJ ກ່າວວ່າ “ຂ້າພະ ເຈົ້າຄິດວ່າ ສິ່ງທີ່ໜ້າປະທັບໃຈທີ່ສຸດກໍຄື ພວກເຮົາໄດ້ມອບອຳນາດຄືນສູ່ກຳມື ຂອງປະຊາຊົນ.”
ລາຍງານໃນເດືອນແລ້ວນີ້ ກ່ຽວກັບບັນຊີເງິນຝາກຢູ່ຕ່າງປະເທດ ໄດ້ເຮັດສ້າງ ຄວາມອັບ ອາຍ ຂາຍໜ້າ ໃຫ້ແກ່ບັນດາຜູ້ນຳການເມືອງຫລາຍໆທ່ານ ຮວມທັນາຍົກລັດຖະມົນຕີອັງ
ກິດ ທ່ານ David Cameron ແລະປະທານາທິບໍດີຣັດ ເຊຍ ທ່ານ Vladimir Putin ແລະ ເຮັດໃຫ້ ພວກເຈົ້າໜ້າທີ່ຂັ້ນສູງໃນປະເທດ Iceland ແລະ Spain ຕົກຈາກຕຳແໜ່ງ. ບັນ ດານັກຂ່າວສືບສວນ ບັດນີ້ໄດ້ ຮຽກຮ້ອງໃຫ້ຜູ້ຄົນຢູ່ໃນທົ່ວໂລກ ພາກັນເຂົ້າມາພົວພັນ ໃນ ຄວາມພະຍາຍາມ ເພື່ອປັບປຸງການເງິນຢູ່ທົ່ວໂລກໃຫ້ມີຄວາມໂປ່ງໃສ.
ຍານາງ Guevara ກ່າວວ່າ “ເພາະສະນັ້ນ ບອກໃຫ້ພວກເຮົາຮູ້ ຄືດັ່ງບັນດາ ປະເທດ ບ່ອນທີ່ພວກເຮົາບໍ່ມີໂອກາດເຮັດວຽກ ແລະມີອີກຫລາຍໆປະເທດ ທີ່ ພວກເຮົາພາດໄປ?
ບໍລິສັດທະນາຍຄວາມ ທີ່ມີສຳນັກງານຢູ່ປານາມາ ແລະບັນດາລາຍຊື່ລູກຄ້າຢູ່ ໃນເອກກະ ສານປານາມານັ້ນ ໄດ້ພາກັນປະຕິເສດວ່າ ຕົນບໍ່ໄດ້ກະທຳຜິດຫຍັງ. ບ່ອນຫລົບລີ້ບໍ່ເສຍ ພາສີ ບໍ່ໄດ້ຜິດກົດໝາຍ ແຕ່ວ່າເປັນໄພອັນຕະລາຍ ເພາະ ວ່າມັນເຮັດໃຫ້ຄົນຮັ່ງມີ ຫລີກ ລ່ຽງບໍ່ຈ່າຍຄ່າພາສີ ໃນສ່ວນຂອງເຂົາເຈົ້າ ແລະ ເຮັດໃຫ້ພວກທີ່ມີລາຍໄດ້ປານກາງ ແລະ ລາຍໄດ້ຕໍ່າ ເປັນຜູ້ຮັບຜິດຊອບຫລາຍຂຶ້ນ. ບັນດານັກເສດຖະສາດ 300 ຮ້ອຍຄົນພາກັນ ເຊັນໜັງສືໃນວັນຈັນແລ້ວນີ້ ຮຽກຮ້ອງໃຫ້ບັນດາຜູ້ນຳຂອງໂລກ ລົບລ້າງບ່ອນຫລົບຫລີກ ພາສີໂດຍກ່າວວ່າ ມັນພາໃຫ້ເກີດຄວາມບໍ່ສະເໝີພາບ ແລະເປັນໄພອັນຕະລາຍຕໍ່ ເສດຖະກິດໂລກ.
ຍານາງ Guevara ກ່າວວ່າ “ບ່ອນຫລົບລີ້ພາສີທີ່ລຶກລັບມັກຈະຖືກໄປໃນທາງທີ່ບໍ່ຖືກ ຕ້ອງເລື້ອຍໆແລະບັນດາບໍລິສັດທີ່ຕັ້ງຂຶ້ນ ບັນດາບໍລິສັດທີ່ບໍ່ບອກຊື່ແມ່ນ ໃຊ້ສຳລັບກໍ່ ອາຊະຍາກຳຕ່າງໆ ນັບແຕ່ການຟອກເງິນ ຕະຫລອດທັງການຄ້າຢາເສບຕິດ ການຄ້າ ອາວຸດ ແລະການສໍ້ໂກງທີ່ຮ້າຍແຮງ.”
ຂໍ້ມູນລາຍລະອຽດສາມາດຄົ້ນຫາໄດ້ ໂດຍຊຶ່ຂອງປະເທດ ທີ່ຢູ່ ແລະອື່ນໆອີກ. ຂໍ້ມູນທີ່ ສຳຄັນໆ ເຊັນວ່າບັນຊີທະນາຄານ ແລະຊື່ຂອງບຸກຄົນນັ້ນ ບໍ່ສາມາດ ຊອກຄົນຫາໄດ້.